Свет

Русите за прв пат во нападот на Вовчанск ја употребиле „Таткото на сите бомби“ (ВИДЕО)

На социјалните мрежи е објавена страшна видео снимка од експлозијата на разорната бомба, наводно, фрлена од руските сили на Вовчанск.

Видеото, меѓу другите го сподели Антон Герашченко, кој до минатата година беше советник во Министерството за надворешни работи на Украина.

Наводно, станува збор за експлозијата на „Таткото на сите бомби“. Се работи за „ODAB-9000“, најмоќното ненуклеарно оружје во светот со експлозивна моќ еднаква на 44.000 килограми ТНТ.

Вовчанск е град во областа Харков, околу кој се водат жестоки битки. Се верува дека „ODAB-9000“ е најмоќната руска термобарична бомба, дизајнирана да создаде масивен ударен бран кој може да предизвика големи разурнувања на широк простор, пренесува „Киев пост“.

„ОДАБ-9000“ се смета главно за експериментално оружје бидејќи бил тестиран само еднаш во 2007 година и не е потврден како дел од стандардниот руски арсенал.

Досега „ФАБ-3000“, таканаречената лизгачка бомба, тешка три тони, беше најмоќното руско оружје што се користеше за уништување на поставени цели.

И бомбите ОДАБ-1500 и ФАБ-3000 обично се фрлаат од ловците-бомбардери Су-34. Шпекулациите и дискусиите за тоа што всушност експлодирало во Вовчанск продолжуваат бидејќи се уште нема официјални информации.

Свет

Украинска новинарка починала во затвор во Русија: За жал, ја потврдуваме веста

Петро Јаченко, претставник на Координативниот штаб за третман на воени затвореници, денеска соопшти дека украинската новинарка Викторија Рошина починала во руско заробеништво.

„Спроведовме внатрешни истраги и, за жал, оваа информација е потврдена. Ја познававме Викторија. Таа подготвуваше материјали во Координативниот штаб 22 години. Затоа, ова е крајно тажна вест за нас, но и за целото украинско новинарство“, велат од Координативниот штаб, пренесува Киев Индипендент.

Јаченко истакна дека се уште е рано да се зборува за околностите на смртта и дека тие се утврдуваат.

„Мислам дека во секој случај ќе ги дознаеме овие околности.“ рече тој.

Тој изјави дека процесот на ослободување на Рошина бил претходно започнат, како и дека нејзиниот трансфер од Таганрог во Москва бил фаза на подготовка за нејзиното ослободување.

„Се трудиме да не ги заборавиме нашите војници, цивили и новинари кои се таму и таа работа е во тек. За жал, овде немавме време. “, додаде Јаченко.

Викторија Рошина исчезнала на 3 август 2023 година за време на патување на териториите окупирани од Русија, наведува украинската агенција.

Фудбал

Милевски: Среќен сум поради резултатот, пристапот и желбата на моите фудбалери

Селекторот на македонската фудбалска репрезентација, Благоја Милевски изрази задоволство од победата на гости против Летонија (3:0) во меч од Лигата на нациите. 

- Среќен сум поради резултатот, пристапот и желбата на моите фудбалери. Од играта во одредени моменти не сум задоволен, но најважен е резултатот, проблемите ќе ги решаваме во од. Имавме картони, повредени фудбалери, вирус, но бевме над сето тоа и победивме, изјави Милевски по мечот.

Македонија останува на првото место во групата, а на 13. октомври ќе има гостување кај репрезентацијата на Ерменија, кое ќе биде клучно за конечниот изглед на табелата.

Свет

Потврдени се 11 жртви на страотниот ураган „Милтон“ во САД, Бајден со порака до Трамп (ВИДЕО)

Бројот на загинати во невремето на Флорида се искачи на 11.

Бројот на загинати се искачи на 11 откако дрво падна врз возило во округот Цитрус, при што загина возачот, јавува NBC News.

Два смртни случаи беа претходно пријавени во округот Пинелас, три во округот Волузија и пет во округот Сент Луси, од кои четири биле предизвикани од торнада.

Џо Бајден одржа прес-конференција за ураганот Милтон во Вашингтон.

Тој рече дека ќе бидат потребни неколку милијарди долари за обнова на областа и ќе биде потребно долго време.

Тој се повика на коментарите на Доналд Трамп, кој рече дека погодените од ураганот ќе добијат само 750 долари помош. „Тоа е бизарно“, рече Бајден.

Запрашан дали разговарал за дезинформациите со Трамп, тој рече: „Дали се шегуваш?

„Господине Трамп, најдете си живот. Помогнете им на овие луѓе“.

притисни ентер