Рускиот тајкун Владислав Баумгертнер исчезна на Кипар - Канал 5

Свет

Рускиот тајкун Владислав Баумгертнер исчезна на Кипар

Кипарската полиција вчера издаде соопштение во врска со исчезнувањето на Баумгертнер со фотографија и детални податоци, барајќи информации што би можеле да помогнат во неговото пронаоѓање.

Рускиот тајкун Владислав Баумгертнер исчезна на Кипар

Во тек е истрагата на кипарските власти за пронаоѓање на 56-годишниот руски тајкун Владислав Баумгертнер, поранешен извршен директор на рускиот гигант за вештачки ѓубрива „Уракали“, кој од средата се води за исчезнат од неговиот дом во близина на градот Лимасол, јави дописничката на МИА од Атина.

Кипарската полиција вчера издаде соопштение во врска со исчезнувањето на Баумгертнер со фотографија и детални податоци, барајќи информации што би можеле да помогнат во неговото пронаоѓање.

- Полицијата бара информации што би можеле да помогнат во пронаоѓањето на Владислав Баумгертнер, 56-годишен од Русија, кој од 07.01.2026 година исчезнат од неговото место на живеење во Лимасол, пишува во соопштението од полицијата

Според кипарските медиуми исчезнувањето го пријавила неговата вработена, која ги информирала властите дека не одговарал на нејзините телефонски повици, а во истрагата за пронаоѓање на бизнисменот во саботата и вчера биле спроведени детални истраги со припадници на полицијата, членови на Одделот за истраги и спасување од Лимасол, волонтери, како и хеликоптер и дрон.

Во текот на вчерашниот ден во фокусот на потрагата бил западниот дел на Лимасол и областа Писури, каде што бил откриен последниот сигнал на мобилниот телефон на исчезнатиот.

Медиумите на Кипар пишуваат дека во 2013 година, Баумгертнер бил уапсен на аеродромот во Минск и задржан во центар за привремен притвор, а според весникот „Филелефтерос“ „неговиот апсење беше врв на конфликтот меѓу Москва и владата на Белорусија околу „картелот“ на калиум (хидроксид на калиум), по одлуката на „Уракали“ да ја прекине соработката со државната компанија „Беларускали“.

- Баумгертнер тогаш беше обвинет за злоупотреба на власт и во ноември 2013 година беше екстрадиран во Москва, каде што му беше определен домашен притвор пред да биде разрешен од функцијата во „Уракали“. Иако обвиненијата против него беа целосно повлечени во 2015 година, случајот тогаш се сметаше за политичко заложништво во рамките на односите меѓу Путин и Лукашенко, пишува кипарскиот весник.

Според „Сајпрус Тајмс“, Баумгертнер потоа, се вратил на бизнисот, го презел раководството на „Глобал Портс“ и во последните години живее на Кипар.

На Кипар, актуелен е уште еден случај со руски државјанин, неповрзан со исчезнувањето на Баумгертнер.

Кипарските медиуми пишуваат дека во четвртокот, во руската амбасада во Република Кипар бил пронајден мртов еден од вработените.

Од руската амбасада денеска излегоа со соопштение со кое информираат за смртта на нивниот колега, А.В. Панов, вработен во амбасадата, кој починал на 8 јануари 2026 година.

- Неговата смрт е длабоко лична трагедија за неговото семејство и пријателите. На семејството му е пружена сета потребна помош и поддршка. Амбасадата, во соработка со кипарските власти, работи на обезбедување на брза репатријација на неговото тело во неговата татковина, соопштија од амбасадата.

Тагови: кипар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Алтернатива за Германија извојува убедлива победа во источната германска покраина Саксонија-Анхалт

Алтернатива за Германија  извојува убедлива победа во источната германска покраина Саксонија-Анхалт, далеку пред главните ривали. Пренесува Би-Би-Си.

Алтернатива за Германија извојува убедлива победа во источната германска покраина Саксонија-Анхалт

Прелиминарните резултати покажуваат дека не успеала да освои апсолутно мнозинство, но AFD вели дека добила мандат за влада.

Крајнодесничарската AFD обезбеди 43,8% од гласовите, а конзервативната CDU 17,2%, според прелиминарните резултати на покраинската изборна комисија. Харизматичниот лидер , Улрих Зигмунд, рече дека тоа е „сензационално“ и дека сакаат да започнат со управување што е можно поскоро.ниту една крајно десничарска партија не ја освоила контролата врз германска покраина од втората светска војна, а управувањето на покраинско ниво би значело овластувања врз полицијата, локалното образование и културата. Саксонија-Анхалт има мало население од 2,1 милиони жители, а AFD во покраината е оценета од домашните разузнавачки служби како „десничарски екстремистичка“, класификација што ја отфрли 35-годишниот Зигмунд. ФД се залага за строги ограничувања за имиграцијата, обновување на врските со Русија, намалување на поддршката за Украина и напуштање на еврозоната.

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска продолжува судскиот процес за злоупотребите во Државна лотарија, во кој еден од обвинетите е Артан Груби

Денеска треба да продолжи судскиот процес за наводните злоупотреби во АД „Државна лотарија“, во кој еден од обвинетите е и поранешниот вицепремиер Артан Груби.

Денеска продолжува судскиот процес за злоупотребите во Државна лотарија, во кој еден од обвинетите е Артан Груби

Во предметот обвинението го застапуваат јавните обвинители Даниел Коцев и Александар Давчевски, кои најавија изведување на 231 материјален доказ, вештачења и сослушување на седум сведоци. Според обвинението Артан Груби и уште седум лица се товарат дека во текот на 2023 и 2024 година со пречекорување на службените овластувања предизвикале штета на АД „Државна лотарија“ од над 507 милиони денари. На обвинетите им се става на товар кривичното дело злоупотреба на службената положба и овластувањето. Првообвинетиот, поранешниот директор на „Државна лотарија“ Перпарим Бајрами, и натаму е недостапен за органите на прогонот, додека за Груби обвинителството бара продолжување на мерката куќен притвор.

Тагови: Артан Груби

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Возач нема моќ да вработува, но Јанушев има, истрагата мора да се прошири

Скандалот со митото на возачот на Јанушев во Владата на Мицкоски не може да се заташка и истрагата мора да се прошири.

СДСМ: Возач нема моќ да вработува, но Јанушев има, истрагата мора да се прошири

Овој скандал отвора едно клучно прашање: каква била улогата на Јанушев во овој случај со мито?

Возачот на Јанушев бил фатен со претходно обележани банкноти затоа што наводно барал 1.500 евра за да посредува во вработување пожарникар во Град Скопје.

Возач нема никаква моќ да вработува. Но генерален секретар на Влада, како Игор Јанушев, кој воедно е член и на Извршниот комитет на ВМРО-ОКГ има.

Ова е само еден аспект кој отвора сериозен сомнеж.

Дали возачот е само негова продолжена рака и посредник?

Ова е втор скандал оваа година поврзан со кабинетот на Јанушев.

Посебен советник за економски прашања во кабинетот на Генералниот секретар на Владата беше дел од групата осомничени за лихварство и за перење пари.

Премногу скандали врзани со Јанушев, за неговиот имот, за неговата фирма во Бугарија, за неговите соработници....

Обвинителството се врати ли од екскурзија?

Истрагата мора да се прошири.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер