Робињо му се налути на Нејмар- го натепал син му - Канал 5

Робињо му се налути на Нејмар- го натепал син му

Тензиите растат во бразилскиот гигант Сантос по физичката пресметка меѓу Нејмар и младиот Робињо Џуниор што се случи за време на тренингот во недела.

Робињо му се налути на Нејмар- го натепал син му

Претставниците на 18-годишниот напаѓач сега бараат јавно извинување од легендата на клубот и се закануваат дека дополнително ќе ја ескалираат ситуацијата, што создава проблеми за клубот пред важните натпревари, пишува Goal.com.

Сè започна на тренинг

Инцидентот се случи за време на тренингот на играчите кои не играа во саботното реми во лигата (1:1) против Палмеирас. Нејмар наводно реагирал бурно откако 18-годишен соиграч го дриблал и го сопнал во напад на фрустрација. Избувнала жестока расправија, а другите соиграчи морале да интервенираат за да ја смират ситуацијата. Целиот случај кулминирал со испраќање официјално известување до раководството на клубот од страна на претставникот на Робињо Џуниор.

Приватното извинување не е доволно

Иако Нејмар приватно го контактирал младиот соиграч и неговата мајка за да се извини, од таборот на Робињо Џуниор велат дека тоа не е доволно. ESPN Brasil наведува дека инсистираат на официјално јавно извинување и бараат клубот да даде јасна и формална изјава за инцидентот. Раководството на Сантос наводно било изненадено од таквото барање, особено затоа што двајцата играчи имале очигледно пријателски разговор на тренингот во понеделник наутро.

Правни последици и раскинување на договорот

Официјалниот извештај предизвика шпекулации за иднината на Робињо Џуниор во клубот. Извори од ESPN сугерираат дека потегот би можел да биде обид за раскинување на договорот преку правни канали, иако неговите претставници жестоко го негираат ова. Како друга можност, се споменува позајмица со цел да му се дадат повеќе можности на младиот напаѓач да игра. Нејмар, од друга страна, нема намера јавно да го коментира случајот и покрај притисокот што доаѓа од спротивниот табор.

Тимот се соочува со клучен тест

Сантос сега мора брзо да се сврти кон спортските обврски, бидејќи овој вторник ќе се соочи со Депортиво Реколета во натпреварувањето CONMEBOL Судамерикана. Пред тренерот Куко е тешката задача да ја зачува хармонијата во соблекувалната среде медиумска бучава и потенцијални внатрешни поделби. Со оглед на зафатениот распоред, кој вклучува и натпревари против Ред Бул Брагантино и Коритиба, клубот ќе мора итно да ја реши ситуацијата за да не им оди сезоната во погрешна насока.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Пукање на Кони Ајленд,осум ранети, едно лице во критична состојба

Осум лица се ранети во пукање на Кони Ајленд во Бруклин, а едно од нив е во критична состојба, соопшти денеска полицијата.

Пукање на Кони Ајленд,осум ранети, едно лице во критична состојба

Пукањето се случи синоќа околу 22:30 часот, објави ABC7NY. По пристигнувањето на местото на настанот, полициските службеници пронашле пет лица со прострелни рани, кои потоа биле пренесени во локалните болници.

Според полицијата, се очекува четворицата повредени да закрепнат.

Досега не се извршени апсења, а истрагата за околностите на пукањето е во тек.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Конески: Студентите од август активно се вклучуваат во работата на општините, се прави се за младите да останат во Македонија

Владата предводена од ВМРО-ДПМНЕ го става младиот човек во центарот на своите политики и создава услови младите да ја гледаат својата иднина дома, во своите општини.

Конески: Студентите од август активно се вклучуваат во работата на општините, се прави се за младите да останат во Македонија

Наш приоритет е развојот на локалната самоуправа. Силни општини значат подобри услуги, побрз развој и повеќе можности за секој граѓанин затоа што локалниот развој не може да биде успешен без вклучување на младите, нивното знаење, идеи и енергија.

Токму затоа Министерството за локална самоуправа и Агенцијата за иновации, научно-технолошки развој и претприемништво -ИНОВА воспоставуваат стратешка соработка која ќе донесе нов пристап во развојот на општините преку активното учество на младите.

Ова партнерство ќе овозможи јакнење на капацитетите на општините, поголемо вклучување на младите во локалните процеси и примената на современите решенија кои ќе придонесат за поквалитетни услуги за граѓаните.

Програмата „Месеци на практикантство“, ќе се реализира во текот на август и септември во соработка со државните универзитети. Преку оваа програма, студентите ќе добијат можност своето академско знаење да го применат во пракса, работејќи директно во општините.

Агенцијата ќе го координира вклучувањето на студентите, додека Министерството за локална самоуправа, преку Ресурсниот центар за поддршка на општините и воспоставениот меморандум за соработка со државните универзитети, ќе ја организира и координира практична работа согласно реалните потреби на општинските администрации.

Ова не е само можност за стекнување работно искуство. Ова е можност младите директно да учествуваат во подобрувањето на функционирањето на општините. Нивните идеи, современи знаења и нови пристапи ќе помогнат во унапредување на административните процеси и услугите кои секојдневно ги користат граѓаните.

Наместо проекти кои остануваат само на хартија, локалните предизвици ќе бидат основа за конкретни повици, а ИНОВА преку своите грант-програми ќе обезбедува финансиска поддршка за стартап компаниите, иновативни бизниси и претприемачите кои ќе понудат практични и применливи решенија.

Сите програми, јавни повици и можности што ги нуди државата ќе бидат многу подостапни за граѓаните, за младите, за претприемачите и компаниите во сите региони, а не само во главниот град во земјата.

Со ова се создава врска меѓу локалната самоуправа, академската заедница, иновативниот сектор и приватниот бизнис.

Почитувани,

Ова е разликата помеѓу политиката што останува само на ветувања и политиката што носи резултати. Владата предводена од ВМРО-ДПМНЕ покажува дека младите се вистински партнери во градењето на иднината на Македонија.

Продолжуваме со политики кои ќе ги поврзуваат институциите, ќе ги отвораат можностите за младите и ќе создаваат модерни, развиени и функционални општини. Нашиот пристап е конкретна работа, реални проекти и видливи резултати за секој граѓанин.

Тодор Конески, претседател на УМС на ВМРО-ДПМНЕ

YouTube video

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Костадинова: Центарци не смеат да бидат банкомат на Герасимовски и СДС

Продолжува легализираниот рекет на Центарци, спроведуван од Герасимовски и СДС.

Костадинова: Центарци не смеат да бидат банкомат на Герасимовски и СДС

Некомпетентните општински советници, избрани лично од Зоран Заев, цел месец бегаат од дебата и ја одложуваат иницијативата на ВМРО-ДПМНЕ и коалцијата за враќање на старите цени за паркинг маркици, за жителите на Општина Центар.

Герасимовски и СДС, очигледно се решени да удрат по џебот на центарци, само за да ги трошат нивните пари на тендери за фирми блиски до Венко Филипче.

Целта е јасна, Герасимовски очигледно сака да му се раздолжи на Филпче за партиските унапредувања и позиции, а притоа да ја вовлече Општина Центар во заедничка пропаст, заедно со нив.

Во меѓувреме, новите поскапувања на паркингот за жителите на Центар остануваат непроменети. Правилникот на ПОЦ кој вели дека, веќе не е важно колку автомобили поседува една личност, туку колку автомобили се регистрирани на иста адреса, е во полн ефект.

А центарци полека но сигурно, стануваме туѓинци во своите маала, за да не можеме да паркираме пред сопствените домови.

Почитувани,

СДС и Герасимовски мора да одговорат, зошто ја блокираат иницијативата на ВМРО-ДПМНЕ и коалцијата за подостапен паркинг на жителите на Општина Центар?

Герасимовски да каже, дали тој лично ќе оди од куќа до куќа, за да решава, за чие возило паркингот ќе е бесплатен, а кој ќе мора да остане без автомобил, поради изнудата која ја спроведува?!

Ги повикуваме советниците на Зоран Заев и Венко Филипче, веднаш да ја стават на дневен ред иницијативата за промени во ценовникот на ПОЦ, бидејќи центарци не смеаат да плаќаат фиктивни ќирии за тротоарот и сокаците пред сопствените домови.

Ви благодарам.

Катерина Костадинова, советник во Општина Центар од редовите на ВМРО-ДПМНЕ и коалицијата

YouTube video

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер