Други спортови

Руската златна лизгачка не можеше да го издржи стресот- и` се слоши по настапот

Кратката програма во уметничко лизгање за жени заврши вчера на Зимските олимписки игри во Пекинг, а 15-годишната Русинка Камила Валиева е во водство од првиот ден.

Таа во солзи го напушти мразот по бројните контроверзии во кои се најде последните денови.

Да потсетиме, Валиева на 25 декември на Руското национално првенство била позитивна на забранетата супстанца триметазидин, која е состојка во лек за срцеви проблеми, но веста беше објавена дури шест недели подоцна, што и овозможи да се натпреварува на ЗОИ и да освои злато во Пекинг во екипна конкуренција.

Само еден ден подоцна, се дознало за нејзиниот позитивен тест. Судот за спортска арбитража (CAS) го одобрил настапот на Валиева на следното натпреварување на Зимските олимписки игри, но нема да и` биде дозволено да добие медал. Организаторите на Игрите најавија дека нема да и` дадат медал на Валиева доколку утре го освои, бидејќи се уште не е решен случајот во кој таа е обвинета за допинг.

Нејзиниот аргумент бил дека оваа контаминација настанала со мешање со производ што го земал нејзиниот дедо. Тинејџерката добила одобрение од CAS за вчера да се натпреварува во сингл, откако CAS се согласи со одлуката на Руската антидопинг агенција (RUSADA) за укинување на забраната.

По вчерашниот настап, на Валијева и се слошило. Стресот околу целата ситуација лошо се одразил на нејзиното здравје. Веднаш по настанот била однесена во Олимпиското село каде и` била укажана потребната нега и помош.

Руски Спутник пишува дека се работело само за мали потешкотии и дека лизгачката е во добра физичка кондиција. Таа веќе денеска се врати на мразот за да се подготви за големото финале каде е една од фаворитите, според истиот извор.

Таа, исто така, опишала како изгледало сослушувањето пред CAS. „Седев седум часа со една пауза од 20 минути. Беше многу тешко, како да се случува сето ова. Исцрпена сум и емотивно уморна, често плачам. И од тага и од среќа. Среќна сум што и покрај се`, ќе се борам за својата земја“, рече лизгачката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

BREAKING: Gulfstream G100 with 6 persons on board has reportedly crashed into the Atlantic while flying from Bermuda to Boston pic.twitter.com/gHZI5Sq2vc
— Breaking Aviation News & Videos (@aviationbrk) October 3, 2026

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО.

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.