Родена е како порцеланска кукла, лекарите ѝ дале само една година живот и згрешиле (ВИДЕО) - Канал 5

Живот

Родена е како порцеланска кукла, лекарите ѝ дале само една година живот и згрешиле (ВИДЕО)

Најмалото девојче на светот ги изненади сите со својот изглед, лекарите ѝ предвидуваа една година живот, но таа ги демантираше.

Родена е како порцеланска кукла, лекарите ѝ дале само една година живот и згрешиле (ВИДЕО)

Кога се родила, најмалото девојче на светот го добила епитетот порцеланска кукла. Имено, во 2007 година, Ема Њуман и Скот Гарсајд со нетрпение ја очекуваа бременоста на Ема и нетрпеливо чекаа да пристигне нивното четврто дете.

Сè одеше добро, сите во семејството со нетрпение го очекуваа бебето, а потоа еден ден одеднаш започна породувањето, а Ема се породи 4 недели пред терминот. Она што беше огромен шок за семејството на Ема е тоа што Шарлот Гарсајд беше премногу мала кога се роди, со тежина од само 300 грама и долга 25 сантиметри.

Веднаш по раѓањето, Шарлот била прогласена за најмалото девојче на светот, додека многумина беа маѓепсани од нејзиниот изглед. Со текот на времето, нејзиното здравје почнало значително да се влошува.

Лекарите ѝ дијагностицирале на малата Шарлот синдром научно наречен „исконски џуџестизам“, многу ретка генетска форма на вроден џуџест раст, поради што нејзиното тело се развива многу побавно отколку што би требало.

Според некои извештаи, во светот се регистрирани околу 200 случаи на овој синдром. Лекарите ѝ предвиделе краток животен век на малата Шарлот, проценувајќи дека тешко ќе живее подолго од една година. Сепак, Шарлот го докажа спротивното.

Кога се родила, била толку мала што морала да носи облека за кукли, а дури откако пораснала почнала да носи бебешка облека. Шарлот поминала извесно време само апсорбирајќи хранливи материи преку цевка, бидејќи била премногу мала за да ја џвака и вари храната.

На 5-годишна возраст, Шарлот достигнала тежина од 4 кг и висина од 68 см. И покрај ова, таа сè уште е многу активна и весела, се согласува со сите. Без страв и чувство на вина, Шарлот сè уште оди на училиште со своите врсници и учествува во општествени активности.

„Кога првпат се запознавме, сите се плашеа дека ќе биде повредена ако има некаков контакт или допирање, но во реалноста Шарлот е многу непослушно дете. Таа никогаш не седи мирна и сака да си игра, жонглирајќи во воздух“, изајви мајка ѝ Ема.

Шарлот денес има 14 години, а многумина шпекулираа дека е се уште жива бидејќи не се појавува во медиумите. Таа на многумина им станала инспирација дека сѐ е можно во животот и дека треба да се бори.

YouTube video

Малото девојче стекна голем број луѓе кои ја обожаваат и сакаат да знаат што повеќе за нејзиниот живот и навики, а би сакале и да го слушнат и нејзиниот глас.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер