Други спортови

Роберто Димитриевски прв на трката „23 Октомври“ на 5 км, Дарио Ивановски победник на 10 км

Велешкиот атлетичар Роберто Димитриевски член на АК „Велес“ е прв на атлетската трка „23 Октомври“ на 5 километри, а Дарио Ивановски од АК „Скопски маратон“ е прв на 10 километри.

Во женска конкуренција на 5 километри победи Гордана Илиевска, а на 10 километри Фросина Михајловска.

Трката се одржа по 9. пат по повод „23 Октомври“ - Ден на Македонската револуционерна борба. Учесниците трчаа на релација Парк Шума Гази Баба, пред црквата „Сретение Господово“ во населбата Железара каде што беше стартот и целта, а се трчаше по шума во природа и нерамен терен.

Втор на 5 километри беше Петре Завировски, а трет Бобан Попоски, кај жените на 5 километри втора е Ива Цекова, а трета Тања Вукобрат.

На трката на 10 километри мажи втор е Жан Тосев, а трет Атанас Анчевски. На 10 километри жени втора е Теа Божиновска, а трета Марија Пеликон.

Роберто Димитриевски за МИА изјави дека е пресреќен за победата и златниот пехар, , а уште повеќе што ја освојува на големиот македонска празник.

-Победата ја посветувам на сите наши дедовци и прадедоци Македонци кои се бореле и гинеле во македонската национална борба за да ја извојуваат нашата денешна слобода. Ние денешните потомци Македонци, денеска на овој празник им се поклонуваме на нивната жртва за Македонија. Нека им е вечна слава и благодарност. Победата на оваа трка „23 Октомври“ ја посветувам и на мојот дедо Диме Гајдов исто така спортист, фудбалер голман на ФК „Борец“ во Велес, кој е роден токму на денешен ден 23 октомври, истакна Димитриевски.

Веднаш по победата попладнево продолжи со напорните тренинзи на патеката во Градскиот парк во Велес, а каде се подготвува за Атлетската трка во Кичево на 27 октомври, а потоа и за Белградската трка на 24 ноември и други трки кои се на календарот на трки до крајот на оваа година.

Трката ја организира Атлетскиот Клуб „23 Октомври“ од Скопје со подршка на Општина „Гази Баба“ Атлетската Федерација на Македонија и Агенцијата за млади и спорт.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Армиски хеликоптер се вклучи во гаснењето на пожарот кај Грачани

Според податоците на IQAir, во Скопје денеска индексот на квалитетот на воздухот е околу 69, што значи умерено загадување, при што главен загадувач се ситните PM2.5 честички.

Армиски и полициски хеликоптери, како и „ер тракторите“ на Дирекцијата за заштита и спасување, од утрово даваат воздушна поддршка на скопските пожарникари и на огнените тимови со „пинцгауери“ на ДЗС, кои заедно дејствуваат врз големиот пожар кај село Грачани, кој се уште е активен и од македонска и од косовска страна и во последнотo деноноќие го загади воздухот во Скопје.

Според податоците на IQAir, во Скопје денеска индексот на квалитетот на воздухот е околу 69, што значи умерено загадување, при што главен загадувач се ситните PM2.5 честички. На чадот и мирисот се жалат и дел од граѓаните.

Директорот на Центарот за управување со кризи, Стојанче Ангелов им изрази благодарност од пилотите кои учествуваат во гаснењето на пожарот и откри дека на Китка биле подметнати два пожара – во Студеничани и Зелениково. Иако скопските пожарникари брзо ги локализирале, тој предупредува дека ваквите случаи ги распрскуваат силите и го отежнуваат концентрирањето на екипите кон големиот пожар.

Од вкупно 31 пожар што избувнале, Ангелов вели дека посериозен е пожарот на територијата на Струга којшто граничи со општина Дебар.На овој пожар работат струшките пожарникари.

Останува апелот за внимателност, но и прашањето колку долго ќе траат последиците од чадот и загадувањето доколку пожарите не бидат ставени под контрола.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Седум починати од западнонилска треска - осум недели молк за водата во Гостивар, одговорни нема

Осум недели поминаа од труењето со водата во Гостивар, каде 5.000 граѓани завршија во болница и сè уште нема одговори, нема извештај за видата и нема кој е одговорен.

Во околу 50 населени места низ државата беа регистрирани проблеми со безбедноста на водата. Проблеми имаше и со четири реки и локални извори од кои граѓаните користат вода.

Одговори нема, одговорност нема.

Трагедијата со западно нилска треска продолжува да отвора сериозни прашања за институционални пропусти.

Уште еден човечки живот е загубен, судум лица се починати досега.

Власта задоцни со реакција, задоцни со прскање против комарци, задоцни со преземање мерки. Одговорни нема.

За секој скандал – молк. За секое прашање – криење. За одговорност – никој надлежен.

Мицкоски и неговите функционери должат одговори, а институциите должат постапување.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски за критиките на опозицијата за јавниот долг: СДСМ покажа непознавање за економијата, освен арамилук друго не им е во политичката матрица

Христијан Мицкоски, претседател на Владата, денеска, одговарајќи на новинарско прашање дека има многу дилеми во јавноста за јавниот долг, односно што сè стои во структурата на јавниот долг, изјави:

„Ја слушав онаа прес-конференција којашто ја имаа пратеници од СДСМ во рамките на Македонското Собрание, каде што имаше две тези коишто сами по себе се небулозни и на отворена сцена покажуваат непознавање. Но, во ред, јас ги разбирам, сепак тоа не е фабрика за јужно овошје или компанија за јужно овошје, па да тргуваат со стабри вакцини или, пак, да горат модуларни болници — тука се експерти. Но, кога станува збор за економијата, освен арамилук и лоповлук, друго не им е во нивната политичка матрица. Но, каква е вистината и каква е реалноста? Првата теза беше зошто не биле запишани оние заеми коишто Државното јавно претпријатие за државни патишта ги зема, затоа што тие не влегуваат во јавниот долг — и тоа треба да го знаат, затоа што има Закон за јавен долг и тие заеми се рамковни, односно во зависност од тоа како се напредува на терен и како се завршуваат активностите, така се испорачуваат фактури, така се повлекуваат заеми и така се плаќаат. И втората теза — зошто онаа одлука на Владата од 31 август за задолжување на меѓународниот пазар не била предвидена во ребалансот на Буџетот, затоа што таа е да се издаде еврообврзница во следната година за да можеме да ги вратиме нивните долгови, коишто го крадеа народот и ги празнеа буквално институциите и министерствата. За да можеме да ја вратиме обврзницата којашто тие ја земаа во корона-кризата, за да можат да горат модуларни болници, за да можат да набавуваат стабри вакцини, а притоа граѓаните да бидат на дното според превенцијата, а на врвот по бројот на жртви за време на корона-кризата.

Ете, таа опозиција денеска ја имаме во Македонија. Значи, бандитска опозиција којашто продолжува да биде континуитет на бандитска власт во периодот кога СДСМ и ДУИ беа Влада во Македонија.“

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.