Наука

RoboMac е движење кое ги обединува енергија, знаењето и динамиката

На Факултетот за електротехника и информациски технологии при Универзитетот „Св. Кирил и Методиј“ – Скопје, денес, беа отворени 14-то издание на RoboMac и 6-тото издание на RoboMac Junior.

За професор д-р Владимир Атанасовски, декан на Факултетот за електротехника и информациски технологии, овој настан ја обликува иднината. Затоа што „RoboMac не е само натпревар. Тој е движење. Движење кое ја обединува енергијата на младите, знаењето на академијата и динамиката на индустријата. Движење кое создава нова генерација инженери – луѓе кои не чекаат иднината да се случи, туку активно ја креираат“.

Атанасовски потенцира дека живееме во време на длабоки технолошки трансформации – вештачката интелигенција, роботиката и автономните системи веќе не се концепти на иднината, туку реалност што ја редефинира економијата и општеството.

„Во таков свет, најголемата вредност не е само знаењето – туку способноста да се создава, да се адаптира и да се води. Токму затоа RoboMac има посебно значење. Овде не се натпреварувате само кој ќе изгради подобар робот или алгоритам. Овде учите како да размислувате, како да соработувате, како да решавате сложени проблеми – вештини што ќе ве дефинираат како лидери во иднината. Не плашете се да мислите големо. Не плашете се да грешите. И никогаш не престанувајте да создавате. Затоа што иднината нема да ја создадат оние што следат – туку оние што се осмелуваат да водат“, порача деканот Атанасовски на студентите – учесници на RoboMac.

За проф. д-р Биљана Ангелова, ректор на Универзитетот „Св. Кирил и Методиј“ – Скопје, овој настан претставува збир на талентирани умови и е „доказ за зголемената важност на роботиката и вештачката интелигенција во нашето општество. Светот претрпува брза технолошка трансформација. Автоматизацијата и интелигентните системи суштински ги менуваат индустриите, од производство и здравствена заштита до транспорт и комуникација. Додека гледаме кон иднината, јасно е дека роботиката и вештачката интелигенција ќе играат сè поважна улога во обликување на нашите животи“.

Таа вели дека со поддршка на настани како RoboMac, Универзитетот инвестира во општествената иднина. „Ги зајакнуваме младите умови да станат архитекти на новото технолошко и просперитетно општество. Знаењето и искуството стекнато овде ќе ги поттикне да се справат со предизвиците и можностите што претстојат“, заврши Ангелова.

Професор д-р Гога Цветковски, претседател на македонската секција на IEEE потсети на почетоците на овој натпревар. „Благодарение на ентузијазмот и посветеноста на македонските членови на ИЕЕЕ пред 16-тина години беа реализирани почетоците на овој натпревар кој низ годините прерасна во бренд препознатлив во земјата и пошироко. Настан чиј што почеток секоја година се очекува со нетрпение. Како што ИЕЕЕ ги следи и унапредува технологиите, така и РобоМак од издание во издание се развива и унапредува. Доказ за тоа се разните категории во кои секоја година се натпреваруваат учесниците на РобоМак и РобоМак јуниор кои постојано се унапредуваат и надоградуваат со нова опрема и нови предизвици“.

Лука Стефановски, претседател на студентскиот огранок на македонската секција на IEEE, свечено го отвори четиринаесеттото издание на RoboMac со порака да победат најхрабрите идеи! „Кога некој од страна ќе слушне за RoboMac, веројатно размислува само на жици, сензори, мотори и линии код. Но, ние знаеме дека тоа е само површината. Она што навистина се случува на овој настан е нешто многу посуштинско – овде, апстрактните идеи од учебниците добиваат физичка форма и теоријата од скриптите се судира со реалниот свет“, рече Стефановски.

Според него, додека светот дебатира дали вештачката интелигенција ќе нè замени, „ние знаеме една работа: ниту еден алгоритам не може да ја замени креативноста, оригиналноста и тврдоглавоста на еден инженер! Роботите се само алатки, а вие сте тие што им давате живот – или барем ги убедувате да не се забијат во првиот ѕид на кој ќе наидат “. Стефановски ги повика студентите да почнат да ја кодираат иднината уште денес.

Учесниците на RoboMac ќе се натпреваруваат во следниве катерогии: Trig, Track, Trace, AI Football, Robotic Arm Challenge, The VoiceBot Challenge, Self Racing Cars и SumoBot. Исто така, учесниците на RoboMac Junior 2026, ќе се натпреваруваат во RoboMac Junior –автономна мобилна роботика и RoboMac Junior – паметна електроника за автономни возила. Финалниот натпревар во сите категории ќе се одржи на 25.4.2026 (сабота), од 18:30 часот.

Организатори на настанот се македонската секција на ИЕЕЕ (IEEE – The Institute for Еlectrical and Еlectronics Еnginеers), преку нејзиниот студентски огранок при УКИМ и Факултетот за електротехника и информациски технологии, а е во коорганизација со Факултетското студентско собрание – ФЕИТ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 11 лица загинаа, а 6 се повредени во голем шумски пожар во Шпанија

Најмалку 11 лица загинаа, а шест се повредени во голем шумски пожар во местото Лос Гаљардос, во шпанската покраина Алмерија.

Дел од жртвите биле пронајдени во возила зафатени од пламените јазици, додека околу 1.000 жители биле евакуирани поради опасноста од ширење на огнот. Пожарот избувнал за време на силен топлотен бран што ја зафати јужна Европа, со температури кои достигнуваат околу 40 степени целзиусови.

Spain wildfire death toll rises to 12....A wildfire that ripped through a hamlet in southern Spain killed 12 people, authorities said on July 10, as a heatwave stifled swathes of the country. Some of the dead in Bedar in Almeria province were found in vehicles, the regional… pic.twitter.com/Q3oe7DMwMD
— PRATEEK BAJPAI (@prateekbajpai07) July 10, 2026

Во гаснењето се вклучени околу 150 пожарникари, како и шпанската воена единица за итни интервенции, додека властите сè уште ја истражуваат причината за пожарот. Шпанија ова лето се соочува со зголемен ризик од шумски пожари поради екстремните горештини. Според научниците, климатските промени придонесуваат за почести и поинтензивни топлотни бранови и пожари, а Европа останува континентот што се затоплува најбрзо во светот.

Тагови: Шпанија

Македонија

ВМРО-ДПМНЕ: Едноцифрените рејтинзи и стравот од изборен дебакл, се причина за блокирањето на Изборниот законик од СДС, Левица и ДУИ

Лошите едноцифрени рејтинзи на ниво на статистичка грешка на СДС, Левица и ДУИ е причина што го опструираат и го блокираат новиот Изборен законик.

Ваквиот нивен однос нема друго оправдување, затоа што консензусот помеѓу политичките партии за носењето на овој закон со месеци се градеше во работната група.

Изборниот законик е дел од Реформската агенда и наместо да седнат на маса со сите политички чинители и да се постигне договор за негово носење во македонското Собрание, СДС, ДУИ и Левица избраа да блокираат и како раштиман оркестар да создадат какофонија во јавноста.

Откако во Левица увидоа дека рејтингот им се намалува и не им оди како што посакуваат, со непотпишувањето на договорот за носењето на ИЗ, се обидуваат пред своето членство да се покажат како тврдокорни кои не прават компромис.

СДС како добар препишувач, откако видоа дека Левица го блокира законот, смислија начин како да го блокираат ИЗ со поднесување на 10 илјади амандмани, со изговор дека гласањето на дијаспората по електронски пат бил недемократски и неевропски чин.

И ДУИ, да не останат покуси, се приклучува на блокирање на овој реформски закон, со свој изговор и барање сите одлуки кои се носат во ДИК да бидат носени со консензус, наместо досегашниот мнозински модел.

Тоа што е заедничко за овие партии е тоа што сите се исплашени, а до некаде и убедени, дека на следните избори им следи дебакл и убедлив длабок пораз и сегашните нивни постапки, не се ништо друго, освен создавање алиби за изборниот дебакл.

Друго заедничко за истите овие партии е што и едните и други прстот го вперуваат во ВМРО-ДПМНЕ, како партијата да им е крива за тоа што граѓаните не гледаат опција во нив и не ги поддржуваат нивните политики.

ВМРО-ДПМНЕ, повторно јасно и гласно кажува, неформалните опозициски коалициски партии нека седнат заедно и нека се договорат, тоа што тие ќе предложат, тоа ќе прифати, само начинот на остварување на правото на глас на дијаспората, да се олесни.

А, опозицијата, со ваквото однесување, докажува дека за нив важен е само партискиот интерес, не и иселениците и враќањето на македонските граѓани во сопствената татковина.

ВМРО-ДПМНЕ

Тагови: ВМРО-ДПМНЕ

Свет

САД и Иран повторно разменија напади по што се намали бројот на бродови што патуваат низ Ормутскиот теснец

САД и Иран повторно разменија напади по што се случи „драматичен“ пад на бројот на бродови што патуваат низ Ормутскиот теснец.

Сад велат дека погодиле 90 воени цели, некои во близина на протокот. Иран вели дека 14 лица се убиени во последните два дена. Државните ирански медиуми, исто така, објавија дека биле погодени цели во близина на нуклеарната централа Бушер, повикувајќи се на заменик-гувернерот на покраината. САД не коментираа за последните напади. Иран соопшти дека како одговор ги таргетирал американските објекти во Кувајт, Бахреин и Катар. Синоќа Техеран започна со повеќе напади врз локации во Кувајт, Јордан и Ирак, објавија државните медиуми.

Нападите се случија откако Иран го погреба својот убиен врховен лидер Ајатолахот Али Хамнеи во светилиште во Машхад, со што заврши една недела погребни поворки и собири. Нападите врз катарските и саудиските бродови претходно оваа недела го нарушија примирјето, а американскиот претседател Доналд Трамп прогласи дека примирјето е „завршено“

Тагови: Иран САД