Руски хуманоиден робот остранет од Твитер-напишал дека астронаутите на МВС биле пијани (ФОТО)

Хуманоидниот робот, Астронаут е отстранет од Твитер откако јавно обвини двајца поранешни космонаути дека се опијаниле при неодамнешната посета на Меѓународната вселенска станица.

Официјално познат како робот Skybot F-850 или Fedor (Final Experimental Demonstration Object Research) е вмешан во руски политички скандал. Тој неодамна беше испратен до Меѓународната вселенска станица во капсулата Сојуз, лансирана од Казахстан на 20 август.

Федор престојувал само 10 дена на Меѓународната вселенска станица пред да биде вратен на Земјата, откако истражувачите сфатиле дека не може правилно да оди во микрогравитација, пренесува Independent.

Дотогаш, Федор веќе имал репутација на „лош робот“, благодарение на поранешниот руски вицепремиер Дмитриј Рогозин, сега шеф на руската вселенска програма „Роскосмос“, кој сподели видеа на кои Федор управува автомобил, крева тегови и пука со оружје пред лансирањето.

Популарноста на Федор на социјалните мрежи се зголеми пред неколку дена кога тој јавно ги обвини поранешните колеги, ветераните космонаути и политичарите Максим Сураев и Александар Самокутјаев.

„Роботите, за разлика од Сураев и Самокутјаев, не подлежат на слабости, не ги кршат законите на орбиталната станица, не зборуваат глупости, ја завршуваат задачата на летот целосно и без коментар и не се обидуваат да ја напуштат космонаутската позиција за место во Државната дума“, напишал роботот на Твитер во вторникот, пренесува Њујорк пост.

„Моето мислење за луѓето е лошо“, додаде тој.

Времето на објавување на твитот предизвика контроверзии и меѓу членовите на Роскосмос и Рогозин, вклучувајќи го и обвинетото дуо кое јавно го критикувал нивниот водач. На Твитер, Сураев сугерирал дека Рогозин не инвестирал доволно во руската вселенска програма, споредувајќи ја ракетата Спејс Х со нивната стисната ракета.

Рогозин негирал каква било поврзаност со злобата на Федор и дал до знаење дека роботот го користел Твитер по своја волја. „Ова не е прашање за нас, треба да контактирате со Федор и да му пишете“, изјави Рогозин за медиумите.

Во меѓувреме, Самокутјаев за руската веб-страница „Рис“ изјави дека може да покрене обвинение и тврди дека на ИСС немало алкохол.

„Бесен сум поради оваа навреда. Ќе одам на суд, нема да го пуштам, а нема да го попушти ниту Максим Сураев. Ние сме руски херои“, рече тој.

Најдено новороденче на аеродром,сите патнички завршиле во притвор (ВИДЕО)

Катарските власти ги информирале властите во Австралија дека извадиле тринаесет патнички од авион на аеродромот во Доха, каде што им бил извршен детален преглед за да се утврди дали се поврзани со оставањето на новороденче на аеродромот.

Австралија денеска ги осуди катарските власти за соблекување и пребарување на 13 патнички на летот кон Сиднеј кои биле подложени на детален преглед за да се утврди дали се поврзани со раѓањето на тоа бебе.

Патничките на „Катар ервејс“ на летот 908 до Сиднеј биле подложени на детален медицински преглед на аеродромот „Хамад“ во Доха и затоа летот бил одложен.

Еден од патниците рекол дека во авионот слушнале порака во која жените биле повикани да го напуштат авионот.

Австралиското Министерство за надворешни работи ги опиша постапките на катарските власти како несоодветни.

"Инцидентот е многу вознемирувачки и насилен. Никогаш не сум чул за сличен случај во мојот живот. Ние недвосмислено им го пренесовме нашиот став на катарските власти", изјави австралискиот министер за надворешни работи Мариз Пејн, потврдувајќи дека очекува детален извештај од катарските власти оваа недела, за да донесе одлука за следните чекори, објави АП.

По враќањето во Австралија, патничките од Катар заминале во карантин, каде ја добиле целата неопходна медицинска нега и психијатриска помош.

Новороденчето, патем, сè уште не е идентификувано, но е предадено на надлежните медицински и социјални служби, објавиле властите на аеродромот во Доха.

Манекенката Деми Роуз избега од Британија и се сонча на Малдивите (ФОТО)

Кралицата на минијатурните костими за капење, британска манекенка и сензација на Инстаграм, 25-годишната Деми Роуз ужива во топлите зраци на сонцето на Малдивите , откако избега од вечно дождливиот Лондон.

„Полека се навикнувам на островскиот живот“, напиша Деми позирајќи во минијатурно бикини со животински принт, заземајќи стратешка поза (нога пред нога додека стои на прстите) за да изгледа повисоко, а нозете подолги.

Heaven on Earth✨ @lolo_creativ

A post shared by Demi 🌹 (@demirose) on

Сите 15 милиони нејзини следбеници на Инстаграм последниве денови уживаат во објавите на бујната инфлуенсерка Деми Роуз, која се прослави единствено со нејзиниот секси изглед, а влезе во светот на шоу-бизнисот со фактот дека е поранешна девојка на раперот Тајџ, поранешно момче на познатата Кајли Џенер.

- Рајот е состојба на умот! Ве има 15 милиони. Јас сум воодушевена. Никогаш не можев да помислам кога започнав со Инстаграм и кога почнав да позирам на 18 години дека ќе имам таква неверојатна база на обожаватели како што имам сега. Ве ценам и сакам сите. Благодарна сум за вашата поддршка - напиша пресреќната Деми, почестувајќи ги придружниците со фотографии во црно боди од чипка, додека зад неа се гледа бескрајниот океан.

- Вие сте нашиот ангел - е само еден од коментарите на воодушевените обожаватели.

Деми не се обидува да ги сокрие своите бујни облини. Покрај тоа, таа гордо ги покажува во исклучително минијатурните костуми за капење, а понекогаш и без нив.

- Верувам дека сме најубави кога ќе го отфрлиме нашето старо „јас“ и ќе се свртиме кон новото светло - напиша Деми на романтичната фотографија од плажа.

Поголемиот дел од деновите ги поминува на плажа, пловејќи на јахти или релаксирајќи се на отворените базени во одморалиштето Амила на Малдивите, кои се опкружени со природни ресурси и ја кријат од љубопитните погледи.

Таа е секогаш во костим за капење, изложена на сонце, на што му го должи својот тен дури и во средината на есента.

Во сториите на Инстаграм, Деми призна дека овој островски живот ја оставил „без трепки“, алудирајќи дека престанала да става вештачки трепки и дека ужива во годишниот одмор и природата.

Министерот Спасовски е позитивен на коронавирус,има благи симптоми

И покрај строгото почитување на мерките коишто ги превземам за моја лична и заштита на луѓето околу мене од почетокот на пандемијата, вечерва добив позитивен резултат за Ковид 19, напиша на ФБ министерот Оливер Спасовски.

Почитувани, би сакал да ве информирам дека и покрај строгото почитување на мерките коишто ги превземам за моја лична и заштита на луѓето околу мене од почетокот на пандемијата, вечерва добив позитивен резултат за Ковид 19.

Клиничката слика ми е добра, со благи симптоми и веќе сум во домашна самоизолација.

Чувајте сепорача министерот за внатрешни работи во објавата на Фејсбук.

притисни ентер