Родителот со своите постапки ја поттикнува или ја поткопува самодовербата кај детето - Канал 5

Живот

Родителот со своите постапки ја поттикнува или ја поткопува самодовербата кај детето

Самодовербата е основа за емоционално-социјалниот развој на детето, бидејќи го учи да се соочува со предизвици, да ризикува и да верува во своите способности.

Родителот со своите постапки ја поттикнува или ја поткопува самодовербата кај детето

Сепак, одредени постапки и однесувања на родителите и околината може да ја поткопаат таа самоувереност којашто се гради и се развива кај младата личност.

Децата напредуваат со охрабрување. Градењето самодоверба кај децата бара промислени постапки и зборови од нивните родители. Иако грешките во родителството се неизбежни, овде најважна е волјата на родителите - самите да учат и да се приспособат. Одредени навики и однесувања на возрасниот можат негативно да влијаат на самодовербата на нивното дете, пишува порталот „Кликс“.

Постојаната критика, на пр., може да остави трајни емоционални „лузни“. Укажувањето и исправувањето на грешките е важно, но ако тонот е груб и тоа е премногу често, детето ќе почне да се сомнева во својата вредност. Затоа, стручњаците советуваат родителите да се насочат на конструктивна критика којашто поттикнува разговор, наместо понижување, зајадливост или цинизам кон детето кое потоа ќе се чувствува лошо.

Натаму, кога родителот го споредува своето дете со брат, сестра или други деца, тоа е особено штетно. Споредбите предизвикуваат огорченост кон личностите со кои детето се споредува.

Совет: Заради напредок, родителот треба да ја цени единственоста и уникатноста на младата личност која сѐ уште се развива и обликува.

Прекумерната заштита од страна на родителите може да ги спречи децата да се соочат со предизвиците. Децата на кои не им е дозволено да прават грешки, растат сомневајќи се во своите способности. Важно е, како родител, да му дозволите на детето самото да ги решава своите ситни проблеми. Се почнува со едноставни задачи, како пакување училиштен ранец, учество во изборот на облека итн.

Дополнително, и ако родителите не ги признаваат напорите или успесите на детето, без разлика колку се тие мали, тоа може да направи детето да се чувствува помалку вредно. Затоа е важно да ги славиме и малите успеси, да ги пофалиме - за да им се даде важност. Тоа, секако, значително ќе ја зголеми самодовербата кај децата.

„Епитетите“ како „мрзеливо“, „усрамено“ или „несмасно“ дете вообичаено ја обликуваат неговата или нејзината слика за себе. Со тек на времето, детето почнува да верува дека овие зборови ја / го дефинираат како личност.

Совет: Како родител, важно е да се сосредоточите на однесувањето, а не на особините на младата личност.

Ако пак, постојано го следите вашето дете и го контролирате секој дел од неговиот / нејзиниот живот, вие му /ѝ испраќате порака дека не му /ѝ верувате. Постојаната контрола често ги нарушува способностите на детето за одлучување и да го тера да се сомнева во своите проценки. Важно е да им се даде на децата простор да донесуваат одлуки, дури и кога тоа значи дека ќе направат грешка./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уапсени се 11 возачи, од нив осуммина немале возачка дозвола

Лишени од слобода 11 возачи за безобѕирно управување возило, од нив осуммина возеле без возачка дозвола.

Уапсени се 11 возачи, од нив осуммина немале возачка дозвола

Во текот на изминатото деноноќие на целата територија на државата, полициските службеници лишија од слобода 11 возачи за безобѕирно управување возило. Од нив, осуммина (четворица во Скопје и по еден во Прилеп, Гостивар, Велес и кавадаречко) управувале возило без возачка дозвола. Поради возење под дејство на алкохол лишени до слобода се двајца возачи (Куманово и Кавадарци), а еден возач во Скопје возел и покрај тоа што за него имало изречена забрана за управување. По целосно документирање на случаите ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Бројките во земјоделието говорат за развој, а СДС зборува за негово уништување

Бројките во земјоделието говорат за развој, а СДС зборува за негово уништување, очигледно лажењето е карактерна особина на другарите на Филипче.

ВМРО-ДПМНЕ: Бројките во земјоделието говорат за развој, а СДС зборува за негово уништување

СДС и портпаролката Богданка Кузеска очигледно немајќи што да прават денес, одлучија да одржат прес-конференција на тема земјоделие.

Кузеска и СДС како да не се од Македонија, како да не живеат тука или пак лажењето им е стил на однесување, карактерна особина.

Денеска се утепаа од лажење, како немало пари за земјоделците, немало инвестиции, немало откуп или бил намален, субвенциите биле намалени. Па одат и понатаму и заклучуваат повторно огромна глупост се уништувале сите области како градинарство, лозарство, сточарството итн.

Да не ги набројуваме проблемите кои беа затекнати во земјоделието, тоа одзема многу време и место, ама затоа ќе се обидеме кратко да истакнеме дека говорат лаги. Со неколку податоци.

За се има конкретни бројки и конкретни резултати.

Има зголемен извоз на земјоделски производи и нивни преработки од 417 милиони евра во 2025 година, или суфицит од 215 милиони евра за истата година.

Производството на кравјо млеко за 2025 година бележи раст од 2,7% споредбено со 2024 година.

Произведени се вкупно 300.000 тони пченица во 2025 година што е еквивалент на она што е потребно на Македонија за задоволување на домашните потреби.

Од преземањето на власта до денеска исплатени се над 15 милијарди денари субвенции кон земјоделците во државава.

Ова се бројки, ова е прецизно и говори само едно, дека можеби раководството на СДС му удрило сонцето во глава и лаже, или едноставно лажењето е нивна карактерна особина, се наведува во партиската реакција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тошковски и Љамалари потпишаа договор за воспоставување заеднички гранични премини меѓу Македонија и Албанија

Тошковски и Љамалари потпишаа договор за воспоставување заеднички гранични премини и заеднички гранични контроли меѓу Македонија и Албанија.

Тошковски и Љамалари потпишаа договор за воспоставување заеднички гранични премини меѓу Македонија и Албанија

Денеска (27.06.2026) министерот за внатрешни работи Панче Тошковски и министерот за внатрешни работи на Република Албанија Бесфорт Љамалари во Пешкопеја, Албанија потпишаа Договор за воспоставување заеднички гранични премини и спроведување заеднички гранични контроли меѓу двете држави.

Со овој договор се воспоставува современа и функционална рамка за поефикасно управување со заедничката граница, со цел олеснување на движењето на луѓе и стоки, унапредување на безбедноста и намалување на времето на чекање на граничните премини.

Договорот предвидува формализирана институционална соработка, фазна имплементација преку протоколи приспособени на секоја локација, како и зајакнати механизми за координација и размена на информации меѓу надлежните служби.

Во своето обраќање, министерот Тошковски истакна дека договорот претставува значаен чекор кон поефикасно, побезбедно и попредвидливо управување со границата, со директни придобивки за граѓаните, стопанството и институциите.

Тој нагласи дека заедничките гранични процедури не само што го олеснуваат протокот, туку и ја зајакнуваат способноста на двете држави за справување со прекуграничен криминал, трговија со луѓе и други безбедносни ризици, преку координирано постапување и размена на информации.

Посебно беше истакнато дека имплементацијата ќе се одвива постепено и контролирано, со цел секој заеднички граничен премин да биде целосно оперативно и правно подготвен пред стапување во примена.

Министерот Тошковски упати благодарност до експертските тимови, правните советници, полициските службеници и сите институции од двете земји кои учествуваа во подготовката на договорот, нагласувајќи дека нивната работа е клучна за постигнатиот резултат.

Потпишувањето на договорот на граничниот премин Блато претставува важна пресвртница во билатералната соработка меѓу Македонија и Албанија и потврда на заедничката заложба за модерно, ефикасно и безбедно управување со границите.

Со ова се заокружува процесот на воспоставување на овој систем со трите соседни земји на Република Македонија кои не се дел од Шенген зоната, имајќи предвид дека истиот веќе успешно функционира со Србија и Косово, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер