Роналдо открива зошто нема тетоважи по телото! Ова многумина ги изненади - Канал 5

Забава

Роналдо открива зошто нема тетоважи по телото! Ова многумина ги изненади

Кристијано Роналдо  има многу специфична причина зошто одбива да се пофали со тетоважи.

Роналдо открива зошто нема тетоважи по телото! Ова многумина ги изненади

Овој играч на Манчестер Јунајтед често споделува свои фотографии на својот профил на Инстаграм на кои е без маица, а во текот на неговата долга кариера неговите фанови имаа можност да се уверат дека овој ас нема забележителни тетоважи на телото, што донекаде стана норма за неговите колеги.

Сепак, иако за многумина ова е прашање на личен избор, Кристијано Роналдо всушност има многу специфична причина зошто одбива да се пофали со тетоважи.

Имено, во 2012 година, фудбалерот за еден италијански сајт изјавил дека нема тетоважи за да може почесто да донира крв. Општопознато е дека крводарителите мора да чекаат четири месеци по тетовирањето или дупчењето на кожата пред да можат повторно да даруваат крв.

Роналдо се регистрирал како донатор на коскена срж и почнал редовно да донира крв кога неговиот соиграч, Португалецот Карлос Мартинс, во 2011 година му открил дека на неговиот син му е дијагностицирана леукемија и дека му е потребна редовна трансфузија на крв и коскена срцевина.

Во 2013 година, Роналдо во интервју за една шпанска радиостаница изјави дека играчите покажале големо единство за да му помогнат на Мартинс и неговиот син бидејќи знаеле дека тоа е многу комплицирана ситуација. Потоа го истакна следново:

- Да се ​​дарува коскена срж е нешто што многумина мислат дека е тешко, но не е ништо друго освен земање крв и не боли. Јас го направив тоа пред многу години и ако треба повторно да го направам, би го направил без размислување, бидејќи ова е многу сериозна болест која погодува голем број деца и треба да им помогнеме. Не чини ништо, процесот е едноставен и на крајот на краиштата среќни сте затоа што знаете дека помагате на друго лице.

Роналдо охрабри повеќе луѓе да станат крводарители со кампањата започната во 2015 година. Истата година, фудбалерот беше прогласен за „Најхуман спортист“ на листата „Аthletes Gone Good“.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна авион „Су-30“ (ВИДЕО)

Воениот авион „Су-30“ се урна денес во Калининградската област за време на тренажен лет.

Се урна авион „Су-30“ (ВИДЕО)

Екипажот се катапултирал, а животите на пилотите не се во опасност, соопшти руското Министерство за одбрана.

„Денес, на 21 октомври, авион ’Су-30‘ се урна за време на планиран тренажен лет во Калининградската област“, ​​се наведува во соопштението на Министерството, пренесено од агенцијата „РИА Новости“.

Од агенцијата посочуваат дека екипажот се катапултирал и веќе е пронајден од копнен тим за потрага и спасување.

Наведено е дека животите на пилотите не се загрозени.

„Авионот се урна во ненаселена област. Летот се одвиваше без муниција“, се додава во соопштението.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Руски дизел утре тргнува за Америка- „Танкерот има капацитет од 40.000 тони“

Русија утре треба да ја испрати првата пратка дизел во Соединетите Држави, во рамките на спорниот договор меѓу американскиот претседател Доналд Трамп и рускиот претседател Владимир Путин. 

Руски дизел утре тргнува за Америка- „Танкерот има капацитет од 40.000 тони“

Рускиот вицепремиер Александар Новак изјави дека танкерот ќе има капацитет од 40.000 тони, пренесува Интерфакс. Се очекуваат и дополнителни пратки.

Новак не ја исклучи можноста за извоз на дизел и во други земји, но напомена дека тоа ќе зависи од капацитетите на руските рафинерии во текот на наредните месеци.

На почетокот на октомври, Трамп и Путин се договорија за продолжување на испораките на руски дизел за САД. Вашингтон привремено ги суспендираше постојните санкции против Русија за да овозможи реализација на овие пратки. Договорот наиде на остри критики од Украина, Европската Унија, па дури и од некои републикански членови на американскиот Конгрес, додека Москва го поздрави договорот.

Руските рафинерии за нафта често се цел на украински беспилотни летала со голем дострел, а оштетувањата и поправките го ограничуваат производниот капацитет на земјата.

Москва одговори со воведување забрана за извоз на бензин и дизел. Трамп ги критикуваше украинските напади, обвинувајќи го Киев за порастот на цените на горивата во пресрет на ноемвриските избори за Конгресот на САД, на кои се очекува републиканците да остварат слаб резултат.

Киев, пак, тврди дека нафтените постројки се легитимни воени цели, бидејќи обезбедуваат гориво и финансиски средства за војната на Путин. Од февруари 2022 година, Украина се брани од целосна руска инвазија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 10 возачи за „безобѕирно управување со моторно возило“, седум возеле без положен возачки испит

Во текот на изминатото деноноќие, на различни локации во државата, полициски службеници лишија од слобода 10 возачи поради сторено кривично дело „безобѕирно управување со моторно возило“ по член 297-а од Кривичниот законик.

Лишени од слобода 10 возачи за „безобѕирно управување со моторно возило“, седум возеле без положен возачки испит

Од нив, седум управувале возило без положен возачки испит и тоа: Д.А.(41), Ш.Џ.(23), 20-годишната Е.Љ. и 16-годишник, сите од Скопје, Ф.И.(45) и С.К.(56), двајцата од скопско и С.Х.(44) од Тетово. Со активна мерка - забрана за управување на возило возеле Б.Д.(45) од Велес и С.Б.(25) од Гостивар. Додека, пак, под дејство на алкохол возел Т.Н.(37) од Гостивар. По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер