РКЕ ги намали надоместоците за дистрибуција, пренос и за операторот на пазарот на струја - Канал 5

Македонија

РКЕ ги намали надоместоците за дистрибуција, пренос и за операторот на пазарот на струја

Од 1 јануари следната година се намалуваат мрежните трошоци во сметките за струја – согласно одлуката на Регулаторната комисија за енергетика цената за пренос на електрична енергија се намалува за 2,67%, цената на операторот за 3,4% .

РКЕ ги намали надоместоците за дистрибуција, пренос и за операторот на пазарот на струја

Од 1 јануари следната година се намалуваат мрежните трошоци во сметките за струја – согласно одлуката на Регулаторната комисија за енергетика цената за пренос на електрична енергија се намалува за 2,67%, цената на операторот за 3,4% и цената за дистрибуција за 3,64%.

Првиот регулатор Марко Бислимовски вели овие одлуки обезбедуваат компаниите да си ги покријат своите трошоци, да ги реализираат одобрените инвестиции и да ги покријат трошоците за набавка на загуби на струја во соодветната мрежа...

Но сепак, ова е само една од ставките кои влегуваат во крајната цена, какви сметки ќе ја плаќаат граѓаните следната година ќе се знае откако ЕВН Хоме ќе ја направи финалната пресметка, која Бислимовски очекува да биде доставена до нив идната недела...

„Тоа што влијаеме ние на крајната цена е 37 % некаде тоа влијание наше е околу 1 % помеѓу 1 и 1,2 % .... Сега не би сакале да шпекулираме што ќе ни достави ЕВН Хоме бидејќи има фактори на кој што ние не ги знаеме цените особено во делот на повластените производители.....“ - Марко Бислимовски – Претседател на РКЕ.

Во однос на дневната евтина тарифа на струја Регулаторна ги завршила анализите кои се правеа подолг временски период, но засега не се планирани промени во тој дел, таа си останува од 13 до 15 часот, бидејќи доколку се зголеми периодот во текот на денот, ќе треба да се намали во вечерните часови, кога цените се далеку повисоки...

„Доколку се воведува евтина тарифа во текот на денот, кога се и најниски цените на пазарот, да може да се воведе, но исто така по 22 часот имаме екстремно високи цени. Така да ако нешто се воведе во текот на денот тогаш евтината тарифа не би започнувала од 22 часот туку од 00часот, а станува збор за навики кај домаќинствата...“ - Марко Бислимовски – Претседател на РКЕ.

Инаку минатата недела на тендерот на универзалниот снабдувач ЕВН Хоме, за следната 2026 година имаше само една понуда и тоа од АД ЕСМ – кои понудија за речиси 5% или 3 евра повисока купопродажна цена на струјата, која ќе изнесува 65 евра за мегават час.....

YouTube video

Тагови: РКЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЗНАМ: Македонија спроведува реформи и испорачува резултати, но заштитата на националното достоинство е нашата црвена линија

Посетата на Претседателот на Европскиот совет, Антонио Кошта, претставува значајна потврда дека Република Македонија успешно ја спроведува реформската агенда и испорачува конкретни резултати во процесот на европска интеграција.

ЗНАМ: Македонија спроведува реформи и испорачува резултати, но заштитата на националното достоинство е нашата црвена линија

Движењето ЗНАМ за Наша Македонија ја поздравува пораката што произлегува од оваа посета, дека реформите се препознаени, а напредокот на државата е видлив и признаен од европските институции.

Тоа е потврда дека Македонија чекори во вистинска насока и дека вложените напори даваат резултати.

Денес Македонија е препознаена како една од најуспешните земји во регионот во спроведувањето на реформските процеси. Особено значајно е што токму ресорите предводени од кадри на ЗНАМ се меѓу клучните носители на реформскиот напредок, институционалната модернизација и ефикасното спроведување на владините политики.

Министерството за правда и Министерството за јавна администрација, предводени од министри на ЗНАМ, покажаа дека реформите не се само декларативна заложба, туку конкретна акција што носи мерливи резултати.

Со професионален пристап, одговорност и јасна визија, тие успеаја да реализираат политики кои ја зајакнуваат правната држава, ја модернизираат администрацијата и ги доближуваат институциите до европските стандарди.

Овие резултати денес се препознаени и од нашите европски партнери, што претставува дополнителен поттик за уште посилно темпо на реформи и развој.

Но едновремено, како што реформите и резултатите не смеат да бидат доведени во прашање, така не смеат да бидат доведени во прашање ниту македонското достоинство, идентитет и националните интереси.

Токму затоа заштитата на националното достоинство останува нашата црвена линија.

Остануваме доследни на ставот дека европската интеграција мора да биде процес заснован на вредности, критериуми и заслуги, а не процес на постојани билатерални условувања.

Македонија припаѓа во Европската Унија поради својата европска определба, својата култура, историја и вредности, но пред се заради реформите што ги спроведува и резултатите што ги постигнува.

Движењето ЗНАМ цврсто стои на позицијата дека членството во Европската Унија мора да биде резултат на исполнети критериуми и успешни реформи, а не на нови политички барања кои ги надминуваат европските принципи и стандарди.

Нашата поддршка за европската иднина на Македонија е недвосмислена, но исто така недвосмислена е и нашата определба дека нема да прифатиме политика на уцени, диктати и бесконечно поместување на целта.

Македонија останува посветена на европскиот пат, со крената глава и со самодоверба. Ќе продолжиме да спроведуваме реформи, да испорачуваме резултати и да ја градиме европската иднина на државата, но едновремено ќе останеме цврсти во одбраната на националното достоинство, кое за нас претставува непремостлива црвена линија.

Движењето ЗНАМ за Наша Македонија ќе продолжи да биде двигател на реформите, чувар на националните интереси и силен глас за европска Македонија која напредува врз основа на сопствените успеси, а не под товарот на нови условувања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Видео: Гори амбасадата на Пакистан во Белград

Последниот кат од зградата е зафатен, пожарникарите се на пат!

Видео: Гори амбасадата на Пакистан во Белград

Пожар избувнал во зградата на амбасадата на Пакистан во Белград, дознава српски Курир.

Како што може да се види од видеа објавени на социјалните мрежи, густ црн чад го покрил просторот.

Во моментов нема официјални информации дали има повредени лица во инцидентот, ниту за евентуална материјална штета.

Тагови: Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Мицотакис во Софија на средба со Радев

Грчкиот премиер Кирјакос Мицотакис е во официјална посета на Софија.

Мицотакис во Софија на средба со Радев

Билатералните односи, како и теми од заемен интерес и од европската агенда, се очекува да бидат во фокусот на разговорите на Радев и Мицотакис во Софија, според официјалното соопштение од бугарската влада.

Посетата на Мицотакис на Софија е на покана на Радев, планирана е тет-а-тет средба на двајцата премиери, а потоа и состанок на делегациите на двете земји.

Како што информираа од кабинетот на грчкиот премиер, Мицотакис по средбата и заедничката прес-конференција, од Софија ќе замине за Тиват каде што ќе присуствува на вечера организирана од претседателот на Црна Гора Јаков Милатовиќ за лидерите од ЕУ и земјите од Западен Балкан по повод националниот празник на земјата, а во пресрет на самитот ЕУ-Западен Балкан што ќе се одржи утре.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер