Европа

Русија тврди дека зазела 1.700 км² во Украина, Киев наведува контрауспеси

Руските сили од почетокот на годинава зазеле околу 1.700 квадратни километри територија во Украина и напредуваат во т.н. појас на утврдувања во Донбас, изјави висок руски генерал за време на смотра на воените сили.

Од почетокот на инвазијата врз Украина во 2022 година, Русија настојува да го заземе целиот регион Донбас во источниот дел од земјата, каде што по жестоките борби украинските сили се потиснати кон линијата на градовите.

Киев извести и за одредени успеси во војната, која е најкрвава во Европа по Втората светска војна. Врховниот командант на украинската армија, Олександр Сирски, во средината на април изјави дека во текот на март украинските сили повторно воспоставиле контрола врз речиси 50 квадратни километри од својата територија.

- Од почетокот на оваа година, под наша контрола се вкупно 80 населени места и повеќе од 1.700 квадратни километри територија - изјави началникот на Генералштабот на руските вооружени сили, Валериј Герасимов, во снимката што денеска ја објави руското Министерство за одбрана.

Ваквите тврдења засега не можат да се потврдат од независни извори.

Проукраинските карти укажуваат дека Русија годинава зазела околу 592 квадратни километри.

Герасимов наведе дека руската Јужна групација го напаѓа појасот на утврдувања во Доњецк, кој ги опфаќа градовите Славјанск, Краматорск и Константиновка, како и дека руските сили се оддалечени околу 7 до 12 километри од Славјанск и Краматорск.

Руските единици веќе се борат во делови од Константиновка, додаде тој, истакнувајќи дека руските сили напредуваат и во Суми на север и во Харков на североисток, со цел да создадат, како што рече, „безбедносна зона“.

Според руските проценки, Москва контролира околу 90 отсто од Донбас, околу 75 отсто од Запорошката и од Херсонската област, како и делови од Харковската, Сумската, Миколаевската и од Днепропетровската област.

Под руска контрола е и Крим, кој Москва го анектираше во 2014 година по претходните борби. Поголемиот дел од меѓународната заедница го признава Црноморскиот Полуостров како дел од Украина.

Проукраинските карти покажуваат дека Русија контролира 116.793 квадратни километри, односно 19,35 отсто од територијата на Украина, но и дека руското напредување годинава е забавено.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шпанските спасувачи трагаат по 23 исчезнати во пожарот кој однесе 12 жртви

Шпанските спасувачи трагаат по најмалку 23 исчезнати во големиот шумски пожар во шпанскиот регион Андалузија, во кој досега загинаа 12 лица.

Пожарот сè уште се шири поради неповолните временски услови и тешките временски услови, а досега зафати околу 4.000 хектари вегетација. Во битката со огнот, учествуваат повеќе од 500 служби за итни случаи, со поддршка на 32 авиона. Илјадници жители се евакуирани од погодените области, а повеќе од 1.400 луѓе моментално се наоѓаат во привремени засолништа првичните истраги покажуваат дека паднат далновод бил причина за пожарот. Властите стравуваат дека пожарот би можел да стане еден од најсмртоносните во Андалузија и еден од најкатастрофалните во Шпанија во последните децении.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска-Давкова им додели сертификати на учесниците на „Охрид камп за високо-технолошка извонредност“

Претседателката Гордана Сиљановска-Давкова денеска присуствуваше на затворањето на шестиот „Охрид камп за високо-технолошка извонредност“, што се одржува под нејзино покровителство, а во организација на „Македонија 2025“.

Таа оцени дека ваквите иницијативи не само што придонесуваат за стекнување напредни знаења и вештини во областа на роботиката, програмирањето, инженерството и иновациите, туку ги подготвуваат младите да бидат активни актери во обликувањето на иднината, наместо пасивни набљудувачи на промените.

Според неа, особено важно е младите да размислуваат критички, да создаваат иновативни решенија и да ги користат современите технологии како средство за општествен напредок, одржлив развој и подобар квалитет на животот.

Сиљановска-Давкова порача дека талентот треба да се препознава, негува, стимулира и наградува, а младите да ги „инфицираат“ и другите околу себе со љубов кон знаењето и науката.

Потсетувајќи на роботот Протеус, кој се свртел против својот творец, таа нагласи дека човештвото мора мудро да се однесува кон новите технологии, оти тие треба да останат во служба на човекот, а не да станат причина за губење на човечката димензија.

Учесниците ги споделија своите искуства од кампот, истакнувајќи дека програмата им овозможила да стекнат нови знаења и вештини, да работат на иновативни проекти и да воспостават пријателства со врсници од различни земји.

Тие ги презентираа проектите изработени за време на кампот, по што претседателката, во својство на покровителка, им ги врачи сертификатите за успешно завршување на програмата.

Годинава, кампот обедини 24 млади на возраст од 11 до 15 години од македонската дијаспора во САД, Малта, Србија, ОАЕ, Германија и од неколку градови низ државата.

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Бешлиовска: Во 15 установи потребни се најмалку 210 нови медицински сестри

Само во 15 здравствени установи недостигаат повеќе од 200 медицински сестри, алармираат од Здружението на сестри и техничари.

Според претседателка Гордана Бешлиовска, недостигот е реалност која не смее да се решава со паушални барања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.