Роботи во Израел берат овошје и се грижат за неговиот квалитет (ВИДЕО)

Поради глобален недостиг на сезонски берачи на овошје, дополнително попречени од ограничените патувања поради пандемијата, многу земјоделци ширум светот биле принудени да ги остават зрелите плодови да скапуваат.

Но, израелската компанија „ Tevel Aerobotics Technologies “ дизајнира летачки роботи, што користат вештачка интелигенција за откривање и берење зрели плодови.

Производителите велат дека роботите ќе заштедат пари и ќе го намалат отпадот на храна, објавено е на веб-страницата на Светскиот економски форум.

Дури и пред пандемијата, на овоштарите им било многу тешко да најдат работници да собираат овошје. Уште во јули 2019 година, Американската земјоделска федерација (AFBF) предупредила на хроничен недостиг на работна сила.

Намалувањето на бројот на берачи и пандемијата на коронавирус што го ограничи патувањето и го спречи доаѓањето на сезонски работници од други земји, ги натерало земјоделците да најдат решение во роботите за собирање култури.

Ова ги поттикна експертите од израелската компанија Tevel Aerobotics Technologies да измислат летачки роботи (FAR) што користат вештачка интелигенција (AI) за препознавање и берење на овошјето. Овие паметни машини можат да работат 24 часа на ден и да препознаваат и собираат само зрели плодови.

Компанијата истакнува дека роботите FAR можат да се користат насекаде во светот и дека тие го решаваат проблемот со недостиг на работна сила, истовремено намалувајќи ги трошоците.

Оваа иновација е директен одговор на недостигот на работна сила.

"Никогаш немате доволно раце да го соберете овошјето во вистинско време и по вистинска цена. Овошјето обично се остава да скапува во овоштарникот или се продава по многу пониска цена, а земјоделците губат милијарди долари секоја година", соопшти израелската компанија.

Роботот ФАР користи алгоритми за перцепција со вештачка интелигенција за лоцирање на овошните дрвја, како и алгоритми кои му помагаат да го најде овошјето меѓу лисјата и да го класифицира според големината и зрелоста.

Во процесот на берење овошје, времето е исклучително важно затоа што овошјето собрано со двонеделно задоцнување губи 80 проценти од својата вредност. Откако ќе го изберат овошјето, роботите го наоѓаат најпристапното место да му пријдат.

На една локација, повеќе роботи можат да работат истовремено без ризик од судир, со оглед на тоа што тие се контролирани од автономен „дигитален мозок“. Предноста на роботите е што тие можат да работат 24 часа на ден.

Израелската компанија посочува дека роботите не ги заменуваат целосно луѓето, туку им помагаат во бербата и додава дека до 2050 година ќе исчезнат пет милиони берачи. Тие исто така тврдат дека нивните роботи гарантираат берење најмалку 10 проценти од овошјето што во моментов останува несобрано и скапува .

Обединетите нации ја прогласија 2021 година за Меѓународна година на овошје и зеленчук, со акцент на иновациите и подобрените технологии насочени кон зголемување на ефикасноста и продуктивноста на одгледувањето овошје и зеленчук, намалувајќи го нивното расипување и финансиските загуби.

Човек се бори за живот, откако пред другите патници во воз во Лондон бил прободен со нож(ВИДЕО)

19-годишен маж е уапсен под сомнение дека се обидел да убие маж што го избодел во воз во јужен Лондон.

Застрашувачките снимки го покажуваат моментот кога жртвата се борела за живот откако бил избоден со нож во воз меѓу железничките станици Бекенхам Јункшн и Шортлендс, пред шокираните патници, пренесува Метро.

На видеото, кое исто така е споделено на социјалните мрежи, се гледа како маж во црна јакна со качулка, црни панталони и заштитна маска мавта со огромен нож.

Се слуша како еден вознемирен патник извикува „f*****, запрете“, пред да повика полиција и да пријави „овој човек прободува некого во возот“.

Во соопштението, британската транспортна полиција рече: „Детективите апелираат сведоците да се појават откако еден човек беше сериозно повреден денеска на станицата Бекенхам.“

„Денеска околу 15.56 часот, добивме извештаи за двајца мажи кои се тепаат кога се качија на воз на железничката станица Шортлендс. Еден човек претрпе сериозни повреди што беа прободени со нож“.

„Полицајците интервенираа, заедно со колегите од Метрополитен полиција и лондонската брза помош, а жртвата беше пренесена во болница со повреди опасни по живот.“

Полицијата апелираше до сите сведоци да излезат.

Портпаролот на возовите соопшти: „Свесни сме за сериозен инцидент на едно од нашите возила попладнево. Работиме итно со британската транспортна полиција и бараме секој што има информации веднаш да се јави“.

„Сите наши возови се опремени со камери за видео надзор и ќе ја доставиме оваа снимка на британската транспортна полиција за да помогне во нивната истрага“.

„Имаме и интегриран тим за заштита, составен од колеги од Југоисточен, БТП и Network Rail, и веќе работиме заедно за да ги најдеме одговорните.

Ковачевски: СДСМ креира мерки за силна економија, ликвидни компании и европски животен стандард

Претседателот на Социјалдемократскиот сојуз на Македонија, Димитар Ковачевски денеска учествуваше и дискутираше на панел дискусијата насловена „Креираме развој преку поддршка на инвестиции“. 

Денешната трибина, како што посочи Ковачевски е добра можност да се сублимираат досегашните преземени мерки и резултатите од нив, во делот на поддршката на инвестициите и економијата, но истовремено и да се види што е она што треба да се преземе за уште подобри резултати.

Ковачевски посочи дека за силна економија е потребен ликвидно и силно стопанство, нови фабрики, раст на инвестициите, капитални инвестиции во инфраструктурата, развиено земјоделство, подобар животен стандард преку повисоки плати и пензии, пристап до ЕУ пазарите.

Справувањето со предизвици, поддршка на домашната економија и компаниите преку правилни таргетирани мерки, финансиска поддршка, раст на платите, беа во фокусот на дискусијата, кои воедно се и дел од столбовите во новата програма на СДСМ.

Ковачевски потенцираше дека правилните политики на Владата предводена од СДСМ, овозможија континуиран раст на платите и во време на криза.

"Минималната плата порасна на 22.500 денари, за само две години. Да не заборавиме дека во 2016 година беше само 8.000 денари, значи имаме неколкукратно зголемување на минималната плата. Во однос на просечната плата, нашето ветување беше дека ќе биде 500 евра просечна плата во 2024, денес гледаме дека е 650 евра. Тоа е резултат на целиот економски амбиент, иако бевме во време на криза. Невработеноста ја преполовивме од 25% на 12,8%. Значи преполовена невработеност, зголемена вработеност, во краток период. Просечната плата во 2028 година ќе достигне рекордни 1.100 евра, а минималната палта ќе достигне рекордни 600 евра", подвлече Ковачевски.

При тоа, Ковачевски посочи дека во новата програма за 2024-2028 година предвидени се уште поголеми инвестиции, уште поголема поддршка за граѓаните, уште поголемо зголемување на минималната плата, на просечната плата и секако намалување на невработеноста, како дел од можностите кои што ги даде ЕУ.

„Прво економијата и поддршката на компаниите, инвестициите беа високо на агендата на Владата која јас ја предводев и на претходната Влада, природно доаѓа тоа бидејќи јас сум економист. Но уште поприродно доаѓа во време на криза кога мора да работите прво на спасување на ликвидноста на компаниите, второ спас на работните места и трето одржување на животниот стандард на граѓаните со оглед на тоа дека секој е погоден од кризата и компаниите и граѓаните и оние што се најзасегнати а тоа се ранливите категории на граѓани. И затоа во изминатите 7 години ние генерално имавме многу силен акцент ставено на економијата." – истакна Ковачевски.

Во наредниот 4 годишен период со новата програма на СДСМ планирани се 180 милиони евра директна финансиска поддршка на домашните компании за инвестиции во производство, 3,5 милијарди евра капитални инвестиции, особено во инфраструктурни проекти, од кои 2,7 ќе бидат само во патна инфраструктура а тоа значи вработување за македонската економија, зголемување на бројот на вработеност, а со тоа и раст на платите и раст на пензиите.

Со 100 милиони евра Владата предводена од СДСМ поддржа 919 компании, за разлика од пред 2017 година, кога имаше нула поддршка за домашните компании. Во последниот деветти пакет антикризни мерки, во вредност 662 милиони евра, 492 милиони евра се предвидоа за поддршка на приватниот сектор, преку мерки за одржување на ликвидноста на компаниите, конкурентноста, поддршка за инвестиции во обновливи извори, зачувување на работните места, поволни заеми за мали и средни претпријатија во износ од вкупно 2,6 милијарди евра преку антикризни мерки се вратија назад кај граѓаните и стопанството.

Ковачевски потенцираше дека секоја стратешка одука има стратешка цел, а тоа е развој на економијата, развој на приватниот сектор, нови вработувања и подобро платени работни места. Овие цели се исполнуваат со продолжување по европскиот пат и со обезбедување на европската иднина за граѓаните и државата.

Целта која ја застапува СДСМ и Коалицијата значи интеграција и европска иднина.

"Се друго се сценарија кои немаат економска логика, зад кои не стои никаква ниту политичка ниту економска калкулација и коишто ќе значат само враќање во некои неизвесни времиња. СДСМ нуди извесност, нуди надеж и напорна работа за да може да го оствари она што го заслужува Македонија, како земја која културолошки, економски и по секој друг основ и припаѓа на Европската Унија", рече Ковачевски, се наведува во партиското соопштение.

Папата им ги изми и им ги бакна нозете на 12 затворенички во Рим (ВИДЕО)

Папата Франциск им ги изми и бакна нозете на 12 затворенички во римски затвор, во симболичен обред на понизност и служба на Велики четврток.

Аргентинецот попладнево го посети женскиот затвор Ребибија, кој се наоѓа во североисточниот дел на италијанската престолнина.

Седејќи во инвалидска количка, 87-годишниот папа им ги изми нозете на сите 12 затворенички, од кои некои беа во солзи, пред да ги избрише со крпа и да ги бакне.

Светиот Отец се чинеше дека е во добра форма, иако во последните денови во медиумите се шпекулираше за неговата здравствена состојба поради честите инфекции кои во неколку наврати го спречуваа да ги заврши своите говори.

„Сите ние доживуваме мали и големи неуспеси“, рече Франциск во импровизирана проповед за време на миса одржана во срцето на затворот каде што се притворени 370 жени.

Неколку минути претходно Франциск се насмевна и се ракува со затвореничките. Во христијанската традиција, Велики четврток го означува денот кога Исус им ги измил нозете на апостолите за време на Тајната вечера.

Од неговото именување во 2013 година, Франциск е чест гостин на затворите или прифатните центри за бегалци, каде што им ги миел нозете на поранешните мафијаши, болни или маргинализирани луѓе.

Се очекува тој да ги води станиците на Крстот во Колосеумот во петок навечер.

притисни ентер