Автомобилизам

Римац Невера Р постави 24 светски рекорди, станува најбрзиот електричен автомобил досега

Римац Невера Р ја презеде круната како нов крал на перформансите, соборувајќи 24 светски рекорди во една сесија.

Продолжувајќи го успехот на оригиналната Невера, која ги освои насловните страници во 2023 година со 23 рекорди, Невера Р сега оди уште побрзо и подалеку.

Тестирана на патеката за тестирање автомобили Папенбург во Германија и верифицирана од Девесофт, Невера Р достигна 400 км/ч и повторно целосно застана за само 25,79 секунди, надминувајќи го времето на претходната Невера за над 4 секунди.

Инженерите на Римац му дадоа на Невера Р голема надградба. Тој има нов аеродинамичен пакет со фиксирано задно крило и поголем дифузер што зголемува даунфорс за 15 проценти и ја подобрува ефикасноста за 10 проценти. Новите гуми „мишелин кап“ 2 нудат подобро прилепување и управување, додека рекалибрираниот “торк веркторинг“ систем вади 2107 коњски сили на автомобилот преку четири електрични мотори, прилагодувајќи ја моќноста на секое тркало 100 пати во секунда.

„Кога првпат ја претставивме Невера, речиси изгледаше како да е достигнат врвот на перформансите на хиперавтомобилите. Во една генерација, создадовме скок во перформансите што претходно ќе траеше со децении. Но сега, преку неуморни иновации, Невера Р оди уште побрзо, а сепак задржува голем дел од удобноста и практичноста што ја прават Невера вистински, употреблив автомобил за секојдневна употреба. Соборувањето рекорди е во нашата ДНК и нема да застанеме тука“, рече Мате Римац, основач и претседател на Римак груп, извршен директор на Бугати Римак и Римак технологи.

Ограничен на само 40 автомобили и со цена од 2,3 милиони евра, Невера Р сега е најрекордниот електричен хиперавтомобил некогаш изграден.

Еве ги 24-те рекорди што ги држи Невера Р сега:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Во Тетово се уапсени 12 бугарски државјани

Полициската станица Тетово соопштува дека вчера (24.06.2026) во 15:15 часот во зграда во изградба на улицата „Тодор Циповски Мерџан“ во Тетово, полициски службеници од Полициската станица Тетово лишиле од слобода 12 државјани на Република Бугарија.

Полициската станица Тетово соопштува дека вчера (24.06.2026) во 15:15 часот во зграда во изградба на улицата „Тодор Циповски Мерџан“ во Тетово, полициски службеници од Полициската станица Тетово лишиле од слобода 12 државјани на Република Бугарија на возраст меѓу 34 и 66 години, кои работеле во зградата.

„Кај лицата е утврдено нерегуларно и непријавено дејствување на ова подрачје“.

„Тие се приведени во Полициската станица Тетово за понатамошна постапка и против нив ќе бидат поднесени соодветни пријави согласно Законот за странци“, велат од Полициската станица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Возете внимателно, Safe City профункционира и во околината на Охрид

СВР Охрид ја известува јавноста, посебно возачите на моторни возила дека од денеска, современиот систем за сообраќаен надзор „Безбеден град“ (Safe City), кој, официјално стартуваше од 01.02.2026, постепено се воведува и на подрачјето на СВР Охрид.

Денеска, по извршеното финално тестирање, стручни екипи ги ставија во функција безбедносни камери на автопатската делница кај Ново село, општина Дебрца. Во наредниов период, се очекува проектот „Безбеден град“ да профункционира и на патниот потег помеѓу селата Горенци и Требеништа, на останатите пофрекфентни сообраќајници и на коридорите 8 и 10 на подрачјето на СВР Охрид. Уредите се поставени, тие си уште не вршат санкционирање, бидејќи се наоѓаат во фаза на завршна техничка проверка и тестирање. Системот „Безбеден град“, ќе овозможи засилена и постојана сообраќајна контрола, ќе придонесе за намалување на сообраќајните незгоди, ќе врши детекција на прекршоци во сообраќајот, ќе значи зголемување на сообраќајната дисциплина и значително повисок степен на безбедноста во сообраќајот.

Апелираме, возачите да ги почитуваат сообраќајните правила и прописи а посебно да внимаваат на дозволената брзина на движење која, на оваа автопатска делница изнесува 100 километри на час.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Малата Ана се избори со најтешката болест- победничкото ѕвонче повторно заѕвони (ВИДЕО)

Нова радосна вест од Универзитетската клиника за детски болести.

Победничкото ѕвонче повторно силно заѕвони — за Ана, нашата мала хероина, која храбро ја помина и ја освои една од најтешките битки.

Секое ѕвонење е победа на детската храброст, на семејната љубов и на посветеноста на здравствените работници.

На Ана ѝ посакуваме многу здравје, среќа, насмевки и безгрижно детство.

Браво, Ана! Твојата победа денес е радост за сите нас, објавија на ФБ од Министерството за здравство.

.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.