„Тие се среќаваат со нас. Разговараат со нас. Даваат предлози. Се согласуваат на прекин на огнот, но со услови што треба да ги анализираме... И никогаш не реков дека ќе биде лесно“, рече тој на брифингот, коментирајќи го процесот на постигнување договор, соопшти Стејт департментот.

Рубио не верува дека Русите ги одолговлекуваат мировните преговори и дека Вашингтон треба „да направи многу работа на двете страни“, особено со Русите, со кои САД „не комуницирале со години“.

Тој додаде дека војната меѓу Русија и Украина е сложена и трае повеќе од три години и нагласи дека никогаш не рекол дека ќе биде лесно да заврши и да се постигне мировен договор.

Рубио изјави дека не може точно да каже кога ќе биде постигнат мировен договор за ставање крај на војната меѓу Русија и Украина и дека „тоа не зависи од САД“.

„Се обидуваме да постигнеме мир. Посветени сме на обидот да постигнеме мир онолку долго колку што е потребно. Тоа не значи дека можам да ви гарантирам договор за една недела или еден месец. Едноставно не можам да поставам временска рамка за тоа, бидејќи тоа не зависи од нас. Тоа е до Русите и Украинците. Тоа зависи и од нашите партнери во Европа кои имаат санкции кои, верувам, ќе треба да се земат предвид како дел од каков било конечен договор“, рече Рубио.

Според него, напредок се постигнува кога ќе се договорат барем деталите, бидејќи, како што наведе, треба да се утврди преговарачката позиција и кои се пречките за мир.

„Што се однесува до подготвеноста, тоа ќе се тестира кога ќе дојде време за потпишување или ако се соочиме со пречки и се уште има отпор од едната или другата страна, тогаш ќе знаеме. Но, се уште не сме во таа фаза“, рече американскиот државен секретар.