Рубио и Нетанјаху: Иран е единствениот најголем извор на нестабилност во регионот - Канал 5

Свет

Рубио и Нетанјаху: Иран е единствениот најголем извор на нестабилност во регионот

Американскиот државен секретар Марк Рубио по разговорите со израелскиот премиер Бенјамин Нетанјаху изјави дека се согласиле дека Иран е „единствениот најголем извор на нестабилност во регионот“.

Рубио и Нетанјаху: Иран е единствениот најголем извор на нестабилност во регионот

„Иран стои зад секоја терористичка група, секој чин на насилство и секоја дестабилизирачка активност. Зад сè што ги загрозува мирот и стабилноста на милиони луѓе кои овој регион го нарекуваат дом стои Иран“, рече Рубио.

На прес-конференција во Израел, Рубио рече дека не смее да му се дозволи на Иран да произведува нуклеарно оружје, како и дека режимот во Техеран не е поддржан од иранскиот народ.

Хамас не може да продолжи да постои како воена или владина сила. Мирот е невозможен се додека Хамас постои како владејачка сила и администрација или како сила која може да се заканува преку употреба на насилство“, рече државниот секретар на САД.

Рубио нагласи дека Израел секогаш може да смета на поддршката на САД и претседателот Доналд Трамп.

Американскиот државен секретар рече дека Трамп и Нетанјаху работат на ослободување на сите преостанати заложници кои ги држи палестинската милитантна група Хамас во Појасот Газа.

Рубио рече и дека Трамп бил многу храбар кога станува збор за гледање на иднината на Појасот Газа, мислејќи на предлогот да се преселат Палестинците од Газа и САД да ја преземат областа, објави Тајмс оф Израел.

Нетанјаху, пак, рече дека Израел и САД се решени заеднички да ги спречат нуклеарните амбиции на Иран и агресијата на Техеран на Блискиот Исток.

На заедничката прес-конференција со Рубио по нивната средба во Ерусалим, израелскиот премиер рече дека двајцата имале многу продуктивна дискусија за повеќе теми, но ниту една не била поважна од Иран.

„Израел и Америка стојат рамо до рамо во борбата против заканата од Иран. Се согласивме дека ајатоласите не треба да поседуваат нуклеарно оружје. Се согласивме и дека иранската агресија во регионот мора да се запре“, рече Нетанјаху.

Тој нагласи дека во изминатите 16 месеци од почетокот на војната против Хамас во Газа, Израел му зададе силен удар на Иран и дека со поддршка на Трамп не се сомнева дека ќе може да си ја заврши работата.

Нетанјаху му се заблагодари на Рубио за „недвосмислената поддршка“ за политиката на Израел за Појасот Газа.

Израелскиот премиер рече и дека Израел и САД, под водство на Доналд Трамп, имаат заедничка стратегија за енклавата.

„Имаме заедничка стратегија со САД, чии детали не можеме да ги откриеме во јавноста. Но, портите на пеколот сигурно ќе се отворат доколку не бидат ослободени сите наши заложници, без исклучок“, рече Нетанјаху.

„Сакам да ги уверам сите што не слушаат сега дека претседателот Трамп и јас работиме во целосна соработка и координација еден со друг“, додаде израелскиот премиер Бенјамин Нетанјаху.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голема сообраќајна несреќа со повеќе возила во Кенија: Најмалку 17 загинати

Бројот на загинати во несреќата со повеќе возила на автопатот кон крајбрежниот град Момбаса во Кенија се искачи на 17, соопшти полицијата.

Голема сообраќајна несреќа со повеќе возила во Кенија: Најмалку 17 загинати

Во соопштението се наведува дека несреќата се случила во текот на ноќта во областа Салама, откако возач на камион не успеал да престигне друго возило, што довело до судири со други возила – вклучително и комбе – пренесе АП.

Полицијата претходно соопшти дека во несреќата загинале најмалку 13 лица.

„Луѓето патуваа кон место за молитва во округот Накуру, западно од кенискиот главен град Најроби“, изјави Мартин Кивува, надбискуп на Католичката надбискупија во Момбаса.

Сообраќајните несреќи се сериозен проблем низ цела Африка.

Тие често се припишуваат на лошото одржување на возилата, прекумерната брзина и лошата состојба на патиштата.

Извор: Б92

Тагови: Кенија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај поради Скопскиот маратон

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Посебен режим на сообраќај поради Скопскиот маратон

На 04.10.2026 (недела) со почеток во 08:00 часот, во организација на Сојуз на спортови на Скопје, ќе се одржи - „Виз Ер Скопски маратон 2026“ со следните траси на движење: траса на движење на трката од 5км – Старт на ул.„11-ти Октомври“ (кај зелен пазар), право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, полукружно на крстосница помеѓу бул.„3-та Македонска Бригада“ и ул.„Коста Новаковиќ“ и по истата траса назад до целта – плоштад „Македонија“ на ул.„11-ти Октомври“ и траса на движење на маратонот, полумаратонот и штафетната трка (по наведената траса за штафетната трка и маратонот натпреварувачите се движат 2 пати) – Старт Собрание на РСМ на ул.„11-ти Октомври“, право кон „Рекорд“ односно по ул.„Димитрие Чуповски“, право по ул.„Митрополит Теодосиј Гологанов“, право по ул.„Војвода Васил Чакаларов“, се до крстосница со ул.„Ангел Динев“ каде се врти полукружно назад по истата траса се до Собрание на РСМ на ул.„11-ти Октомври“ и се продолжува право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, лево по ул.„Васко Карангелевски“, десно по бул.„Јане Сандански“ се до крстосница со бул.„Србија“ каде се врти полукружно и во истата коловозна лента назад по бул.„Јане Сандански“ се до крстосница со бул.„Кузман Јосифовски Питу“ каде се врти полукружно назад во истата коловозна лента до крстосница со ул.„Васко Карангелевски“, десно по ул.„Васко Карангелевски“, десно по бул.„3-та Македонска Бригада“, лево по бул.„Крушевска Република“, десно по ул.„11-ти Октомври“ до целта- Плоштад Македонија.

Од тие причини Единица за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Тагови: Скопски маратон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер