Шоу биз

Рита Ора конечно потврди: Мажена сум, не сум веќе на пазарот

Пејачката Рита Ора (32) конечно потврди дека се омажила за режисерот Таика Ваитити, 15 години постар од неа, опишувајќи ја венчавката како „совршен“ и „посебен ден“.

Ора го потврди за Heart Radio Breakfast она за што долго се шпекулираше додека го промовираше нејзиниот најнов сингл You Only Love Me, кратко откако позираше топлес за да го прослави објавувањето на песната.

"Да, се омажив. Официјално сум надвор од пазарот, луѓе. Решив да го задржам приватно и повеќе за себе, но со мојот нов спот го прикажувам она што можеше да биде", изјави Рита.

"Кога се појавија гласини за тоа дали се омажив, сакав да импровизирам и да си поиграм малку со сите тие натписи. Сакав да организирам свадба која, како, не одеше според планот. Се разбира, тоа не е така во реалноста“, додаде таа.

"Мојата вистинска венчавка беше совршена. Точно беше како што сакав. Беше убава и совршена. Убаво е да чуваш некои работи за себе. Жал ми е што не е толку интересно. Еден ден ќе направам голема забава." изјави пејачката која се уште не одлучила дали ќе го земе презимето на нејзиниот славен сопруг.

„Дефинитивно размислував да го земам неговото презиме, но многу се трудев за ова име Ора. Не знам... Навистина сè уште не сум одлучила“, рече таа.

Патем, парот ги поттикна гласините за свадба во август откако Таика Ваитити објави на социјалните мрежи. Режисерот од Нов Зеланд објави фотографија на која се гледа неговиот венчален прстен на левата рака.

Рита Ора и Таики Вејтити се заедно речиси две години, а претходно со години беа пријатели. Пејачката со косовско потекло претходно излегуваше со познати личности како Бруно Марс, АСАП Роки и Ендрју Гарфилд, додека режисерот со маорско-еврејско потекло беше во брак со продуцентката Челзи Винстанли од 2011 до 2018 година. Со неа тој има две ќерки, Матева Киритапа и Те Некоикаха.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Момчето со повреден врат се транспортира од Кушадаси, во владиниот авион и медицински тим од ТОАРИЛУЦ

Со итен медицински транспорт, од Турција денеска во земјава се префрла младото момче кое се здобило со тешки повреди на вратните пршлени по пад од тобоган во Кушадаси.

Транспортот го организира министерството за здравство со владиниот авион, со придружба од специјален тим од клиниката за трауматологија. Последните информации ги има Мирјана Мирчевска Јовановиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влен прашува до каде е обвинението за Груби, ДУИ реагира за политички притисок врз обвинителството

Влен бара од обвинителството јавно да каже зошто сè уште нема обвинение во случајот ‘Лотарија’, па Артан Груби наскоро ќе биде пуштен од домашен притвор.

-Дали Артан Груби ја отворил устата, пропеал и токму затоа целиот случај се развлекува?“, прашуваат од Влен нарекувајќи го поранешниот висок функционер „црната кутија на ДУИ“ зашто поседува информации за начинот на кој во минатото се носеле одлуки и се склучувале зделки во партијата.

Од ДУИ возвратија дека токму ваквото јавно прозивање на обвинителството претставува политички притисок врз правосудните институции.

Според опозициската партија, обвинителите и судовите треба да одлучуваат исклучиво врз основа на законите и доказите, а не според барањата на политичките партии.

Тагови: Груби

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се додека не се зголемат откупните цени не се откажуваме: Земјоделците го блокираа центарот на Струмица

Земјоделците од струмичкиот регион и денеска со трактори и земјоделска механизација го блокираа центарот на Струмица и повторно ги испорачаа барањата за повисоки откупни цени на капијата, наменета за конзервно преработувачките капацитети.

Земјоделците трет ден протестираа и организираат блокади, бидејќи велат дека е несфатливо лани пиперките да се откупувале за 35 и 40 денари а годинава за 25 денари.

За проблемот вчера средба имале и со министерот за земјоделство Борче Серафимовски, кој, како што кажаа изразил подготвеност да излезе во пресрет на барањата на земјоделците но ќе мора да седне на маса и со преставници на конзервно преработувачктие капацитети.

Земјоделците очекуваат конкретни резултати од средбата до втроник, во спротивно се закануваат со уште помасовни протести и блокади.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.