Роналдињо: Приказната за волшебникот е при крај - Канал 5

Фудбал

Роналдињо: Приказната за волшебникот е при крај

Имаше една ера во фудбалот кога дриблинзите низ беспомошните одбрани, на Роналдињо Гаучо беа нешто најимпресивно во светот на фудбалот.

Роналдињо: Приказната за волшебникот е при крај
Роналдињо беше највилјателната фигура во тој момент во светскиот фудбал, најблиското нешто до магичната 10-ка на Пеле и Марадона.

Со еден збор, Роналдињо беше најголемиот љубовник со топката во новиот век.Технички магионичар, шармер, неверојатен играч. Правеше чуда во дресот на Барселона во првата половина од првата декада во овој век и под негова закрила се разви и новиот гениј на играта, Меси.

Незапирлив со неговата кадрава коса разлетана насекаде додека фуриозно ги поминува беспомошните одбранбени играчи, со додавања кои наликуваа на НБА атракции. Во тој момент Барселона и Бразил беа најдобрите тимови во светот а Роналдињо кралот на фудбалот.

Направи дури и на “Сантијаго Бернабе“ да му аплаудираат откатко самиот го совлада Реал Мадрид со 3-0. Сите кои знаат барем малку за ривалството помеѓу овие два тима знаат што значеше тој аплауз.

Милан се обиде да ја оживее неговата кариера но никогаш веќе не беше истиот. Сега, злобните јазици ќе речат дека и Меси се движи по неговиот пат, бидејќи не посветувал многу внимание на тренинзите а модерниот фудбал колку и да го имаш талентот во нозете, ќе те прегази доколку немаш припреми како вистински атлетичар.

Роналдињо се врати во родниот Бразил, каде што играше за Фламенго и “Белите Петли“ од Атлетико Минеиро, со кои го освои веројатно својот последен пехар - Копа Либертадорес. Но мораше да го напушти клубот поради недоволна дисциплина и недоаѓањето на тренинзите.

Сега иронично повторно, фудбалскиот гениј ќе игра за уште еден тим кој го носи надимакот “Бели Петли“. Станува збор за Керетаро од Мексико, кој е мал клуб, со околу 19.000 гледачи по натпревар.

Ова сигурно не прилега на репутацијата на Роналдињо.

Но на 34 години, неговата магија е при крајот и Керетаро веројатно ќе биде неговиот последен клуб. Да, можеше да игра и за некои второкласни англиски или италијански клубови но се одлучи за Мексико, кој е поблиску до неговиот дом.

Несомнемо е дека поради својот животен стил и однос спрема тренинзите, Рони нема да има многу голема минутажа и веројатно ова ќе биде и неговата последна сезона.

Пред 13 години дојде во Европа преку Тримфалната Порта и потпиша за ПСЖ и со тоа ја отвори врата кон светската слава.

Од 2001, веќе беше гениј кој го обожаваше целиот фудбалски свет. Сега можеме само да му се поклониме и заблагодариме што имавме можност да ја гледаме неговата магија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со изведување докази на одбраната продолжува судењето за пожарот во „Пулс“

Со изведување на докази на одбраната, која има најавено 240 сведоци, во судницата во затворот „Идризово“ при Основниот кривичен суд Скопје денеска продолжува судењето за пожарот во дискотеката „Пулс“ во Кочани.

Со изведување докази на одбраната продолжува судењето за пожарот во „Пулс“

Судењето го води судијката Дијана Груевска-Илиевска, а обвинението го застапува тим од 15 јавни обвинители.

Процесот започна на 19 ноември минатата година, осум месеци по катастрофалниот пожар што се случи на 16 март 2025 година за време на настап на групата ДНК, во кој животот го загубија 63 лица, а над 200 беа повредени.

Тагови: Основен суд Кочани Пулс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието го усвои амандманот со кој се брише членот 13 од измените на Законот за јавните набавки

Собранието го усвои амандманот со кој се брише членот 13 од измените на Законот за јавните набавки.

Собранието го усвои амандманот со кој се брише членот 13 од измените на Законот за јавните набавки

Спорната одредба се однесуваше на мандатите на претседателот и членовите на Државната комисија за жалби по јавни набавки.Со предложените измени се овозможуваше нивно повторно именување без јасно ограничување на бројот на мандати.

Досегашното законско решение предвидуваше мандат од пет години, со право на уште еден избор.Тоа значи дека членовите можеа да ја извршуваат функцијата најмногу десет години.

Претседателката Гордана Сиљановска-Давкова одби да го потпише указот за прогласување на законот токму поради оваа одредба.Таа оцени дека новата формулација е правно непрецизна и остава простор за неограничен број реизбори.Амандманот за бришење на членот го поднесоа пратениците на ВМРО-ДПМНЕ.

Од владејачкото мнозинство образложија дека со ова се прифаќаатзабелешките на претседателката.

Од СДСМ реагираа дека и тие претходно предложиле исто решение.Опозицијата побара законот да биде повлечен и да се организира јавна расправа за новите измени.За законските измени беа поднесени вкупно 2.158 амандмани.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно со повремени сончеви периоди

Врмето денес според УХМР ќе биде променливо облачно со повремени сончеви периоди.

Променливо облачно со повремени сончеви периоди

Променливо облачно со повремени сончеви периоди. Во западните делови ќе има услови за појава на слаби врнежи од дожд. По одделни котлини ќе има услови за појава на магла. Ќе дува слаб до умерен ветер од јужен правец. Минималната температура ќе биде во интервал од 5 до 10, а максималната ќе достигне од 14 до 19 степени.

Во Скопје, променливо облачно со услови за појава на слаб локален дожд. Ќе дува слаб ветер од променлив правец. Минималната температура ќе се спушти до 10, а максималната ќе достигне до 17 степени.

ВРЕМЕТО ВО НАРЕДНИТЕ ДЕНОВИ

До почетокот на следната седмица времето ќе биде променливо облачно со повремени локални врнежи од дожд. Од сабота поради продор на постудена воздушна маса од север температурите ќе бидат во опаѓање. Ќе дува слаб до умерен, а во петок силен повремено многу силен ветер од јужен правец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер