Живот

Русите и Европската унија во потрага по живот на Марс (видео)

Американскиот ровер „Кјуриосити“ наскоро ќе добие друштво на површината на Црвената планета.

Имено, Европската вселенска агенција и руската „Роскосмос“ наскоро ќе го лансираат својот заеднички адут.

Европската мисија го носи името „ExoMars 2016” (Ексобиологија на Марс).

Почетокот е закажан за средината на март, кога од казахстанскиот космодром во Бајконур ќе биде лансирана сондата „Trace Gas Orbiter” (TGO) тешка три тони, како и модулот за слетување на Марс „Скјапарели“, кој го доби името по Џовани Скјапарели, италијански астроном од 19 век.

Сондата и модулот до Црвената планета ќе ги носи руската ракета од типот „Протон“.

„TGO” ќе има задача да направи детална анализа на атмосферските гасови на Марс.

Посебен акцент ќе биде ставен на истражувањето на метан, што би имплицирало дека постои активен геолошки или биолошки извор на овој гас на планетата.

Имено, 90 отсто од метанот на Земјата потекнува од биолошки извори.

Потенцијалното откритие на овој гас на Марс би претставувало скоро сигурен доказ за постоење на микрооргански живот на оваа планета.

Од друга страна, модулот „Скјапарели“, според зборовите на претставниците на мисијата, “ќе демонстрира повеќе технологии со чија помош ќе се слетува на Марс во наредните мисии“.

После седуммесечното крстарење по вселената, планирано е „Скјапарели“ на 16 октомври да се одвои од сондата и три дена подоцна да слета на површината на Марс, каде би требало да се задржи неколку дена.

За слетување е одбрано местото „Меридиани Планум“, истото на кое во 2004 година се приземи американскиот ровер „Опортјунити“.

Додека „Скјапарели“ ја истражува површината на Марс, сондата „TGO” ќе кружи во орбитата на планетата, а потоа ќе ја започне својата научна мисија.

Нејзината цел ќе биде собирање податоци за „ExoMars 2018”, втората мисија во рамките на која на Марс ќе слета руски ровер со комплетна научна платформа.

Во таа мисија, роверот ќе се одвои од платформата и ќе патува по површината на Марс во потрага за добро сочувани органски материјални, посебно од раниот период на Црвената планета.

-Пред четири милијарди години површината на Марс била многу слична на онаа на Земјата, во моментот кога на нашата планета настанал животот. Почнува новата ера на европското истражување на Марс“ – изјави Хорхе Ваго од мисијата „ExoMars 2016”.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Историски успех: „SpaceX“ за прв пат го фати „Starship“ (ВИДЕО)

Вселенскиот брод „Starship“ на „SpaceX“ се врати на Земјата во саботата, а џиновските механички раце го фатија во воздух над истата локација во Тексас од која полета 22 часа претходно.

Тоа беше прв пат ваков маневар за заробување да биде успешно извршен, откако претходниот обид не успеа, пишува „France24“.

They did it! SpaceX has just caught their Starship rocket for the first time ever, marking the first recovery of a conventional orbital rocket upper stage in history! This is one of the greatest engineering achievements in history. Congrats to the entire @SpaceX team! 🚀 https://t.co/9KAzAcd3e8
— Sawyer Merritt (@SawyerMerritt) November 14, 2026

Успех во сенка на неуспехот

Иако заробувањето на самиот „Starship“ беше целта на која се надеваа Елон Маск и неговиот тим, компанијата не успеа да го спроведе планираното двојно заробување. Погонската фаза, позната како бустер, експлодираше кратко по лансирањето во петокот.

Додека вселенскиот брод од не'рѓосувачки челик се спушташе вертикално кон лансирната рампа, остатоците од бустерот беа обезбедени во Мексиканскиот Залив. И покрај проблемот со бустерот, самото заробување на вселенскиот брод беше импресивно. „Можете ли да верувате?“, коментираше Ден Хуот, преносот во живо на „SpaceX“.

„SpaceX“ вели дека успехот од саботата ја докажува целосната повторна употреба на „Starship“, што е клучен предуслов за идните мисии на Месечината и Марс. Иако петочниот бустер не успеа да се врати, компанијата успешно го сними три пати претходно, потврдувајќи ја функционалноста на методот.

НАСА, исто така, одговори позитивно. Вселенската агенција го финансира развојот на „Starship“ со милијарди долари за да слетаат астронаути од мислијата „ Artemis “ на Месечината и да помогнат во изградбата на постојана база на Месечината до крајот на оваа деценија. Маск има поамбициозни планови, вклучително и лансирање на цела флота од вселенски бродови за изградба на град на Марс.

Извор: Индекс.хр

Тагови: SpaceX

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претрес во Радовиш, пронајдена дрога, лишено од слобода едно лице

На 14.11.2026 во Радовиш, полициски службеници од СВР Струмица-ОВР Радовиш го лишија од слобода С.В.(29) од Радовиш.

При претрес во неговиот дом, извршен со судска наредба, биле пронајдени и одземени марихуана и предмети со остатоци од марихуана. За настанот е известен јавен обвинител, а по целосно документирање на случајот ќе биде поднесена соодветна пријава.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Полета новиот кинески електричен авион (ВИДЕО)

Новиот кинески електричен патнички авион полета со одлични резултати, завршувајќи го својот прв лет со екипаж.

Авионот од 10 тони прелета над Бинжоу, во источната кинеска провинција Шандонг, каде што двајца пилоти и еден инженер за тестирање на летот го тестираа во саботата.

Развиен од COMAC - Корпорацијата за комерцијални авиони на Кина - CE-25A е првиот електричен комерцијален авион на компанијата. Дизајниран првенствено за кратки меѓуградски летови, може да носи до 19 патници со брзина на крстарење од 300 километри на час.

Тагови: електричен авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.