Руралните семејства се наша гордост, историја, традиција, култура и бренд-амбасадори на Македонија, порачаа Љутков и Неделковски - Канал 5

Македонија

Руралните семејства се наша гордост, историја, традиција, култура и бренд-амбасадори на Македонија, порачаа Љутков и Неделковски

Руралниот и искуствениот туризам со години беше маргинализиран, без јасна институционална стратегија и поддршка, со исклучок на поддршката на неколку меѓународни програми и амбасади.

Руралните семејства се наша гордост, историја, традиција, култура и бренд-амбасадори на Македонија, порачаа Љутков и Неделковски

Но, со фузирањето на туризмот и културата, препознавме огромен потенцијал во овој досега недоволно видлив дел од туристичката понуда. Домаќинствата и малите производители се моторот на локалната економија и токму во нив ќе инвестираме сè повеќе, континуирано и стратешки, рече денеска министерот за култура и туризам Зоран Љутков на прес-конференција по повод Саемот за туризам: рурални домаќинства, што ќе се одржува викендов во Скопје.

Љутков најави дека настани како овој Саем за туризам, со фокус на руралните домаќинства и производителите на органска храна, ќе бидат значително позастапени во програмата за 2026 година, а уште поинтензивно во 2027 и 2028 година.

-Преку проектот Е-75 што неколку пати го највивме, нашата цел е развој на транзитниот туризам. Целта е од просечен 24-часовен престој во 2026 година, да стигнеме до минимум 72 часа по турист до 2028 година, долж оваа клучна траса, подвлече министерот.

Како што информира, годинава Министерството издвојува 36 милиони денари за програмски активности и дополнителни 150 милиони денари за субвенции во туризмот.

-Овие средства ќе се зголемуваат секоја следна година, бидејќи и ние и Владата сме свесни дека инвестицијата во промоција носи директен економски ефект. Денес знаеме дека секој вложен денар во туризмот носи четирикратен поврат и токму затоа не се двоумиме да инвестираме во сектор што треба цврсто да застане на свои нозе, дециден е Љутков.

На прес-конференцијата зборуваа и директорот на Земјоделскиот институт - Скопје, Душко Неделковски, амбасадорот на Словенија, Грегор Прескер, како и заменик-шефот на мисијата во Амбасадата на Швајцарија, Михал Харари. Како што беше речено, руралните семејства се наша гордост, историја, традиција, култура и бренд-амбасадори на Македонија.

Словенечкиот амбасадор рече дека Саемот е посебна приказна која го промовира агро-туризмот.

-Овој проект има јасна и хумана цел - зачувување на природата и подобрување на животот на луѓето во руралните средини, посебно на младите и жените на кои им се зајакнува економска независност, но и улогата во заедницата, што не е само економско прашање, туку и прашање на достоинство, правична застапеност и прашање на иднината. Ние силно веруваме во потенцијалот на руралните заедници и во силата на локалните луѓе, а ова е инвестиција во луѓето, во животната средина и во европската перспектива, потенцира Прескер, додавајќи дека неговата земја сака да го пренесе своето искуство во Македонија.

Според него, во Словенија има околу 1 400 семејства кои промовираат земјоделство и рурален туризам.

-Со развој на одржливо земјоделство и туризам се отвораат многу можности за приходи, нови работни места и нова надеж за младите да останат во своите родни места, укажа амбасадорот.

Директорот на Земјоделскиот институт, Неделковски најави дека утре, во рамки на Саемот, ќе биде промовирана публикација за агро-еко туризам - вид прирачник за руралните семејства што треба да им помогне во градењето и развојот на бизнисот.

Со проектот што го имплементира Институтот, информира директорот, во Македонија досега се мапирани повеќе од 100 рурални домаќинства, а според последните податоци, за една година двојно е зголемен интересот кај младите за развој на еко-туризмот.

-Главната цел на проектот е да им помогнеме на руралните домаќинства за да се зголеми нивната егистенција, тие да добијат дополнителна финансиска поддршка и целиот тој бенефит на крај, да прерасне во развој на нивните рурални средини. Во нашата држава просечната старост на земјоделците е околу 55 години и оттука, нашата идеја е да поттикнеме интерес кај помладите во руралните средини за развој на агро-еко туризмот, потенцира директорот.

Како што дополни, во Македонија има преку 4 000 земјоделски домаќинства и секое има потенцијал за развој на рурален туризам.

-Секој што има желба и идеа може да ја претвори во агро-еко туризам. Во моментов недостасуваат сместувачки капацитети, но може да се искористат постојните. Не мора сите фарми да имаат капацитети, туку едни може да будат производи, а други сместување, но битно е тие да се вмрежат, рече Неделковски и најави обуки, како и консултации за руралните домаќинства кои се заинтересирани за развивање туризам.

Заменик-шефот на мисијата во Амбасадата на Швајцарија, Харари нагласи дека градењето просперитетна активна туристичка дестинација никогаш не е резултат само на индивидуални напори. Потребна е, рече, соработка меѓу давателите на услуги, силни врски со локалното население и заедничка одговорност за одржлив развој.

-Туризмот е моќен двигател на одржлив економски развој кога ги пресретнува очекувањата на посетителите. Видовме многу успеси кога давателите на услуги ја диверзифицираат и збогатуваат туристичката понуда, обично со комбинирање активности на отворено, култура, гастрономија и локални производи. Ова им помага на дестинациите да останат конкурентни, да дојдат до нови пазари и да привлечат посетители кои остануваат подолго и се ангажираат позначајно. Во исто време, подобрениот пристап до пазарот и посилната видливост им овозможуваат на локалните даватели на услуги одржливо да ги развиваат своите бизниси, а воедно да ја зачуваат автентичноста и карактерот на дестинацијата, потенцира Харари.

Осврнувајќи се на соработката со Македонија, таа посочи дека Швајцарија, преку Швајцарската програма за зголемување на пазарната вработливост – IME, повеќе од десет години го споделува своето знаење и ги поддржува давателите на услуги за одржлив туризам, руралните домаќинства, винариите и земјоделските бизниси да работат заедно и да создаваат вредност врз основа на културата, пејзажите и гостопримството. Швајцарија, дополни, ги поддржува давателите на турстички услуги во Охрид, Крушево, Мариово и пошироко во воведувањето одржливи практики, диверзифицирање на понудата и јакнење на пазарните врски.

Саемот за туризам: рурални домаќинства ќе се одржува утре и задутре во „Јавна соба“, а најавено е учество на 50 излагачи од цела Македонија. Влезот е бесплатен за сите посетители кои ќе можат да дегустираат органски производи, вина, ракии, традиционални специјалитети и домашни преработки, а планирано е да добијат и ваучер со 15 отсто попуст и на производите и на услугите што руралните домаќинства ги нудат.

На саемот се поканети и туристички агенции кои работат дојдовен туризам, со цел остварување директни средби со домаќинствата и склучување договори за соработка. Овие партнерства, како што рече министерот Љутков, се клучни за одржлив развој и за постигнување на потребните стандарди.

Саемот го организираат Министертвото за култура и туризам, „Јавна соба“, Земјоделскиот институт - Скопје, Амбасадата на Република Словенија и швајцарската Програма за зголемување на пазарната вработливост - ИМЕ.

Тагови: Љутков

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Магазин

Недостатокот на овој витамин го зголемува ризикот од вирусни инфекции и воспаленија

Витаминот Д игра важна улога во правилното функционирање на телото, а во последниве години, сè повеќе внимание се посветува на неговото влијание врз имунолошкиот систем.

Недостатокот на овој витамин го зголемува ризикот од вирусни инфекции и воспаленија

Витаминот Д е еден од важните хранливи состојки што придонесуваат за правилно функционирање на имунолошкиот систем. Телото може да го произведува кога кожата е изложена на сончева светлина, но во текот на зимските месеци, оваа можност е значително намалена. Затоа, доволната количина на витамин Д може да се обезбеди и преку храна или додатоци во исхраната.

Покрај учеството во бројни процеси во телото, витаминот Д игра важна улога и во одбраната од инфекции. Неговото дејство е поврзано со неколку механизми што му помагаат на имунолошкиот систем правилно да реагира на различни закани.

Витаминот Д придонесува за зачувување на природната заштитна бариера на телото. Мукозните мембрани претставуваат една од првите линии на одбрана од вируси и други микроорганизми, а нивното правилно функционирање е важно за заштита на телото.

Витаминот Д, исто така, му помага на имунолошкиот систем правилно да реагира на разни предизвици. Тој придонесува за способноста на телото да се справи со респираторни инфекции, како што се настинки и грип.

Ниските нивоа на витамин Д може да бидат почести во текот на зимата, кога изложеноста на сончева светлина е ограничена. На ова посебно се изложени постарите лица, луѓето со потемна кожа и луѓето кои поголемиот дел од времето го поминуваат во затворен простор.

На нивото на витамин Д може да влијае и на начинот на живот. Ако поминувате помалку време на отворено и не внесувате доволно од овој витамин преку вашата исхрана, неговите резерви може да се исцрпат.

Што значи недостатокот за имунитетот?

Кога на телото му недостасува витамин Д, имунолошкиот систем може да нема оптимална поддршка за извршување на своите функции. Ова може да влијае на способноста на телото ефикасно да се заштити од одредени инфекции.

Ниските нивоа на витамин Д се поврзани и со потешки симптоми кај одредени респираторни инфекции, како и со подолг период на закрепнување во одредени случаи.

Затоа, важно е да водите сметка за внесувањето на овој витамин. Сончева светлина, соодветна исхрана и, кога е потребно, додатоци во исхраната можат да помогнат во одржувањето на оптимални нивоа на овој витамин во телото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Магазин

Осаменоста го менува мозокот и ја зголемува желбата за алкохол? Научници открија изненадувачки механизам

Истражувањето е спроведено на глувци.

Осаменоста го менува мозокот и ја зголемува желбата за алкохол? Научници открија изненадувачки механизам

Според истражување објавено во списанието „Nature Neuroscience“, истражувачи откриле механизам во мозокот кај глувци мажјаци што би можел да поттикнува поголема желба за алкохол кога животните се социјално изолирани.

Истражувачите, предводени од Риша Пател од Универзитетот Нортвестерн во Чикаго, ја проучувале врската помеѓу два дела од мозокот - амигдалата и префронталниот кортекс, пренесува „Шпигел“.

Кога глувците што претходно живееле во групи биле изолирани, оваа невронска врска станала значително поактивна, додека пак, мажјаците покажале поголема склоност кон консумирање алкохол.

На животните им било дадено да бираат помеѓу две чинии за пиење - едната со чиста вода, а другата со раствор од 15 проценти алкохол.

По изолацијата, мажјаците почесто избирале алкохол, додека женките ја намалиле консумацијата.

„Нашето истражување покажува дека одреден сигнален пат станува преактивен за време на изолацијата и директно доведува до зголемена консумација на алкохол, и дека мажјаците и женките прибегнуваат кон различни невронски стратегии кога се сами“, изјавила Пател.

Истражувачите веруваат дека наодите би можеле да придонесат за подобро разбирање на алкохолизмот кај луѓето.

Тие велат дека нарушувањата во слични невронски патишта кај луѓето покажуваат одредени обрасци поврзани со желбата за алкохол и враќање на консумирањето алкохол, додека клиничките истражувања сугерираат дека префронталниот кортекс игра важна улога во овие процеси.

Слично и кај луѓето

Слични разлики во половите се забележани во истражувања врз луѓето.

Минатата година, научници анализирале податоци од околу 17.800 учесници во три големи студии во Германија и откриле дека осамените мажи се посклони кон почесто пиење алкохол и имаат поврзани здравствени ризици.

Од друга страна, осамените жени се помалку склони кон пиењето од жените кои не пријавиле осаменост.

Сепак, истражувачите нагласуваат дека сè уште не е познато до кој степен наодите извршени врз глувците би можеле да влијаат и кај луѓето, и дека тоа е предмет на идни истражувања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Кетрин Зета-Џонс: Бракот со Даглас ќе пропаднеше ако престаневме да работиме

Кетрин Зета Џонс (56) откри дека нејзиниот брак со Мајкл Даглас (81) е успешен веќе 26 години. Клучот, тврди, е што времето го поминуваат одделно, посветено на кариерата. 

Кетрин Зета-Џонс: Бракот со Даглас ќе пропаднеше ако престаневме да работиме

Холивудската двојка се заљубила пред речиси три децении, а Даглас наводно и рекол на првата средба: „Јас ќе бидам татко на твоите деца“.

Двојката која има две деца Дилан (26) и Керис (23) исто така помина низ тешки времиња. Тие накратко се разделија во 2013 година, кога на Даглас му беше дијагностициран рак на грлото, а Зета-Џонс се справуваше со биполарно растројство. Набрзо се смириле, а актерката за „The Sunday Times Culture“ објаснила како опстанала нивната врска.

„Мајкл ми вели: „Прифати ја работата, супер е“. Потоа може да лета и да ме посети. Многу е подобро отколку да се разбудите со прашањето: „Што сакаш за појадок, душо?“ Мислам дека нашиот брак немаше да опстане ако изгледаше така“, рече таа.

Посветеност на работата и семејниот живот

Додека Даглас се повлече од актерството во 2022 година по речиси 60-годишна кариера и рече дека ќе се врати само за „специјална“ улога, Зета-Џонс продолжува да работи. По успехот на серијата на Нетфликс „ Wednesday“, нејзиниот следен проект е главната улога во серијата „Kill Jackie“. Кога не снимаат, парот живее во Њујорк, каде што се преселиле откако живееле на Бермуди десет години.

Нивните деца, Дилан и Керис, исто така градат актерска кариера по завршувањето на факултетот. „Тие се обидуваат. Мора да ја следите вашата страст“, ​​рече Зета-Џонс.

Театарско деби на ќерката Керис

Керис, која дипломираше на Универзитетот Браун минатата година, дебитираше во театарот во Њујорк во јули. Таа глумеше во претставата на Чехов „Галеб“, која беше одиграна на крајот на јуни во Бруклин, а видеото од нејзиниот настап стана вирално на социјалните мрежи.

Семејна пријателка потврди дека нејзините родители се „многу горди“ на нејзиниот успех. Самата Керис зборуваше за списанието „People“ за нејзината желба да продолжи да глуми. „Пораснав во театар. Не студирав глума, но среќна сум што сум во креативна средина и се надевам дека ќе продолжам по тој пат“, вели таа.

Во 2018 година, таа го опиша растењето со познати родители за „Town & Country“: „Ме држат приземјена и ме потсетуваат: „Погледни околу себе. Животот што го имаш е извонреден“.

Извор: Индекс.хр

Тагови: Кетрин Зета-Џонс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер