Благодарност за досегашната континуирана поддршка од нашиот стратешки партнер Соединетите Американски Држави за развој на нашата земја особено за развој на одбранбените капацитети, изразил министерот Мисајловски на денешната средба со амбасадорката на САД, Анџела Агелер, новото одбранбено аташе полковник Даниел Сквајерс и потполковник Шон Руфоло, шефот на Канцеларијата за одбранбена соработка, која се одржала во Министерството за одбрана.

-Заедно со нашиот стратешки партнер ја зацврстуваме националната, регионалната безбедност и колективната одбрана во Алијансата. Мирен и стабилен регион е од особена важност за прогрес на сите земји од Западен Балкан, а македонската Армија како докажан сојузник ќе продолжи активно да придонесува во операциите за поддршка на мирот, потенцирал министерот Мисајловски.

Тој посочил дека САД во изминатите 30 години активно придонесуваат за стабилен регион, а благодарение на програмите за обука, тренинг и стручно усовршување, како и поддршката за модернизација и опремување на Армијата, денес припадниците на Армијата даваат значаен придонес во рамки на командните структури на Алијансата и во мировните мисии предводени од НАТО, ЕУ и ООН.

Како што се наведува во соопштението од Министерството за одбрана, од двете страни било искажано уверување дека одличната одбранбена соработка помеѓу двете земји ќе продолжи со засилен интензитет.

На состанокот, меѓу другото, се разговарало и за актуелната безбедносна состојба во регионот и на Европскиот континент во насока на зачувување на безбедноста, стабилноста и мирот на граѓаните, како и за претстојниот Самит на НАТО кој ќе се одржи наредниот месец во Вашингтон.

Министерот за внатрешни работи Панче Тошковски коj присуствува на министерската конференција во рамки на „Салзбуршкиот форум“ во Австрија, денеска на маргините на конференцијата остварил средба со Оливер Ониди, заменик генералниот директор на Генералниот директорат за миграција и внатрешни работи при Европската комисија.

Министерот Тошковски, како што соопшти МВР, на средбата истакнал дека нашата цел како држава е членство во ЕУ преку исполнување на сите критериуми и целосно владеење на правото.

Во честитката, министерот Муцунски нагласи дека лидерството на идниот Генерален секретар ќе биде особено значајно, во контекст на безбедносните предизвици со кои се соочуваме. Воедно, изрази подготвеност за соработка во насока на зајакнување на НАТО Алијансата.