Русите и Американците се скараа и во вселената: Астронаутка од САД го оштетила леталото „Сојуз“

Руската вселенска агенција Роскосмос се закани дека ќе поднесе кривична тужба против американска астронаутка, обвинувајќи ја дека дупчила дупка во вселенската мисија во 2018 година на леталото Сојуз МС-09, поврзано со Меѓународната вселенска станица.

Русија започнала истрага по падот на притисокот на кислородот во леталото, но и во целата ISS, што потенцијално може да ги загрози животите на астронаутите.

Истрагата утврдила дека виновникот за дупчењето на дупката е Серена Анон-Канчелор (45), американска астронаутка, родена во Индијанаполис.

Весникот „Известија“ објавил дека Серена намерно извршила саботажа бидејќи сакала што поскоро да се врати дома на Земјата.

Извори блиски до дневникот наведуваат дека се истражуваат два можни мотиви за нејзините постапки. Или имала приватни, љубовни проблеми или имала здравствени проблеми (се споменува и создавање на згрутчување на крвта).

Во моментот на падот на притисокот во „Сојуз“ и во целата ISS, во мисијата биле вкупно тројца астронаути.

Покрај Серена Анон-Канчелор, во вселената биле и Русинот Сергеј Прокопјев и Германецот Александар Герст од Европската вселенска агенција.

Руската страна тврди дека Американецот одбил да биде прегледан на полиграф, како и дека камерата која ја снима внатрешноста на „Сојуз“ била мистериозно исклучена во моментот кога била откриена дупката.

Откриени биле вкупно осум дупки, од кои седум површни.

Што се однесува до љубовниот живот, Серена Анон-Канчелор е мажена, а нејзиниот сопруг е Џеф Канчелор. Тој во тоа време бил илјадници милји подалеку, на Земјата, и не е познато дали имала афера со некој од астронаутите за време на нејзиниот престој во вселената.

Мисијата на тимот астронаути што биле со Серена требало да трае шест месеци.

Агенцијата ТАСС јавува дека истрагата открила неколку дупки кои не можеле случајно да бидат избушени при нулта гравитација.

Тие дупки првпат биле забележани на 30 август 2018 година, откако е забележан пад на нивото на кислород.

Руските космонаути брзо ги затвориле дупките, со што притисокот се вратил во нормала. Тие го направиле тоа со епоксидна смола, која е како лепак. Откако дупката била запечатена, астронаутите извршиле фото и видео преглед со помош на ендоскоп.

Првично се верувало дека дупката е издупчена со дупчалка на Земјата, но оваа теорија била напуштена бидејќи се покажало дека дупката е направена одвнатре и не е резултат на судир со остатоци од вселенски отпад.

Пред две години, руската страна прво покренала сомнеж дека американската астронаутка е одговорна за саботажата.

НАСА потоа одговориле дека немаат да коментираат прашања поврзани со здравствената состојба на астронаутите, наведувајќи дека Серена Анон-Канчелор е почитувана членка на тимот, отфрлајќи ги обвинувањата.

Јованка Тренчевска ја презеде функцијата министер за труд и социјална политика

Во Министерството за труд и социјална политика денеска се изврши примопредавање на функцијата министер за труд и социјална политика.

Новоименуваната министерка Јованка Тренчевска ја презеде функцијата од досегашната министерка Јагода Шахпаска.

Со тоа министерката за труд и социјална политика Тренчевска и официјално го започнува управувањето со овој сектор.

„Чест и задоволство ми претставува да го предводам секторот во кој со години наназад активно учествував во креирањето на социјалните политики насочени кон граѓаните, а особено кон најранливата категорија. Приоритет ќе ми бидат, унапредување на правата од социјалната заштита, обезбедување на редовни и сигурни пензии, заштита и почитување на работничките права како и грижа за најмладите. Продолжуваме заедно да градиме едно општество за сите. Родовата еднаквост останува и понатаму високо на мојата и на агендата на Министерството за труд и социјална политика,“ истакна Тренчевска.

Досегашната министерка за труд и социјална политика Шахпаска на нејзината наследничка Тренчевска и посака успешна и плодна работа. Таа ја информираше за тековните проекти на кои работи Министерството, за предвидената динамика за нивна реализација и за евентуалните пречки со кои се соочуваат.

Тренчевска доаѓа од раководната позиција на Државниот Инспекторат на труд, а претходно ја извршуваше функцијата Државна секретарка во Министерството за труд и социјална политика. Таа е дел од ова министерство 19 години со нејзино активно учество во креирањето на политиките за родовата еднаквост на жените и мажите, каде има водечка позиција во овој сектор. Нејзината досегашна кариера е во насока на унапредување на правата на работниците како и родовата еднаквост меѓу мажите и жените. Министерката Тренчевска е магистер по социолошки науки.

Министерство за труд и социјална политика

Примопредавање на дел од министерските ресори

Денеска во дел од ресорните министерства ќе се изврши примопредвање на министерските функции на новите министери во новата Влада.

Во министерството за одбрана заврши примопредавањето помеѓу досегашната министерка за одбрана Радмила Шеќеринска и новата министерка Славјанка Петровска.

Прва седница на Владата предводена од премиерот Димитар Ковачевски

Владата предводена од новиот премиер Димитар Ковачевски денеска ќе ја одржи првата седница, со почеток во 14 часот. 

Новиот состав на Владата беше изгласан синоќа пред полноќ во Собранието. Владата има 21 член, еден повеќе од претходниот состав.

Претседателот на Владата Ковачевски ќе има четворица заменици, Артан Груби – прв вицепремиер и министер за политички систем и односи меѓу заедниците, Славица Грковска – вицепремиер за борба против коруција и криминал, Бојан Маричиќ – вицепремиер за европски прашања и Фатмир Битиќи – вицепремиерот за економски прашања.

Оливер Спасовски е избран за министер за внатрешни работи, Славјанка Петровска – за одбрана, Никола Тупанчевски – за правда, Благој Бочварски – министер за транспорт и врски, Љупчо Николовски – за земјоделство, шумарство и водостопанство, Јована Тренчевска – за труд и социјална политика, Бисера Костадиновска-Стојчевска – за култура, Горан Милевски – министер за локална самоуправа, Беким Сали – за здравство, Јетон Шаќири – за образование и наука, Бујар Османи – за надворешни работи, Фатмир Бесими – министер за финансии, Крешник Бектеши – за економија, Насер Нуредини – за животна средина, Адмирим Алити – за информатичко општество и администрација и Џемаил Чупи – министер без ресор задолжен за дијаспората.

притисни ентер