Рубио: Ксенија Карелина, осудена за предавство во Русија, ослободена и на пат за САД - Канал 5

Свет

Рубио: Ксенија Карелина, осудена за предавство во Русија, ослободена и на пат за САД

 Ксенија Карелина, руско-американска државјанка, осудена на 12-годишна затворска казна во Русија под обвинение за предавство, е ослободена и е на пат за САД, објави американскиот државен секретар Марко Рубио.

Рубио: Ксенија Карелина, осудена за предавство во Русија, ослободена и на пат за САД

„Американката Ксенија Карелина е во авион на враќање кон дома во Соединетите Американски Држави. Таа беше неправедно задржана во Русија повеќе од една година, а претседателот Трамп обезбеди нејзино ослободување“, напиша Рубио на мрежата X.

Тој додаде дека Трамп „продолжува да се бори за ослободување на сите Американци“, пренесе Си-Ен-Ен.

Карелина (33) беше осудена за предавство, откако донираше нешто повеќе од 50 долари на американска хуманитарна организација која ја поддржува Украина.

Живеела во Лос Анџелес и вежбала балет, а американско државјанство добила во 2021 година.

Таа отпатувала во Русија во јануари 2024 година за да ги посети својата 90-годишна баба, сестра и родители, со планови да се врати во Лос Анџелес по две недели, но била уапсена.

Американските власти за нејзиното апсење дознаа дури на 8 февруари.

Според веб-страницата што ја водат нејзините поддржувачи, се верува дека таа е неправедно уапсена, а нејзиното ослободување е поздравено како дипломатски успех.

Тагови: русија САД

Свет

Европската централна банка ги намали основните каматни стапки седми пат по ред

Европската централна банка (ЕЦБ) ги намали основните каматни стапки седми пат по ред. Одлуката беше објавена денеска на крајот од дводневниот состанок на ЕЦБ за монетарната политика.

Европската централна банка ги намали основните каматни стапки седми пат по ред

Каматната стапка за депозитите е намалена за 0,25 процентни поени на 2,25 отсто - ниво под кое последен пат беше во декември 2022 година, кога беше 2 отсто. Останатите две водечки стапки - основната стапка на рефинансирање и каматата на маргиналните кредитни средства - исто така се намалени за 0,25 процентни поени - соодветно до 2,40 проценти и 2,65 проценти.

Ова го засили трендот на намалување на каматните стапки, кој почна во јуни минатата година.

Состанокот за монетарната политика на ЕЦБ се одржа во момент кога траат тензиите предизвикани од царините наметнати од американскиот претседател Доналд Трамп. И иако стапувањето во сила на дел од нив е одложено, економската состојба останува неизвесна./МИА

Тагови: ЕЦБ

Фудбал

UOL: Клоп би можел да ја продолжи тренерската кариера во Бразил или Реал

Германскиот фудбалски стручњак Јирген Клоп би можел да ја преземе бразилската репрезентација или Реал Мадрид, пренесува „UOL“.

UOL: Клоп би можел да ја продолжи тренерската кариера во Бразил или Реал

Според бразилската медиумска компанија, Клоп се чувствува многу исцрпен во својата позиција како глобален фудбалски шеф во Ред Бул. Забележано е дека Клоп е подготвен да ги разгледа опциите за продолжување на тренерските активности.

Педесет и седумгодишниот Германец своите должности како глобален шеф на Ред Бул ги презема на 1 јануари 2025 година.

Како тренер работеше во Мајнц, Борусија Дортмунд и Ливерпул. /MИА

Тагови: Бразил Реал Мадрид Клоп

Свет

Гроси: Гуклеарен надзорен орган на ОН треба да учествува во преговорите меѓу Иран и САД

 Гроси изјави дека нуклеарниот надзорен орган на ОН треба да има улога во преговорите за иранската нуклеарна програма меѓу Техеран и Вашингтон пред вториот круг разговори меѓу двете земји.

Гроси: Гуклеарен надзорен орган на ОН треба да учествува во преговорите меѓу Иран и САД

Генералниот директор на Меѓународната агенција за атомска енергија (МААЕ), Рафаел Гроси изјави дека нуклеарниот надзорен орган на ОН треба да има улога во преговорите за иранската нуклеарна програма меѓу Техеран и Вашингтон пред вториот круг разговори меѓу двете земји.

Гроси, кој вчера пристигна во Техеран, разговараше со министерот за надворешни работи Абас Арагчи и со шефот на Организацијата за атомска енергија на Иран, Мохамад Еслами, за начините на кои МААЕ може да ги поддржи нуклеарните преговори меѓу Техеран и Вашингтон. Американскиот претседател Доналд Трамп се закани дека ќе го бомбардира Иран доколку преговорите не успеат.

„Во контакт сум со американскиот преговарач за да видам како агенцијата може да стане мост меѓу Иран и САД и да помогне да се постигне позитивен исход во преговорите“, рече Гроси, прецизирајќи дека за да биде валиден секој нуклеарен договор, потребна е верификација од МААЕ.

Фото: ЕПА

Тагови: Иран САД Гроси
притисни ентер