Руските научници тврдат дека ја приспособиле вакцината СпутникV на делта сојот - Канал 5

Здравје

Руските научници тврдат дека ја приспособиле вакцината СпутникV на делта сојот

Руските истражувачи објавија дека ја измениле вакцината против коронавирус Спутник В, која се користи повеќе од една година, за употреба против повеќе заразната варијанта делта.

Руските научници тврдат дека ја приспособиле вакцината СпутникV на делта сојот

„Вакцината што ја модифициравме веќе е во фрижидер“, изјави денеска за Интерфакс Александар Гинзбург, директор на Институтот Гамалеја. Тој додаде дека се уште е рано да се зборува за степенот на ефективноста на вакцината.

Другите производители на вакцини низ целиот свет веќе работат на измена на нивните вакцини за да бидат што е можно поефикасни против варијантата делта.

Во исто време, Гинзбург се залага за употреба на вакцината наречена Спутник Лајт како засилувачка вакцина за оние кои двапати примале вакцина на BioNTech / Pfizer.

Русија развила вкупно четири вакцини против коронавирус и работи на петтата, тврдат руските власти.

Спутник В, кој е одобрен во околу 70 земји, се пласира и се користи на меѓународниот пазар.

Рускиот министер за здравство Михаил Мурашко вели дека стапката на ефикасност на Спутник V е 83 проценти кога станува збор за делта варијантата на коронавирусот.

Русија, како и многу земји во светот, во моментов се бори со варијантата делта. Околу 800 смртни случаи од последиците од „Ковид-19“ се евидентираат секој ден.

Според официјалните податоци, досега во Русија се вакцинирани 41,5 милиони луѓе или 28,4 проценти од населението, од кои 33,5 милиони двапати, што значи 22,9 проценти во целост.

ЕУ се уште работи на одобрување за „Спутник V“ и постојано ја критикува Русија дека не обезбедила доволно податоци за да придонесе за одобрување на вакцината на ниво на ЕУ.

Членката на ЕУ, Унгарија, веќе долго време го користи Спутник врз основа на национално одобрување. Во Германија, вакцинацијата со Спутник не е признаена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Отстранета нелегалната конструкција на „Даме Груев“ , јавниот простор вратен на граѓаните

Општина Центар ја отстрани металната конструкција на улица „Даме Груев“, кај слаткарницата „Малага“. Со нејзиното демонтирање, пешачката патека повторно е слободна за движење.

Герасимовски: Отстранета нелегалната конструкција на „Даме Груев“ , јавниот простор вратен на граѓаните

„Го расчистивме просторот и го вративме на пешаците, на кои им припаѓа. Јавните површини мора да бидат слободни и достапни за сите“, рече градоначалникот на Општина Центар, Горан Герасимовски.

Конструкцијата, која претходно се користеше како тераса, ја зафаќаше пешачката зона и го попречуваше нормалното движење во строгиот центар на градот.

Општина Центар продолжува со инспекциски контроли и активности за отстранување на бесправно поставени конструкции и објекти, со цел заштита на јавниот простор и непречено движење на граѓаните.

Општина Центар - Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уапсени се повеќе лица во контрола на угостителски објекти во Скопје

Ноќеска акциска контрола во угостителски објекти во Скопје, лишени од слобода повеќе лица, меѓу нив и малолетници.

Уапсени се повеќе лица во контрола на угостителски објекти во Скопје

Секторот за внатрешни работи Скопје, во содејство со инспектори од Државен пазарен инспекторат, ноќеска изврши контрола во повеќе угостителски објекти во Скопје. За време на контролата легитимирани се 37 лица и лишени од слобода се осум лица, од кои три малолетници.

Притоа, во два угостителски објекти констатирано е пречекорување на работното време, а во еден од угостителските објекти констатирано е точење на алкохол на малолетни лица, како и лица кои поседуваат наркотични дроги, психотропни супстанции и прекурсори.

Акциските контроли продолжуваат и во наредниот период, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се уредува нова парковска површина кај „Џевахир“ во општина Аеродром

Се уредува нова парковска површина од околу 3.000 м2 во непосредна близина на комплексот „Џевахир Скај Сити“ во Општина Аеродром.

Се уредува нова парковска површина кај „Џевахир“ во општина Аеродром

Градоначалникот на Општина Аеродром Дејан Митески денеска изврши увид во активностите за расчистување на просторот што ќе прерасне во нов парк со детско игралиште, пешачки патеки, урбана опрема и зеленило.

На целиот простот ќе биде поставен и систем за наводнување, како и комплетно нови линии за осветлување.

Благодарност до компанијата „Џевахир“ за поддршката и соработката во реализацијата на овој проект со кој аеродромци добиваат ново место за одмор, рекреација и дружење.

Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер