Свет

Русија планира во септември да почне со производство на вакцина против коронавирус

Русија планира да започне со производство на вакцината против „ковид-19“ во септември по завршувањето на клиничките испитувања во јули, а вакцината ќе биде потврдена во август.

Вакцината во моментот е клинички тестирана врз волонтери, изјави вицепремиерката Татјана Голикова, јави денеска државната новинска агенција ТАСС.

Во мај, Националниот центар за истражување за епидемиологија и микробиологија Гамалеја објави дека развила вакцина против коронавирус. Вакцината нема никакви несакани ефекти, според директорот на институтот Александар Гинзбург. Научниците на институтот ја тестирале вакцината врз животни, а потоа и на самите нив, рече тој.

Студијата за вакцината сè уште не е објавена и засега нема независна потврда за тврдењата на научниците или членовите на владата. Производството на вакцини обично трае неколку години.

Вакцината моментално ја тестира руската војска врз 50 доброволци, во воено-истражувачки центар во московскиот регион. Тестирањето треба да заврши до крајот на јули.

Седум истражувачки институти во моментов работат независно во Русија за да ја пронајдат вакцината, а три од нив ветуваат, рече Голикова.

Рускиот претседател Владимир Путин побара руската вакцина да се развие што е можно поскоро.

Тенис

Швионтек триумфираше во Мадрид откако спаси три меч топки против Сабаленка

Светската тенисерка број еден, Ига Швионтек за прв пат во кариерата ја освои титулата во Мадрид.

Тенисерката од Полска во финалето ја совлада минатогодишната шампионка Арина Сабаленка со 7:5, 4:6, 7:6(7), откако спаси три меч топки.

Натпреварот траеше повеќе од 3 часа, а Швионтек го освои 20-от трофеј во кариерата. Таа има вкупно 30 победи во календарската година и е непоразена во последните 7 финалиња.

Билансот меѓу двете сега е 7:3 во корист на Швионтек.

Свет

Израелски функционер: Хамас го блокира секој договор за примирје, инсистирајќи на целосен преки

Хамас го блокира секој договор за примирје, инсистирајќи на целосен прекин на војната.

Висок израелски функционер денеска изјави дека палестински Хамас „ја блокира секоја можност за договор за примирје“ инсистирајќи на целосен прекин на војната во Појасот Газа, за време на разговорите во Каиро во присуство на меѓународни посредници.

„Информациите според кои Израел прифатил да стави крај на војната, како дел од договорот за размена на затвореници, или дека Израел ќе дозволи со посредување да се гарантира дека војната ќе прекине се - неточни. Досега Хамас не се откажа од своето барање за завршување на војната и на тој начин ја блокира можноста за постигнување договор за примирје“, изјави функционерот, кој не сакаше да биде именуван.

Претставник на Хамас изјави за светските агенции дека нема напредок во денешните преговори во Каиро, со учество на посредниците (Египет, Катар, САД).

Тој додаде дека преговорите се завршени и дека денеска ќе се одржи нова рунда.

Свет

Повеќе од 400 луѓе евакуирани поради поплави во Тексас

Многу населби во градот Хјустон, во американската сојузна држава Тексас, беа поплавени вчера по обилните дождови, кои ги принудија спасувачите да евакуираат повеќе од 400 луѓе од домовите.

Поплавите зафатија голем дел од Тексас, од Хјустон до руралниот Источен Тексас, каде што спасувачите ги поминуваа улиците и патиштата со чамци, за да спасат луѓе и домашни животни кои не биле евакуирани навреме.

Официјални претставници издадоа упатства до жителите во ниските области да се евакуираат, предупредувајќи дека најлошото допрва доаѓа.

Нови врнежи се очекуваат утре, а властите признаваат дека може да има многу проблеми доколку има обилни дождови.

притисни ентер