Свет

Роберт Ф. Кенеди Помладиот на сослушување во Сенатот на САД поради неговите политики за вакцинација

Американскиот министер за здравство Роберт Ф. Кенеди Помладиот беше остро испрашуван во Сенатот за неговото управување со здравствените агенции, особено во врска со политиките за вакцинација и промените во работата на институциите.

Во тричасовното сослушување, демократите го обвинија Кенеди дека лаже и дека го ограничува пристапот на Американците до вакцини, а истовремено и неколку републикански сенатори изразија загриженост.

Сослушувањето дојде една недела откако Кенеди ја разреши директорката на Центарот за контрола и превенција на болести (ЦДЦ), Сузан Монарез, по судир околу политиките за вакцинација.

Од преземањето на функцијата во февруари, Кенеди направи серија промени што ги вознемирија здравствените експерти. Во јуни тој ги разреши сите членови на независниот совет за вакцини, кој дава препораки за имунизација. Новите членови, назначени од Кенеди, вклучуваат и познати критичари на вакцините, што предизвика сериозна загриженост кај стручната јавност.

Во текст објавенвчера во „Волстрит џурнал“, Монарез изјави дека била отпуштена затоа што одбила да одобри препораки на новиот совет за вакцини.

На сослушувањето, сенаторот демократ Рон Вајден го праша Кенеди за оваа изјава. Кенеди го негираше тврдењето, објаснувајќи дека побарал Монарез да поднесе оставка откако ја прашал дали е „доверлива личност“, на што таа одговорила со „не“.

Републиканскиот сенатор Бил Касиди го праша Кенеди за поништувањето на договори за вакцини против Ковид-19 во вредност од 500 милиони долари, нагласувајќи дека пациенти со рак на тој начин остануваат без заштита од потенцијално смртоносни инфекции. – Би рекол дека на луѓето им ускратуваме вакцини, изјави Касиди, кој е лекар и имаше клучна улога во потврдувањето на Кенеди во администрацијата на Трамп.

Републиканскиот сенатор Џон Барасо, исто така лекар, изрази загриженост дека вакцините против други болести, како морбили и хепатит Б, би можеле да бидат доведени во прашање под водството на Кенеди, што би можело да го поништи напредокот во јавното здравство постигнат со децении.

– Длабоко сум загрижен. Ако сакаме повторно да ја направиме Америка здрава, не смееме да дозволиме поткопување на јавното здравство, рече Барасо.

Републиканскиот сенатор Том Тилис ја доведе во прашање искреноста на претходните ветувања на Кенеди дека ќе ги зајакне научниците и остро ги критикуваше неговите ставови за развојот на вакцината против ковид-19, како и отпуштањето на Монарез.

Тој ја опиша како „експерт за јавно здравје со беспрекорни научни квалификации, долгогодишен поддржувач на вредностите на движењето „Да ја направиме Америка повторно здрава“, грижлива и сочувствителна, како и брилијантен научник во областа на микробиологијата“.

Сенаторот додаде дека е зачудувачки што Монарез била отпуштена само четири недели по назначувањето.

Тагови: вакцинација Роберт Ф. Кенеди Помладиот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Објавена е листа на 10-те најдобри европски дестинации за есен

Европа нуди долга и разновидна есен, со пејзажи кои се движат од планински долини и шуми до лозја, од кои сите добиваат препознатливи сезонски бои.

Европа може да биде навистина убава за време на есента, па затоа е објавена листа од десет европски дестинации во кои навистина може да се ужива по летото.

10 европски дестинации за посета за време на есента:

1. Езерото Блед, Словенија

2. Баварските Алпи, Германија

3. Езерскиот округ, Англија

4. Трансилванија, Романија

5. Пертшир, Шкотска

6. Доломити, Италија

7. Долина на Лоара, Франција

8. Лапонија, Финска

9. Долина Дуро, Португалија

10. Национален парк Плитвички Езера, Хрватска

Извор: Индекс.хр

Тагови: Европа есен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Брод нападнат во близина на оманскиот брег, морнар исчезнат

Индија соопшти дека 13 членови на екипажот се спасени, додека едно лице сè уште се води како исчезнато по нападот врз брод во близина на оманскиот брег во Ормузскиот теснец.

Осудувајќи го нападот врз трговскиот брод МТ Ел Гаја, индиското министерство за надворешни работи соопшти дека 14 индиски членови на екипажот биле на бродот во времето на нападот, а еден сè уште се води како исчезнат.

„Нашата амбасада во Оман внимателно ја следи ситуацијата и проактивно се координира со оманските власти во тековната операција за пребарување и спасување. Им благодариме на оманските власти за нивната поддршка во спасувањето на нашите државјани“, соопшти министерството.

Повикувајќи на „итна деескалација и дијалог и дипломатија за да се донесе мир во регионот“, Њу Делхи рече дека „таргетирањето на трговските бродови, морнарите, цивилите и цивилната инфраструктура во регионот е неприфатливо“.

Ситуацијата во теснецот не се смирува

„Исто така, повикуваме на итно враќање на слободната и безбедна пловидба и протокот на трговија преку меѓународните водни патишта во регионот“, соопшти министерството.

Британскиот орган за поморски трговски операции (UKMTO) соопшти рано во неделата дека брод што минувал низ Ормускиот теснец бил погоден од неидентификувана муниција.

Во соопштението објавено на интернет се вели дека нема достапни информации за состојбата на екипажот, обемот на штетата или потенцијалното влијание на бродот врз околната средина.

Поморскиот орган соопшти дека е во тек истрага и им советува на бродовите да продолжат да пловат со претпазливост и да пријавуваат каква било сомнителна активност.

Сообраќајот низ критичниот Ормуски теснец останува далеку под нивоата забележани пред почетокот на војната меѓу САД и Иран во февруари оваа година, поради тековните безбедносни ризици и нападите врз трговски бродови што минуваат низ регионалните води.

Извор: Индекс.хр

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДИК: Поднесени шест кандидатски листи за градоначалник на општина Брвеница

Ноќеска на полноќ заврши рокот за поднесување кандидатски листи за предвремените избори за градоначалник на општина Брвеница, соопшти Државната изборна комисија.

Според ДИК, поднесени се вкупно шест кандидатски листи, од кои четири од коалиции и две од групи избирачи.

-За предвремените избори за градоначалник на општина Брвеница, поднесени се вкупно 6 листи на кандидати, од кои четири листи се поднесени од коалиција а две листи од група избирачи

Тагови: ДИК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.