Регион

РСЕ: ЕУ менува неколку амбасадори во Западен Балкан, гркот Рокас Михалис доаѓа во Скопје

Шефот на европската дипломатија, Жозеп Борел, одлучи да смени неколку амбасадори или специјални претставници на ЕУ во Западен Балкан, соопшти Радио Слободна Европа (РСЕ).

Како што јави дописникот на МИА од Белград, според списокот, кој генералниот секретар на Европската служба за надворешни работи (ЕЕАС) Стефано Санино го испрати до земјите членки на Унијата, нов амбасадор на ЕУ во Македонија ќе биде грчкиот дипломат Рокас Михалис, поранешен амбасадор на Унијата во Мексико.

На списокот на именувани амбасадори и специјални претставници, до кои пристап имаше РСЕ, го нема името на наследникот на специјалниот претставник за дијалог меѓу Белград и Приштина, Мирослав Лајчак, за кој неодамна имаше информација дека ќе стане амбасадор на ЕУ во Швајцарија.

Името на новиот специјален претставник на ЕУ за дијалогот меѓу Белград и Приштина нема да се знае пред формирањето на новата Европска комисија по јунските избори за Европскиот парламент. Таа одлука ќе ја донесе ЕЕАС во соработка со земјите членки, најверојатно не пред крајот на летото.

Според списокот на именувани амбасадори и специјални претставници мандатот му прстанува на шефот на Канцеларијата на ЕУ во Косово, Томас Шунјог, кој е и специјален претставник за Косово. На негово место ќе дојде амбасадорот на Естонија во ЕУ, Аиво Орав, кој претходно беше шеф на делегациите на ЕУ во Македонија и Црна Гора.

Италијанскиот дипломат Луиџи Сорека ќе биде шеф на Делегацијата на ЕУ во Сараево, кој има и статус на специјален претставник на ЕУ, како и на Косово. Сорека е поранешен амбасадор на ЕУ во Албанија.

Сорека ќе го наследи Јохан Сатлер, кој ќе стане амбасадор на ЕУ во Црна Гора.

Генералниот директор на ЕЕАС за Европа, Анџелина Ајхорст е назначена за амбасадор на ЕУ во Египет.

Огромното мнозинство од назначените се или дипломати на земјите-членки на ЕУ или претставници на ЕЕАС. /МИА

Свет

На Фицо ќе му биде извршена уште една операција

Словачкиот премиер Роберт Фицо врз кого вчера беше извршен атентат во градот Хандлови, го чека уште една операција, пишува словачкиот портал Правда.

Абдоминалното крварење на Фицо е запрено, но тој се соочува со операција на колкот.

Во меѓувреме, полицијата го обвини напаѓачот на премиерот за убиство со предумисла и се соочува со казна од 25 години до доживотен затвор.

Како што пренесува порталот, напаѓачот, за кого медиумите пренесуваат дека е 71-годишниот писател Јурај Цинтула, рекол дека е горд на својот чин.

РТВС објави дека напаѓачот моментално се наоѓа во ќелијата на Националната агенција за криминал во Нитра.

Лекарите во текот на ноќта успеале да ја стабилизираат состојбата на словачкиот премиер по вчерашниот атентат во градот Хандлови, но таа се уште е тешка, соопшти претходно денеска директорката на болницата во Банска Бистрица, Миријам Лапуникова.

Два медицински тима го оперираа словачкиот премиер пет часа.

„Во моментов се преземаат дополнителни активности за подобрување на неговата состојба“, рече словачкиот министер за одбрана Роберт Калињак.

Словачкиот министер за внатрешни работи Матус Шутај Ешток денеска побара од вицепремиерот Томаш Тараба да го свика Советот за национална безбедност, а Владата ќе одржи седница.

Министерот за внатрешни работи информираше дека ќе ја зајакне заштитата на политичарите и одредени медиуми, пренесува словачки та3.

Напаѓачот пукал пет пати, по што полицијата веднаш го привела, а премиерот веднаш бил префрлен во болницата во Банска Бистрица.

Свет

ЕУ со истрага против Фејсбук и Инстаграм поради заштита на децата

ЕУ отвори формална истрага против Фејсбук и Инстаграм поради сомневање дека платформите во сопственост на Мета предизвикуваат зависно однесување кај децата.

„Не сме убедени дека направиле доволно за да се усогласат со обврските од DSA (Закон за дигитални услуги/Digital Services Act) за да се ублажат ризиците од негативни ефекти врз физичкото и менталното здравје на младите Европејци“, рече комесарот за внатрешниот пазар на ЕУ, Тиери Бретон.

Фудбал

Гасперини: Не сме задоволни од поразот, но не сме разочарани од нашиот настап

Тренерот на Аталанта, Џан Пјеро Гасперини се осврна на поразот на неговиот тим од Јувентус вчеравечер во финалето на турнирот во Копа Италија. 

Гасперини е разочаран но и подготвен за следните натпревари во домашниот шампионат и во Лига Европа.

- Игравме против силен противник кој брзо поведе и одлично се бранеше. Мислам дека и Аталанта играше добро, имавме иницијатива долго време, но не можевме да создадеме многу шанси за гол, но сепак имавме шанси да ја свртиме ситуацијата. Не сме задоволни со поразот, но не сме толку разочарани од нашиот настап. Тоа е загуба и нормално дека ќе се зборува за нас, но имаме важни цели кои допрва треба да ги оствариме во Серија А и Лига Европа, изјави Гасперини.

Следната недела, на 22 мај (среда), екипата на Аталанта ќе се појави во финалето на вториот најмоќен турнир во организација на УЕФА - Лигата на Европа. Таму тешките Италијанци ќе се сретнат со Баер (Леверкузен) кој нема пораз оваа сезона.

притисни ентер