Роднини на згрижените во домовите за стари лица кои беа затворени сведочат за условите во кои тие живееле - Канал 5

Македонија

Роднини на згрижените во домовите за стари лица кои беа затворени сведочат за условите во кои тие живееле

Хигиената во старечкиот дом во Центар кој сега е затворен поради нехуман третман кон старите лица беше на ниско ниво и функционираше со многу малку вработени.

Роднини на згрижените во домовите за стари лица кои беа затворени сведочат за условите во кои тие живееле

Хигиената во старечкиот дом во Центар кој сега е затворен поради нехуман третман кон старите лица беше на ниско ниво и функционираше со многу малку вработени, а иако не верувам дека била малтретирана, се сомневам дека на мојата осумдесетгодишна мајка ѝ биле давани поголеми дози на седативи, бидејќи нејзиното однесување драстично се промени откако ја згриживме таму. Вака Весна Тасевска раскажува за третманот на нејзината неподвижна мајка додека била во домот за кој месечно плаќала 42000 денари. Таа тврди дека никој од блиските на згрижените не смеел да влезе во собата во која биле сместени старите лица, а можност за посети имало два пати неделно, или надвор во дворот, или во посебна соба.

-Хигиената беше на многу ниско ниво. Јас барав да се качам горе за да ја пресоблечам, бидејќи гледав дека секое доаѓање мајка ми е во истата маица, а имаше се испрано и чисто. Еднаш неделно бањање во денешно време и за луѓе што се со пелени, не знам што да речам. Немаа персонал, 4 5 луѓе вработени, јас сега кога читам, за 17 луѓе, и за 17 е малку, треба да одат во две или три смени. Тие кажуваа дека има човек за грижа достапен 24 часа, но не е така. Однесувањето ѝ беше чудно, не беше тоа истата жена. Сметам дека ѝ давале некои лекови, можеби во поголеми дози.-Весна Тасевска.

Тасевска првпат влегла во собата на својата мајка откако внатре била и полицијата и инспекторите, и забележала дека во една соба има по неколку кревети. Таа вели со тужба планира да бара правда заедно со уште неколкумина чии родители биле сместени во истиот дом.

-Дали е виновен домот или виновна е државата, не знам. Секаде пишува по јавните гласила дека ги средиле и им обезбедиле на старите лица. Државата ништо не им обезбеди, дури ни топол оброк. Само дошле медицински лица, тоа ми кажа мајка ми и им земале крв, но грубо и безобразно.-Весна Тасевска.

Обвинителството отвори истрага и сомничи две сопственички на стеречки домови во Центар и во Бутел за злоупотреба на службената должност и нехумано постапување. Според Обвинителството на згрижените стари лица им била давана храна со поминат рок и лекови без медицинска потврда, а спиеле и по неколкумина на тросед во дневна. Додека трае истрагата домовите се затворени, а двете сопственички се зад решетки, во притвор.

YouTube video

Тагови: стареење

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Во изминатите 24 часа најмногу дожд во Битола, Демир Капија и Виница

Дадените вредности за количината на врнежи се измерени на дождомерните места на УХМР.

Во изминатите 24 часа најмногу дожд во Битола, Демир Капија и Виница

КОЛИЧИНА НА ВРНЕЖИ за изминатите 24 часа до 08 часот во (l/m2)

26 Битола, 24 Демир Капија, 21 Виница, 17 Лазарополе, 14 Берово, 13 Крива Паланка, 8 Гевгелија, 2 Скопје – Петровец, 1 Кавадарци, Крушево, Маврови Анови.

Забелешка: Дадените вредности за количината на врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќајот на државните патишта се одвива непречено, по суви коловози.

Интензитетот на сообраќај на патните правци надвор од градските средини е умерен.

Сообраќајот на државните патишта се одвива непречено, по суви коловози.

ВРЕМЕН РЕЖИМ НА СООБРАЌАЈ: На ден 23.06.2026 г. сообраќајот на патниот правец Прилеп- Битола близу железничката пруга Лознани е спроведен времен режим на сообраќај, сообраќајот ќе се одвива со пренасочување од магистралниот кон регионалниот пат заради изведување на градежни работи на терен.

СОСТОЈБА: Сообраќајот на државните патишта се одвива непречено, по суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности.

Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности.

Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт.

Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај.

На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна).

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Тагови: АМСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Нестабилно време со дожд, грмежи и засилен ветер

Под влијание на циклонска активност од југоисток денес ќе имаме нестабилно време со дожд, грмежи и засилен ветер.

Нестабилно време со дожд, грмежи и засилен ветер

Локално процесите ќе бидат поинтензивни со пообилен пороен дожд, грмежи, силен ветер и појава на град. Минималната температура ќе биде во интервал од 14 до 20, а максималната ќе достигне од 27 до 35 степени.

Во Скопје времето ќе биде нестабилно со дожд, грмежи и засилен ветер. Во делови од котлината ќе има услови за појава на краткотрајно невреме. Минималната температура ќе се спушти до 17, а максималната ќе достигне до 32 степени.

Денес ќе се задржи нестабилно време со дожд, грмежи и засилен ветер. Поради големата енергија во атмосферата локално процесите ќе бидат поинтензивни со пообилен пороен дожд, силен ветер и појава на град. Во четврток и петок ќе има изолирана појава на нестабилност, а за време на викендот и почетокот на следната седмица времето ќе биде претежно сончево и топло.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер