Роднина на Цар Борис од Бугарија дал согласност да се регистрира здружението во Охрид - Канал 5

Македонија

Роднина на Цар Борис од Бугарија дал согласност да се регистрира здружението во Охрид

Роднина на Цар Борис од Бугарија дал согласност да се регистрира здружението во Охрид чие име изминатите два дена предизвика бура од реакции во јавноста, но и осуди од Еврејската заедница која посочи дека е згрозена и навредена...

Роднина на Цар Борис од Бугарија дал согласност да се регистрира здружението во Охрид

Родинина на бугарскиот Цар Борис Трети дал согласност под негово име да се основа здружението во Охрид. Ова може да се протолкува од одговорт кој на барање на Канал 5 го достави Централниот регистар. Откако Министерството за правда соопшти дека здружението за афирмација на културните вредности на македонските бугари Цар Борис III Охрид не доставило барање за добивање на позитивно мислење во постапката за регистрација, од Централниот регистар велат дека здружението е впишано лани во ноември во согласност со Законот за здруженија и фондации.

„Согласност од Министерство за правда не е доставено како прилог кон пријавата за упис, од причина што подносителот на истата доставил прилог доказ согласно член 49 став 2 од Законот за трговски друштва , а во врска со 8 од Законот за здруженија и фондации, имено доставил согласност од сродник за внесување на името Цар Борис III во името на Здружението

Оттаму објасуваат дека за прашањата поврзани со името на здружението се применуваат одредбите од Законот за трговски друштва според кои може да се внесе име и презиме на историска и друга позната личност само со согласност на личноста, или, ако е почината, со согласност на нејзините сродници до трет степен во права линија, а доколку такви не постојат, согласност дава Министерството за правда.

Иако наведуваат дека основачот на здружението доставил доказ за согласност од сродник за внесување на името Цар Борис Трети, кој е доказот и кој гарантира за неговата законитост, подетални информации нема. Случајот повторно отвори оправдани дилеми дека секој може да регистрира здружение со име на личности кои длабоко задираат во чувствата поврзани со историјата. Од Министерството за правда најавија дека ваквата пракса ќе заврши по измените на Законот за здруженија и фондации на кои во моментот е ангажирана работна група.

Од Еврејската заедница вчера реагираа на како што велат „леснотијата со која во нашата држава се глорифицираат нацизмот, фашизмот и се шири говор на омраза“, а од здружението пак преку соопштение тврдеа дека не биле неонацисти и туку дека имале соработка со антисемитски движења.

„Никаде во светот не го пишува и не е осуден Цар Борис III за фашист или нацист. Тој бил еден родољуб кој се нашол во погрешно време.....наведоа во нивниот одговор.

Цар Борис Трети ја предводел Бугарија за време на Втората светска војна како сојузник на Нацистичка Германија. Честопати бил во официјални посети на Берлин каде се среќавал со Адолф Хитлер за што се уште постојат и видео докази, а за време на неговото владеење биле депортирани македонските евреи во Треблинка.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Неверојатна сцена во автобус: Возач ја поместил торбата поради мајка со детска количка, кога се слушнале чудни крици

Напуштена женка мајмун беше пронајдена во лондонски автобус откако патник забележа чудна торба што го блокираше преминот, соопштија властите.

Неверојатна сцена во автобус: Возач ја поместил торбата поради мајка со детска количка, кога се слушнале чудни крици

Мајка со количка се обидела да излезе од автобусот, но торбата штрчеше од багажниот простор. Возачот потоа ѝ притрча на помош - не знаејќи какво изненадување ги чека.

Оставена во кафез

Кога возачот ја помести торбата, почнаа да доаѓаат звуци од неа. Набрзо беше откриено дека мајмунот е внатре.

RSPCA беше повикана на местото на настанот и ја именуваа женката „Oyster“, по името на билетот за автобус во Лондон „Oyster“.

Главниот инспектор на RSPCA Лондон, Клер Дју, рече дека женката мармосет била скриена во бел метален кафез завиткан во пластична кеса.

Таа ги пофали возачот на автобусот и персоналот на Метролајн за тоа што останале смирени, го однеле мајмунот на безбедно место и контактирале со RSPCA.

Организацијата сега се обидува да утврди кој го оставил животното во автобусот.

Покрената е истрага

Истражителите ќе ги прегледаат снимките од безбедносните камери и записите за пристигнување и заминување на патниците за да го пронајдат одговорното лице.

Животното сега е во резерват со специјализирани установи за примати, каде што наскоро треба да биде запознаено со машки мармосет кој бара друштво.

Специјалистот за егзотични животни на RSPCA, Еви Батон, рече дека приматите се многу интелигентни и социјални животни на кои им е потребен простор, ментална стимулација и соодветно друштво.

Таа рече дека воведувањето на лиценцирање на примати во Англија е важен чекор кон нивна заштита, но изрази загриженост дека некои сопственици кои не сакаат да се придржуваат кон новите барања би можеле да одлучат да ги напуштат своите животни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Уште една жртва на прославите во Шпанија по победата на СП, расте и бројот на повредени (ВИДЕО)

Две лица загинаа, повеќе од 80 се повредени, а најмалку 12 се уапсени низ целата земја за време на прославите за победата на шпанската фудбалска репрезентација во финалето на Светското првенство, објави денес EFE.

Уште една жртва на прославите во Шпанија по победата на СП, расте и бројот на повредени (ВИДЕО)

Во Мадрид, седум лица се уапсени преку ноќ, вклучувајќи пет за злосторства од омраза по тепачка во бар, едно за прекршување на јавниот ред и напад врз полицаец на плоштадот Сибелес и едно за сериозна непослушност на плоштадот Пуерта дел Сол.

Здравствените служби во главниот град лекуваа и транспортираа 36 повредени лица во болници.

Во Барселона, каталонската полиција „Мосос д'Есквадра“ ​​уапси три лица за разни кражби, додека 29 лица добија медицинска помош.

Меѓу жртвите беше и 13-годишно момче од градот Сиудад Родриго во покраината Саламанка, кое почина откако фонтана се сруши за време на прославите. Друго момче беше тешко повредено и хоспитализирано.

Во градот Сонсака во покраината Толедо, млад човек на околу 20 години почина откако доживеа конвулзии додека го гледаше натпреварот.

Во Сесес, исто така во покраината Толедо, 19-годишник беше сериозно повреден во напад со нож.

За време на прославите беа пријавени и други инциденти. Во областа Памплона, напад врз група војници кои го гледале натпреварот во бар беше истражуван од група маскирани мажи вооружени со палки, при што беа повредени шест лица, меѓу кои и тројца војници.

Во Билбао, полицијата идентификуваше 20 лица откако се обидоа да го прекинат јавното емитување на финалето, додека во Алава беше пријавен напад врз лице кое носеше дрес на репрезентацијата на Шпанија.

Тагови: Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Додека Европа „се вари“, во Чиле паднаа 4 метри снег (ВИДЕО)

Додека голем дел од Европа се бори со високи температури, на другата страна од светот владее вистинска зима.

Додека Европа „се вари“, во Чиле паднаа 4 метри снег (ВИДЕО)

Во Чилеанските Анди, во изминатите неколку дена падна огромна количина снег, а некои скијачки центри буквално беа закопани.

Силна зимска бура ги погоди планинските региони на Чиле и Аргентина и целосно го промени пејзажот за само неколку дена. Врнежите беа толку обилни што некои скијачки центри беа привремено затворени, а пристапните патишта беа блокирани.

Речиси четири метри снег

Најмногу снег падна во скијачкиот центар Ски Портиљо, каде што беа измерени дури 370 сантиметри нов снег.

Добро познатиот скијачки центар Вале Невадо не помина многу „полошо“. Таму паднаа околу два метри снег за време на бурата, а фотографиите покажуваат како голите падини станаа вистински зимски пејзаж за само неколку дена.

Големи количини снег беа забележани и во Аргентинскиот Лас Лењас и Чилеанскиот Невадос де Чилан.

Толку многу снег што ги затворија скијачките центри

Иако многу љубители на скијањето би сакале вакви сцени, реалноста е малку покомплицирана. Поради опасноста од лавини, затрупани патишта и проблеми со снабдувањето со електрична енергија, дел од ски-центарот сè уште не ги отворил сите лифтови и патеки.

Во Ски Портиљо, главните пристапни патишта се сè уште затворени, а жичарниците не работат. Слична е ситуацијата и во Вале Невада, каде што досега е отворен само мал дел од содржината.

Зимата сè уште не го кажала последниот збор

Метеоролозите најавуваат дека ова не е крај на снежниот бран. Во текот на неделата се очекуваат нови врнежи, а некои ски-центри би можеле да добијат уште 30 сантиметри свеж снег.

Додека Европа бара сенка и климатизација, жителите на чилеанските планини со денови го чистат снегот и се подготвуваат за продолжување на една од најснежните епизоди во сезоната.

Тагови: Чиле

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер