Роверот на НАСА „Упорност“ го зеде 43. примерок од карпа откако слета на Марс - Канал 5

Технологија

Роверот на НАСА „Упорност“ го зеде 43. примерок од карпа откако слета на Марс

Aмериканската Национална воздухопловно-вселенска администрација - НАСА објави нова слика од површината на Марс, направена од роверот „Упорност“ (Perseverance) како дел од својата мисија којашто трае веќе петта година. 

Роверот на НАСА „Упорност“ го зеде 43. примерок од карпа откако слета на Марс

Тимот што го следи роверот на НАСА на Црвената Планета го искористи ведрото небо таму за да ја долови една од најбистрите панорами на мисијата досега.

Мозаикот составен од 96 слики направени на местото нарекувано „Фалбрин“, покажува карпа што се чини дека е сместена на врвот на песочна дина, како граница меѓу две геолошки единици.

Инструментот „Масткам-Зи“ (Mastcam-Z) на роверот ги сними сликите на 26 мај 2025 година - 1.516-тиот ден на роверот на Марс. Истражувачкото возило, коешто беше лансирано во февруари 2021 година на дното на кратерот Језеро на нам соседната планета, го достигна врвот на работ на кратерот кон крајот на минатата година.

Притоа, еден детаљ што го привлече вниманието на научниот тим е големата карпа што, се чини, стои на темниот песочен рид во облик на полумесечина - на околу 4,4 метри од роверот.

Геолозите ја нарекуваат „лебдечка карпа“, бидејќи најверојатно е формирана на друго место, па природна надворешна сила ја пренесла на сегашното место. Не е познато дали оваа пристигнала преку свлечиште, вода или ветер, но научниот тим се сомнева дека карпата дошла тука пред да се формираат песочните ридови.

Белиот круг веднаш лево од центарот на главната слика е опишано како место на свлечишта. Ова е 43-та карпа на којашто „Упорност“ ѝ зема примерок откако слета на Марс. Каменот широк пет сантиметри ќе се чува во една од титаниумските цевки за примероци на мисијата.

Тагови: марс НАСА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Несреќа во БиХ, автобус со фудбалери излета од патот, натпреварот веднаш бил откажан!

Натпревар од деветтото коло на Втората лига на Федерацијата Босна и Херцеговина – Центар, меѓу Горажде и Фамос од Храсница, кој требало да се одигра денес, е одложен по сообраќајна несреќа што ја доживеле гостите на пат кон стадионот! 

Несреќа во БиХ, автобус со фудбалери излета од патот, натпреварот веднаш бил откажан!

Во еден момент, автобусот со фудбалерите и стручниот штаб на Фамос излетал од патот, а инцидентот предизвикал голема загриженост.

За среќа, од Храсница пристигнале охрабрувачки вести – ниту еден фудбалер не е повреден, додека возачот се здобил само со полесни повреди.

Иако сите фудбалери поминаа без повреди, стресот и шокот по несреќата оставија последици. Во такви околности, тимот не беше во состојба да настапи на натпреварот, па членовите на клубот се упатија назад кон дома по инцидентот. По повод овој настан се огласи и ФК Горажде, од каде официјално потврдија дека натпреварот нема да се одигра во предвидениот термин.

- Ја известуваме јавноста, навивачите и спортската јавност дека натпреварот меѓу Горажде и Фамос е одложен. До одложувањето дојде поради сообраќајна несреќа во која учествуваше екипата на Фамос на пат кон Горажде. Поради сите околности и состојбата во која се наоѓа тимот, натпреварот нема да се одигра во предвидениот термин. Новиот термин за натпреварот ќе биде дополнително одреден и објавен штом ќе се исполнат сите услови – соопштија од Горажде, упатувајќи благодарност за разбирањето.

Најважно е што играчите на Фамос поминале без повреди, а новиот термин за натпреварот ќе биде дополнително објавен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Меси и Суарез како во своите најдобри денови

Суарез го отвори резултатот во третата минута, а потоа, во 39-тата, го зголеми водството на домашниот тим. 

Видео: Меси и Суарез како во своите најдобри денови

Двата гола на Уругваецот беа постигнати по додавања на Херман Бертераме, па Интер замина на полувреме со сигурна предност од 2:0.

Во продолжението, главната улога ја презеде волшебникот Лео Меси. Аргентинецот погоди во 47-мата минута по асистенција на Суарез, а во 60-тата минута, по додавање на Родриго де Пол, беше поставен конечниот резултат.

Светските фудбалски ведети на овој меч потсетија на времето од Барселона кога беа неверојатен тандем и вистински машини за постигнување на голови.

Тагови: Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Рубио за нападот на Ријад: „Ова мора веднаш да престане“

Американскиот државен секретар Марко Рубио изјави дека Соединетите Држави остро ги осудуваат најновите напади врз Кралството Саудиска Арабија.

Рубио за нападот на Ријад: „Ова мора веднаш да престане“

Во соопштението на американскиот државен секретар на мрежата „Икс“ (X) беше потврдено дека еден американски државјанин загинал во новите напади, пренесува Ројтерс.

„Овие срамни напади покажуваат грубо непочитување на животите на невини цивили. Тие мора веднаш да престанат“, напиша Рубио во објавата.

Најмалку 12 лица загинаа, а 309 беа повредени во вчерашниот напад врз меѓународниот аеродром „Кинг Калид“ во саудискиот главен град Ријад – напад за кој саудиските власти ги обвинуваат јеменските бунтовници Хути – соопштија саудиски претставници.

Според официјални лица, ова е најсмртоносниот напад во некоја од арапските земји од Персискиот Залив од почетокот на американско-израелската војна против Иран во февруари.

Тагови: Марко Рубио

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер