Двете делегации излегоа со делумно оптимистички тонови, по првите директни разговори во палатата Долмабахче во Истанбул. Донесени се неколку заклучоци. Преговорите да продолжат и да се разгледа можноста за евентуална директна средба меѓу Зеленски и Путин. Постигната е и согласност за досега најголемата размена на воени заробеници од почетокот на војната.

-Договоривме размена на илјада за илјада лица, работиме и на други модалитети, ќе бидеме во контакт со колегите и ќе размениме документи. , изјави Рустем Умеров, главен преговарач на Украина.

-Се договоривме секоја од страните да ја презентира своето гледиште за можно идно примирје и да се изнесат детали. Откако ќе биде презентирано, веруваме дека ќе биде соодветно, да ги продолжиме преговорите. , изјави Владимир Медински, главен преговарач на Русија.

Сега сите очи се вперени кон Трамп, кој е се погласен дека е време за негова средба со Путин и не исклучува можност наскоро да му телефонира. Истиот став го дели и официјален Кремљ.

-Кога мислите да се сретнете со Путин? Најбрзо штом се договориме. , изјави Доналд Трамп. , претседател на САД.

-Таква средба е секако неопходна, пред сè од гледна точка на билатералните руско-американски односи, а и од гледна точка на разговор за сериозна дискусија на највисоко ниво за меѓународните работи и регионалните процеси, вклучително, секако, кризата околу Украина. , изјави Дмитри Песков, портпарол на Русија.

Случувањата во Истанбул со внимание се следат и во Тирана, каде 47 шефови на држави и влади, вклучително и премиерот Мицкоски учествуваат на шестиот Самит на Европската политичка заедница. Меѓу нив се и Ердоган и Зеленски, што самото по себе зборува за важноста на собирот, од каде не се исклучува можност да произлезе нов пакет санкции за Русија, која веќе е во најава. Во обраќањето, Зеленски кажа која е црвената линија на Киев пред да се постигне каков и да е договор со Москва.

-Нашиот приоритет број 1 е целосен и безусловен прекин на огнот да се случи што побрзо за да го спречи убивањето и да биде основа за дипломатија. Ако руските претставници во Истанбул не можат да се согласат на тоа ќе биде сто проценти јасно дека Путин продолжува да ја поткупува дипломатија. , изјави Володимир Зеленски, претседател на Украина.

-Работиме на нов пакет санкции, вклучувајќи на пример санкции за Северен Тек 1 и Северна Тек 2, проширување на списокот на бродови на 'Shadow Fleet', како и намалување на на ограничувањето на цената на нафтата и дополнителни финансиски санкции против рускиот финансиски сектор. Она што е важно, ние сакаме мир и затоа ќе го зголемуваме притисокот се додека претседателот Путин не биде подготвен за мир. , изјави Урсула фон дер Лајен, претседателка на ЕК.

Во досегашниот конфликт меѓу Русија и Украина се проценува дека загинале околу 10 илјади цивили и повеќе десетици илјади војници од двете страни.