Пред крајот на кариерата, еден од најдобрите фудбалери на сите времиња се одлучи за епизода во Саудиска Арабија каде што моментално го носи дресот на Ал Наср.

Летово Роналдо го продолжи договорот со Ал Наср за фантастична годишна плата од која бројка дефинитивно може да ви се заврти во главата.

Капитенот на Португалија, потпиша двегодишен договор според кој ќе заработува 200 милиони евра по сезона, што значи дека ќе биде побогат за нереални 400 милиони евра.

Со вакви примања , за супер платениот Кристијано дефинитовно ништо не е скапо.

Посебно како луксузни часовници или скапи автомобили кои се само сон за обичните луѓе.

Во својата гаража Роналдо има неколку екстремно луксузни и скапи автомобили, а секако и часовниците што ги поседува не се помалку евтини. Продаде неколку од нив за одредени хуманитарни акции.

Неодамна, како гостин на познатиот и контроверзен новинар Пирс Морган, тој покажа нов часовник кој е направен во само 18 примероци на светот, кој е составен од повеќе од 800 делови.

За време на разговорот, Роналдо носи „Jacob & Co. Twin Turbo Furious Baguette“ чија вредност се проценува на околу 1,25 милиони евра.

Куќиштето со дијаметар од 57 мм е направено од 18-каратно бело злато и, заедно со копчињата, е украсено со вкупно 362 багетни дијаманти од највисок квалитет. Овие прецизно исечени скапоцени камења создаваат блескава површина што го одзема здивот.

Но, вистинската вредност на овој часовник лежи во неговиот механизам. Тој е напојуван од сложениот калибар JCFM05, кој се состои од 832 компоненти, а срцето на механизмот е составено од два троосни турбиљони. Овие минијатурни кафези, кои ротираат на три различни оски, се дизајнирани да ја испробаат гравитацијата и да обезбедат беспрекорна точност.

Исто така, часовникот има повторувач на децимални минути, ретка компликација што покажува часови, десетинки од минути и минути со звучни сигнали. Целокупниот дизајн е инспириран од светот на хиперавтомобилите, што го прави совршен избор за Роналдо, познат ентузијаст за брзи автомобили.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.