Свет

Романија издаде нови предупредувања до населението, испраќа авиони поради дроновите во близина на границата со Украина

Во 06:28 часот, два германски ловци „Еурофајтер Тајфун“ од воздухопловната база „Михаил Когалничеану“ беа алармирани.

Романските власти утрово издадоа две предупредувања RO-ALERT за округот Галац во југоисточна Романија, откако Генералштабот на воздухопловните сили пријави можни мали воздушни цели во областа на границата со Украина, објави Романскиот генерален инспекторат за вонредни ситуации. Првата порака беше дистрибуирана до источниот дел од округот, а втората до целиот округ Галац.

„Пораките имаа за цел да го информираат населението и да препорачаат преземање заштитни мерки и криење во случај ситуацијата да се влоши“, соопшти Инспекторатот. За време на мониторингот не се регистрирани инциденти, материјална штета или повици на бројот за итни случаи 112.

Инцидентот е дел од поширока низа мерки поради откривање на воздушни цели во североисточниот дел од земјата. Според романското Министерство за национална одбрана, радарите на романската армија детектирале непозната летачка цел како се приближува кон националниот воздушен простор денеска во утринските часови во областа на округот Тулча.

Во 06:28 часот, два германски ловци „Еурофајтер Тајфун“ од воздухопловната база „Михаил Когалничеану“ беа алармирани. Целта влезе во романскиот воздушен простор од правец на Валкове (Украина) кон областа Килија Вече. Во 06:55 часот, беше издаден сигнал RO-ALERT за населението на округот Тулча.

Подоцна, во 07:11 часот, екипажот на ловецот „Еурофајтер“ пријави радарски контакт со објектот веќе над украинската територија. Во 07:37 часот, два ловци Ф-16 исто така полетаа од воздухопловната база Борча, а малку подоцна, во 07:48 часот, беше издадено предупредување RO-ALERT за округот Галац.

Во 07:50 часот, романските радари повторно регистрираа упад во воздушниот простор на земјата, при што еден од авионите Ф-16 оствари радарски контакт со непознатата цел.

Романија го зајакна својот систем за надзор и одговор по зголемената инциденца на руски беспилотни летала што влегуваат на нејзина територија во текот на тековните руски напади врз цели во јужна Украина во близина на романската граница. Властите уверуваат дека одбранбените структури се во постојана готовност и работат во тесна координација со партнерите од НАТО.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Околу 50 тони небезбедна храна открила АХВ во првата половина од годината

Речиси педесет тони небезбедна храна уништиле или вратиле инспекциските служби на Агенцијата за храна и ветеринарство.

Најчеста причина за заплена на небезбедната храна биле изминат рок на употреба, непознато потекло, нерегистрирани оператори..

Повеќе од Елизабета Дамјановска Спасеноска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лозарите од тиквешијата годинава очекуваат намален род за најмалку 20%, не се задоволни од откупната цена

Лозарите од тиквешијата годинава очекуваат намален род за најмалку 20% во однос на лани заради пролетните оштетувања на родот од мрзнењата како и од летните горештини

Лозарите од тиквешијата годинава очекуваат намален род за најмалку 20% во однос на лани заради пролетните оштетувања на родот од мрзнењата како и од летните горештини и неможноста да се обезбеди доволно наводнување за сите лозови површини.

На три недели пред почетоко на бербите тие укажуваат дека откупните цени кои се најавени за годинава дека ќе бидат за половина денар повисоки за врнацот како најзастена црна сорта и денар повеќе за смедерваката ни од далеку не ги покриваата трошоците кои ги имаат направено.

Лозарите укажуваат дека по брзана постапка мора да се измени законот за вино кој на винариите им дава можност ако исплатат веднаш да им ја намалат за 8% откупната цена на грозјето, законска дупка што многу се злоупотребуваше лани кога сите се исплаќаа по пониски цени и не им се даваше можност на лозарите за избор на исплата во целост на рати.

Очекуваат и изнаоѓање на решение за откуп на црното грозје за кое винариите уште од лани укажуваат дека има намелен интерес за продажба и имаат залихи па не планираат да откупат многу годинава. За ова недомна според Серафимовски неодамна имало средба а владата излезе со информација дека со пренамена ќе се овозможат финансии со 1% фиксна камата и ти месеци грејс период наменски за откуп на црно грозје и оризова арпа како најпроблематични. Во пелагониско пак жетвата на пченицата за неколку дена финишира и таму големи проблеми имаат со ниските откупни цени.

Според пелагониските сточари проблемот со млекарниците не е решен бидејќи дел од нив продолжуваат да им ги намалуваат откупните цена на суровото млеко .

Заради многуте насобрани проблеми националнаат земјоделска мрежа упатила барање до новиот министер за земјдеолство Серафимовски за средба во најголемата житница пелагонија за преку дијалог да се најдат решенија за проблемите кои ги мачат земјдоелците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

МЗ: Нема нови случаи на западно-нилска треска

Нема нови лабораториски потврдени случаи на западнонилска треска која ја пренесуваат комарците во земјава, а последните ПСР тестови за последните случаи се негативни, информира Министерството за здравство.

Од министерството посочуваат дека до институтот за јавно здравје не се пристигнати нови потврдени случаи, а од Инфективната клиника за Канал 5 пак велат дека состојбата на тројцата скопјани кои деновиве беа ставени на респиратор поради тешка форма на западно нилска треска со воспаление на мозокот и мозочните обвивки останува иста, ниту се подобрува ниту се влошува.

Вкупниот број на потврдени и суспектни на „западен нил“ е 16, вели директорот на Инфективна д-р Фадил Цана..

Сите се над 60 години со придружни хронични болести и сите инфекцијата ја добиле во Македонија, никој не патувал во странство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.