Фудбал

Роналдо: Реал секогаш ќе остане во моето срце

Кристијано Роналдо по девет години минати во Реал Мадрид преминува во Јувентус во трансфер вреден 105 милиони евра.

Роналдо по официјализирањето на трансферот објави проштално писмо.

- Годините поминати во Реал и Мадрид се веројатно најсреќниот период во мојот живот. Сакам да му се заблагодарам на клуб и целиот град за љубовта и вниманието кое ми го пружија. Меѓутоа, дојде време за ново поглавје во мојот живот и затоа побарав од клубот да го прифати моето барање за трансфер. Ги молам сите да имаат разбирање за мојот потег. Поминав девет посебни години овде, но истовремено и тешки, бидејќи барањата на Реал секогаш се максимални, наведува Роналдо.

Тој во писмото им се обраќа и на соиграчите од мадридскиот клуб.

- Имав врвни соиграчи, а атмосферата на теренот и во соблекувалната беше одлична. Заедно освоивме четири титули во Лигата на шампионите. Благодарение на нив четири пати бев најдобар играч во светот, а трипати најдобар стрелец, потенцира фудбалерот.

Роналдо дојде во Реал во 2009 година од Манчестер Јунајтед.

- Реал Мадрид секогаш ќе остане во моето срце и сакам да им се заблагодарам на сите во клубот - претседателот, директорот, соиграчите, тренерите, лекарите, физиотерапевтите и на сите останати соработници. Сакам да им се заблагодарам на навивачите и воопшто на шпанскиот фудбал. Го напуштам Реал, но овој дрес и овој стадион секогаш ќе ги сметам за свои, стои во писмото на Роналдо.

Тој е најдобар стрелец во историјата на Реал Мадрид со 451 гол на 438 натпревари.

Македонија

Претрес во Струмица, приведен осомничен дилер

Струмичката полиција вчера околу пладне во Струмица го лишила од слобода Љ.Ѓ.(46) од овој град.

При претрес во неговиот дом, извршен со судска наредба, биле пронајдени и одземени кафеава прашкаста материја, црна прашкаста материја, марихуана, бела прашкаста материја, бела грутчеста материја и други предмети за кои постои сомнение дека потекнуваат од кривично дело..

Како што информираат денеска од МВР, лицето било задржано во полициска станица и по целосно документирање на случајот против него ќе биде поднесена соодветна пријава.

Свет

Полска ја зајакнува границата кон Русија и Белорусија

Премиерот на Полска, Доналд Туск денеска изјави дека почна осовременувањето и утврдувањето на источна граница со Белорусија и Русија, за што се наменети 2,3 милијарди евра.

- Тој план за одбрана и одвраќање го нарековме „Штит на Истокот“ … кој ќе нè брани од потенцијалните напади од исток, но пред сè ќе има за цел да го одврати непријателот. Системот на утврдувања, зајакнување, модернизирањето на 400 километри од границата со Русија и Белорусија ќе биде фактор на одвраќање, стратегија да се избрка војната од нашата граница, истакна Туск.

Тој најави дека следната недела ќе објави нови мерки за спречување провокации, саботажи и диверзии во рамките на хибридните напади од Русија и од Белорусија.

Зборуваме за потребата да се изгради силна држава, отпорна на саботажи и саботажи. Полска ќе биде отпорна држава и безмилосна до болка кон секој што ќе се обиде да ја дестабилизира ситуацијата во нашата земја, наведе Туск. Претходната влада на конзервативната партија Право и правда на границата подигна ограда висока повеќе од пет метри за да ги запре мигрантите.

Полска без оглед кој е на власт тоа го третира како руски и белоруски хибриден напад и обид за префрлање на десетици илјади бегалци во Полска со цел да се дестабилизира земјата но и другите членки на Европска Унија./МИА

Свет

Евакуирани околу 10.000 луѓе од украинската област Харков

По копнениот напад на руската армија приближно 10.000 луѓе се евакуирани од областа Харков, североисточна Украина.

Гувернерот на Харков, Олег Синегубов наведе дека украинската армија одбила два обиди за пробивање на одбраната во текот на ноќта, но оти ситуацијата е „под контрола“.

Руските сили нападнаа неколку градови, вклучувајќи го и Вовчанск, на само пет километри од границата.

Во периодот од 9 до 15 мај руските сили зазедоа 278 квадратни километри украинска територија, што е најголем напредок од крајот на 2022 година./МИА