Свет

Рубио изјави дека Ормуската Теснина ќе се отвори „на еден или на друг начин“

Рубио рече дека Иран може или да се согласи да го „почитува меѓународното право“ и да дозволи премин, „или коалиција од нации од целиот свет и регионот, со учество на САД, ќе се погрижи таа да биде отворена“.

Американскиот државен секретар Марко Рубио изјави дека е уверен оти Ормуската Теснина повторно ќе биде отворена за пловидба „на еден или на друг начин“, предупредувајќи го Иран на сериозни последици доколку продолжи да го блокира виталниот воден пат.

Како што пренесе ДПА, говорејќи за „Ал Џезира“ Рубио рече дека Иран може или да се согласи да го „почитува меѓународното право“ и да дозволи премин, „или коалиција од нации од целиот свет и регионот, со учество на САД, ќе се погрижи таа да биде отворена“. Тој не образложи какви мерки би можела да преземе таквата коалиција.

- Ако тие изберат да се обидат да ги блокираат теснините, тогаш ќе мора да се соочат со реални последици, не само од САД, туку и од земјите во регионот и од светот – рече тој.

Рубио додаде дека клучните цели на која било воена акција би биле уништувањето на иранските воздухопловни сили и морнарица, како и значително намалување на неговите локации за лансирање ракети. Тој рече дека овие цели можат да се постигнат за „недели, а не за месеци“, по што прашањето за Ормуз би било решено.

Ормуската Теснина е клучна рута за испорака на нафта и течен природен гас од регионот. Неодамнешните ирански напади и закани, во конфликтот што го почнаа САД и Израел кон крајот на февруари, во голема мера го запреа сообраќајот, дозволувајќи само ограничен премин на танкери. Нарушувањата предизвикаа пораст на глобалните цени на енергијата.

Тагови: Марко Рубио

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Законот за Скопје-европска престолнина на културата 2028 е изготвен согласно праксата на ЕУ

Законот за Скопје - европска престолнина на културата за 2028 година ќе оди на јавна расправа, за да не се остави било каков сомнеж околу транспарентност на овој процес, најави премиерот Христијан Мицкоски.

Додаде дека се работи за закон кој треба да се донесе во рамки на приоритетите на овој проект и дека тој е изготвен согласно препораките и праксата во Европската унија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ најавува поддршка за власта ако се обезбеди решение што ќе ги деблокира евроинтеграциите

СДСМ ќе биде конструктивна и ќе даде поддршка на власта во Собрание доколку се најде решение за деблокада на евроинтеграциите, уверува лидерот на партијата Венко Филипче.

На брифинг со новинарите рече дека сепак европските челници при посетите на земјава ни укажале на единствениот излез- преку промена на уставот со вметнување на Бугарите, па тој е песимист дека може да се најде поинакво решение за да се спречи вето од Софија и во иднина.

-Било што кое е прифатливо за нас и за Европа и ќе ја подобри нашата преговарачка позиција, ние ќе го поддржиме. Дали ќе се соочиме со непринципиелна блокада од Бугарија, не знаеме. Што можеме да изгубиме, со што не плаши ВМРО-ДПМНЕ? Јазикот не можат да ни го земат, тој е признат, за работата на Историската комисија, таму се решава со консензус и веќе е постигнат договор за четири историски личности. Никој не може да ни ја земе ни историјата,- Венко Филипче – претседател на СДСМ.

Од друга страна власта тврди дека има активна дипломатска офанзива и нема план „Б“ за Европската Унија. Министерот за надворешни работи Тимчо Муцунски во „Вести плус“ изјави дека една од опциите која била разгледувана се и уставни измени со одложено дејство, со став дека што и да се договори нема да биде отстапено од националните интереси. Преку ноќ вели нема да се најде решението, но најважно е да се елиминираат потенцијалните блокади за идентитетски прашања.

-Јавноста треба да знае дека ние имаме постојано активен дијалог и со европските институции и со земјите членки и со соседна Бугарија. Се уште не сме блиску до решение, но разговараме за решенија. Решенија коишто се во рамки на позициите кои ние повеќепати ги имаме претставено во нашата јавност. Разговараме за повеќе решенија, за коишто, да, ќе потврдам дека едно од потенцијалните решенија за кои сме дискутирале е и моделот на уставни измени со одложна примена, но сеуште не сме стигнати до фаза да имаме решение кое е прифатливо за сите страни. За нас што клучно – предвлидливоста и сигурноста дека нема да бидеме условувани за прашања поврзани со историја, идентитет, јазик, култура,- Тимчо Муцунски – министер за надворешни работи.

Додека од власта очекуваат на крајот од септември Европската Унија да соопшти кој е планот за проширувањето и перспективата на Македонија, лидерот на опозицијата оценува дека токму есента ќе донесе криза на сите полиња. Филипче ја критикува владејачката коалиција за игнорирање на опозицијата во Собранието, и најави дека ќе поднесат интерпелација за спикерот Африм Гаши за кршење на Деловникот, како и за Иван Стоилковиќ за вербални конфликти кои биле на раб на ескалација кога се гласаше реконструкцијата на Владата. За предлог законот за Скопје 2028, Филипче рече дека е скандалозен и пратеничката група на СДСМ ќе го блокира со амандмани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

В недела бесплатен превоз за Трново

В недела на 2 август организиран ќе биде бесплатен автобуски превоз до црквата „Успение на Пресвета Богородица“ во село Трново каде ќе се одржи 55-та Семакедонска средба.

Ова е распоредот на поаѓања.

Автобус број 1

09.15 Кукуречани пред продавници

09.30 Горно Оризари (Стадион)

Автобус број 2

09.15ч с.Бистрица(село)

09.30ч Буковски Ливади (Постојка)

Автобус број 3 и 4

09.10ч Ат Пазар(пост)

09.20ч Карпош (Св.Тома постојка)

09.30ч Ракометно (Пост)

09.40ч Симпо (Пост)

09.50ч Болница(пост)

10.00ч Довлеџик пред Јосифов (постојка)

Автобуси број 5 и 6

09.10ч Бела Чешма

09.20ч Шехерзада(постојк)

09.30ч Црн Мост

09.40ч Веро (Постојка)

09.50ч Маркет Анџела(Брусничка)

Враќањето е во 13:00 часот.

Општина Битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.