РСБС со препораки за безбедно возење во зимски услови - Канал 5

Македонија

РСБС со препораки за безбедно возење во зимски услови

За возење во зимски услови, секогаш е потребно многу поголемо внимание и поголема концентрација.

РСБС со препораки за безбедно возење во зимски услови

Притоа, покрај поседување задолжителна зимска опрема, сите возачи кои ќе го прифатат предизвикот да возат во зимски услови, треба да располагаат и со oдредени знаења и вештини како безбедно да пристигнат до посакуваната дестинација. По тој повод Републичкиот Совет за безбедност во сообраќајот објави препораки за безбедно возење во зимски услови.

Потсетуваат дека во согласност со законските одредби, во Република Македонија, возачот на моторно возило, во периодот од 15 ноември до 15 март, задолжително треба да поседува зимска опрема во возилото.

Во задолжителна зимска опрема, за возила до 3500 kg, влегуваат зимски гуми кои мораат да имаат шара-длабочина на нагазниот слој од најмалку 4 милиметри или летни гуми со минимум длабочина на шарата од 4 мм и синџири за снег на погонските тркала.

Кога станува збор за зимските гуми, потребно е сите четири гуми на возилото да бидат со зимски профил. Зимски гуми се потребни и кога на патот нема снег или мраз бидејќи летните гуми поразлично се однесуваат при возење на ниски температури.

Разликата меѓу летните и зимските гуми, не е само во шарата на гумите, која кај зимските гуми подобро ги истиснува остатоците од снег и водата на коловозот, туку и во составот на гумата. Летните гуми при ниски температури стврднуваат и добиваат својства на „тврда пластика" и обезбедуваат многу слаб контакт со подлогата. За разлика од тоа, зимските гуми и при ниски температури остануваат меки и обезбедуваат постабилен контакт со подлогата.

Доколку се упатите во некој од ски-центрите, или тргнете на пат кој е на поголема надморска височина, задолжително сметајте на употреба на зимски ланци на погонските тркала, посочуваат од РСБС.

Покрај обврската за носење зимска опрема, наведуваат, добро би било, возачите на автомобили во возилото да имаат и лопати за отстранување снег, различни четкички за стакло, спреј за одмрзнување на брави, кабли за стартување на возилото, кофа со песок, стара крпа, метла, кебе, ракавици и многу други работи што можат да бидат драгоцени доколу се најдат во непријатна ситуација, односно доколку останат заглавени во снег.

Втор клучен е елмент е посочено прилагодувањето на состојбата на патиштата.

Возењето на пат со снег, мраз или силни налети на ветер, создава проблеми во движењето на возилото, а посебно со неговото застанување. Доколку патот е замрзнат, потребно е возилото да го возите значително побавно и со што помалку нагли движења во возењето.

При тргнување на пат во зимски период, исчистете го целиот снег од возилото и исчистете го мразот. На поголем дел од возачите, најголем проблем им преставува придвижувањето на автомобилот во снег или на мраз. Затоа, кога ќе додавате гас, сугерираат, квачилото стискајте го и отпуштате го полека и доколку почувствувате лизгање на тркалата, притиснете уште малку на квачилото, па повторно попуштете сѐ додека возилото не се придвижи.

Никако не смеете да ја притискате педалата за гас нагло и силно, ниту педалата за кочење. Користете го максимално моторното кочење.

Она што е најважно кога возите во зимски услови на патиштата е внимателното следење на комплетниот сообраќај за да бидете во можност навремено и бавно, без нагли движења, да го забрзате, забавите, свртите или запрете возилото. Најопасни се наглите движења на замрзнати коловози.

На пат на кој има многу снег или мраз, најдобро е да се движете во втора брзина. Во тек на возење со преголем број вртења, може да се случи да дојде до лизгање на тркалата и занесување на возилото. Тогаш треба внимателно да се одзема гаста.

Во случај на забрзување на возилото, во зимски услови на патиштата, треба што побрзо да се преминува од помал кон поголем степен на пренос на брзината, за што помалку да се движи возилото во „лер".

При промена на правецот на движење на автомобилот за да не дојде до занесување на возилото, не треба ниту да додавате, ниту да одземате гас. Педалата за кочење, при услови на снег или мраз, се користи исклучително во крајни услови. Главниот водич за безбедно возење во зимски услови се звуците на моторот и евентуалното лизгање кое треба по чувство да се контролира.

За идните возачи кои одлучиле да земат практична обука во зимскиот период, од РСБС порачуваат дека не треба да ја одложуваат обуката за на пролет бидејќи во зима навистина ќе ги совладаат важните лекции што ќе ѝм бидат од полза при понатамошното управување со возилото. Зимското возење е специфично, па затоа треба да се соочат со предизвикот и да ја совладаат спецификата на зимското возење додека крај себе имаат професионален возач-инструктор.

Младите пак, и неискусни возачи, и покрај тоа што веќе поседуваат возачка дозвола, добро е да земат дополнителни часови за возење во зимски услови, затоа што првпат се соочуваат со предизвикот да возат по замрзнати коловози. Доколку не се одлучат за дополнителни часови практична обука во автошкола, најдобро е пред да започнат сами да управуваат со моторно возило во зимски услови, да го направат тоа со искусен возач во кругот на своите најблиски. На тој начин, ќе се здобијат со бесплатна и важна обука и со драгоцено искуство, велат од РСБСП и советот за ваша и безбедност на сите учесници во сообраќајот во зимски услови на патиштата, двојно повеќе внимание и одговорност од учесници во сообраќајот. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Чуден грабеж во Австралија- украдени се 400.000 остриги, полицијата бара помош

Австралиската полиција бара крадци кои украле стотици илјади школки во вредност од околу 215.000 евра од фарма за остриги.

Чуден грабеж во Австралија- украдени се 400.000 остриги, полицијата бара помош

Остригите биле украдени од фарма во близина на градот Тари, северно од Сиднеј, соопшти полицијата на Нов Јужен Велс.

Украле повеќе од 300 вреќи со остриги

Вкупно, исчезнале повеќе од 300 вреќи што содржеле околу 400.000 остриги. Полицијата ги повика граѓаните да ги контактираат доколку имаат какви било информации за кражбата. Тие изјавија дека кражбата на остриги се случила претходно оваа година, но дека тоа им било пријавено дури вчера.

Остригите се многу чести во менијата за појадок и рестораните со морска храна низ Австралија, а локалните сорти се познати по нивниот полн и кремаст вкус.

Тагови: Австралија остриги

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Русија распиша потерница по новинар, поради прашање што го поставил на пресот на Вучиќ и Зеленски

Германските власти внимателно го следат случајот на новинарот на „Франкфуртер алгемајне цајтунг“ (ФАЗ), Михаел Мартенс, против кого Русија покрена кривична постапка и издаде меѓународна потерница за наводно поттикнување омраза и непријателство.

Русија распиша потерница по новинар, поради прашање што го поставил на пресот на Вучиќ и Зеленски

Мартенс се најде на удар на руските власти откако на 8 август, на заедничката прес-конференција на украинскиот претседател Володимир Зеленски и српскиот претседател Александар Вучиќ во Белград, постави прашање за тоа што европските земји би можеле да направат за да ѝ помогнат на Украина „да убие што е можно повеќе Руси, или поточно руски војници“, пренесе Телеграф.

Прашањето предизвика бурна реакција во Русија. Руските државни медиуми и официјални лица го опишаа како „криминално“, додека портпаролката на руското Министерство за надворешни работи, Марија Захарова, рече дека станува збор за намерна провокација.

Заменик-претседателот на рускиот Совет за безбедност и претседател на партијата „Единствена Русија“, Дмитриј Медведев, изјави дека секој што јавно поставува вакви прашања мора да очекува одговор.

Во отсуство, против Мартенс во Русија беше покрената постапка според член 282 од Кривичниот законик, кој се однесува на поттикнување омраза или непријателство и кој предвидува казна до шест години затвор. Потоа руските власти го ставија на меѓународна потерница за негово апсење и евентуална екстрадиција во Русија.

Германското Министерство за надворешни работи соопшти дека внимателно го следи случајот и дека е во близок контакт со Мартенс. Берлин, како што се наведува, побарал од Русија преку соодветни канали да се откаже од кривичната гонење врз основа на слободата на изразување.

Случајот стигнал и до германското судство. Берлинската државна обвинителство потврди дека добила писмо од руската амбасада со кое се бара да провери дали Мартенс може да биде гонет и според германскиот закон. Обвинителството изјави дека прво мора да утврди дали постои првично сомневање, нагласувајќи дека самото тоа не значи дека е отворена истрага.

Претседателот на Германското здружение на новинари (DJV), Мајк Бојстер, предупреди дека Мартенс, кој е дописник на FAZ за Балканот, може да биде особено изложен на ризик кога патува во земји со блиски врски со Москва.

„Постои ризик потерницата да биде извршена во земји со блиски врски со Русија“, рече Бојстер.

„Репортери без граници“ ги повика Германија и Европската Унија да обезбедат политичка поддршка за Мартенс, додека ФАЗ го опиша потегот на Москва како обид за заплашување на германскиот новинар и слободниот печат.

Самиот германски весник претходно изјави дека прашањето на Мартенс до Зеленски било „двосмислено формулирано“, нагласувајќи дека „не е уредничка позиција на весникот да убие што е можно повеќе руски војници“.

Тагови: Володимир Зеленски новинар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Скијање

Легендарната Линдзи Вон сподели прекрасна вест по шест месеци од трагичната несреќа

Поминаа шест месеци од ужасниот пад на Линдзи Вон на Зимските олимписки игри во Кортина, а легендарната американска скијачка сега со своите следбеници сподели некои од најдобрите вести од почетокот на нејзиното долгорочно закрепнување.

Легендарната Линдзи Вон сподели прекрасна вест по шест месеци од трагичната несреќа

Вон објави фотографии на социјалните мрежи од повторно возење друмски велосипед, што е многу важен чекор во нејзината рехабилитација по сериозните повреди што ги претрпе во февруари. Со насмевка на лицето и во опрема, 41-годишната Американка ги направи првите километри, додека нејзиното куче Луси ѝ правеше друштво.

Колку многу ѝ значеше овој момент најдобро покажува пораката што ја остави со објавата.

- Прв пат повторно на друмски велосипед. Плачев. Среќна сум и благодарна. Чекор по чекор - рече Вон.

Патот до овој момент беше исклучително тежок. Поранешната олимписка шампионка имаше сериозна несреќа за време на натпреварот во Кортина, кога со раката фати капија, а потоа силно падна. Поради сериозноста на повредите, таа беше итно пренесена во болница со хеликоптер.

Медицинските прегледи открија сложена фрактура на тибијалното плато, или горниот дел од потколеницата, а состојбата беше дополнително комплицирана од компартмент синдром, опасно зголемување на притисокот во мускулните компартменти што може да ја наруши циркулацијата. Вон, исто така, претрпе фрактура на глуждот, додека страдаше од скинати вкрстени лигаменти на коленото од претходниот пад во Кранс-Монтана.

Американката отворено проговори само пред неколку недели дека сè уште има тешкотии со одењето и дека нејзиниот глужд сè уште не е целосно заздравен. И покрај ова, таа се обиде постепено да се врати на секојдневните активности, појавувајќи се на јавни настани, а неодамна помина одмор во Грција.

За една од најдобрите скијачки на сите времиња, враќањето на друмскиот велосипедизам е многу повеќе од само тренинг. По месеци рехабилитација, Вон направи уште еден голем чекор кон целосно закрепнување, а нејзината емоционална реакција покажа колку долго чекала на моментот за повторно да може да ужива во физичката активност.

Тагови: Линдзи Вон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер