Рожерио: Во Скопје го живеам мојот сон - Канал 5

Ракомет

Рожерио: Во Скопје го живеам мојот сон

Пивотменот на Вардар, Рожеиро Мораеш за престојот во Скопје и можноста да биде дел од европскиот шампион вели дека му е како сон. Тој е презадоволен од односот на тренерот, соиграчите, навивачите и воопшто луѓето во македонскиот главен град.

Рожерио: Во Скопје го живеам мојот сон
- Веќе една сезона сум во тимот, и на почетокот ми требаше период на адаптација, да го научам системот на игра, да го разберам ракометот подобро. Тренерот ми помогна сѐ тоа да го научам подобро, и сега сум посигурен во својата игра, за да го направам она што тренерот го бара од мене. Ние сме три пивотмени и сите тројца играме. Секој меч е различен, имаме различна стратегија и сите добиваме шанса за игра. Не е важно кој повеќе ќе игра, најважно е да се победи. Го сакам Скопје, не ми требаше долго да се чувствувам како да сум дома. Времето е добро, храната одлична, и ова е град каде има што да правиш. Страста на луѓето за ракометот тука е голема, те сопираат на улица, сакаат да се фотографираат со тебе, да разговараат и сите го разбираат ракометот. Тоа е невозможно за Бразил, изјави Рожеиро во интервјуто за клупската веб страница на „црвено-црните“.

Тој една година откако е во тимот на Вардар, а веќе станува важна алка во тимот кој реди победи оваа сезона во ЛШ и во СЕХА лигата.

- Го имаме речиси истиот тим од лани, и тоа ни помага да бидеме уште подобри во одбран и да имаме конзистентен напад. Како одминува времето ќе бидеме уште подобри. Сите посакуваме да се задржат освоените титули. Рано е сега било што да се ветува, бидејќи е почеток на сезоната. Ги имаме истите амбиции како и лани, да ја одбраниме титулата во СЕХА лигата и во ЛШ, иако тоа не е нималку лесно, особено кога претходно си победил. Работите на тоа, и ќе се обидеме и сезонава да бидеме добри.

Запрашан за тоа кој момент ќе му остане во сеќавање од досегашниот престој во Скопје, ги издвои четврт-финалето против Флензбург во Скопје и прославата на европската титула во македонската престолнина по враќањето од Келн.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Средношколец остана без око, полицаец е под истрага- страшни сцени во Франција (ВИДЕО)

Полициски службеник беше обвинет за сериозно насилство и ставен под судски надзор во вторник, 13 октомври, откако средношколец го изгуби видот на едното око .

Средношколец остана без око, полицаец е под истрага- страшни сцени во Франција (ВИДЕО)

Полициски службеник беше обвинет за сериозно насилство и ставен под судски надзор во вторник, 13 октомври, откако средношколец го изгуби видот на едното око за време на протестот на средношколците во Тур кон крајот на септември, соопшти обвинителството, како што објави францускиот „Ле Монд“.

На полицаецот му е забрането да носи или поседува оружје способно за испукување несмртоносни проектили од типот LBD, додека на друг службеник му беше даден статус на сведок под истрага, според изјавата на обвинителката во Тур, Катрин Сорит-Минар.

Маел, 16-годишен средношколец, го изгуби окото на 30 септември за време на инцидентите што избувнаа за време на блокадата на училиште во Тур. Неговото семејство објави дека ќе поднесе жалба за „насилство извршено од лице на позиција на јавна власт“.

Видео што кружи на социјалните мрежи го прикажува Маел, 16-годишен средношколец, како седи на тротоарот, видливо зашеметен, со крвава глава и повреда на окото.

Други млади мажи се собираат околу него, викајќи во тревога и барајќи да се повика полицијата или бројот за итни случаи 17 во Франција. Потоа се слушаат вресоци, а полицијата ја напаѓа толпата што се собрала околу повредениот млад човек.

Видеото е снимено на 30 септември, за време на блокадата на средно училиште во Тур, кога учениците и полицијата се судрија.

Обвинителството во Тур објави дека, по медицинските и форензичките прегледи, повредите на окото на тинејџерот се „конзистентни со одбранбен проектил испукан од оружје од типот LBD“.

Случајот е пријавен во Националниот генерален полициски инспекторат (IGPN).

Истрагата покажа дека „два истрела од оружје LBD биле испукани во рок од една минута еден од друг, од две различни полициски оружја“, рече обвинителот.

Отворени се 36 истраги

Истрагата посочи на „временската совпаѓање помеѓу првиот испукан проектил и повредата на окото“, но исто така покрена дополнителни прашања за тоа дали биле почитувани законските услови за апсолутна неопходност и строга пропорционалност при употреба на ова оружје.

Четири полицајци беа сослушани во полициски притвор во вторник.

„По овие сослушувања и спроведените истражни мерки, а со оглед на сложеноста на ваквите полициски интервенции, потребно е да се продолжи со работата за разјаснување на околностите на пукањето и условите под кои младиот човек бил повреден“, рече обвинителот, кој ја започна судската истрага.

Од почетокот на протестите на средношколците, Националниот генерален полициски инспекторат отвори вкупно 36 истраги за сомнително полициско насилство, од кои четири се однесуваат на случаи на повреди што довеле до осакатување, објави во вторник францускиот министер за внатрешни работи Лоран Нуњез.

Тагови: полицаец Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Врвот Монблан „пораснал“ за два метра во последните три години, сега е утврдено што се случило

Мон Блан, највисокиот врв во Западна Европа во Алпите, во септември 2026 година бил висок 4.807,47 метри, што е за 1,88 метри повеќе од претходното мерење во 2023 година, беше објавено денеска.

Врвот Монблан „пораснал“ за два метра во последните три години, сега е утврдено што се случило

Претседателот на комората на геодетски експерти на Горна Савоја, Жан де Гар, рече дека варијациите во висината на планината првенствено се поврзани со временските услови.

„Врвот е во постојано движење. Секое поединечно мерење само по себе нема големо значење во контекст на глобалното затоплување, но служи за да се обезбедат податоци што ќе се анализираат со текот на времето“, рече Жан де Гар.

Геодетските експерти од Горна Савоја почнаа да мерат во 2001 година, а врвот, кој се наоѓа на француско-италијанската граница, во тоа време бил висок 4.810,40 метри.

Тагови: Монблан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Огромна мечка среде Врање- трча пред автомобил со голема брзина (ВИДЕО)

Во Врање беа снимени вознемирувачки сцени во кои возач на автомобил брка мечка на патот среде населба.

Огромна мечка среде Врање- трча пред автомобил со голема брзина (ВИДЕО)

На видеото се гледа како животното бегачки трча во темница, сè додека конечно не успева да сврти лево во тревата, објави Телеграф.

Постапките на возачот предизвикаа остри реакции на социјалните мрежи.

- Не го вознемирувајте и не го плашете животното... дали сте нормални, а тоа ве брка вас?;

- Бркајте мечка кон населба за да една од мечките биде убиена по патот - беа само дел од коментарите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер