Ријана е најмладата милијардерка, а еве како го стекнала огромното богатство! - Канал 5

Шоу биз

Ријана е најмладата милијардерка, а еве како го стекнала огромното богатство!

Светски познатата пејачка Ријана, која има само 34 години, според податоците на Форбс е најмладата милијардерка во светот, нејзиното богатство кое се проценува на 1,4 милијарди долари го стекнала исклучиво со сопствена работа.

Ријана е најмладата милијардерка, а еве како го стекнала огромното богатство!

Ријана почна да ја гради својата бизнис империја во музички води. По бројните хитови како „Umbrella“, „Disturbia“ и „Rude Boy“, заради кои се најде на врвот Билбордовата листа и освои дури 9 Греми награди, проработи нејзиниот претприемачки инстинкт. Парите заработени од музиката ги вложи во својата козметичка линија „Фенти и Фенти Бјути“ и стана извршен директор и косопственик на компанијата, заедно со конгломератот за луксузни производи LVMH. Тоа ѝ донесе огромен профит.

Таа креираше над 50 нијанси од различни козметички препарати со широк спектар, за сите типови на кожа. Експертите истакнуваат дека направила револуција во козметичката индустрија, а жените ширум светот брзаа да ги купат нејзините производи. Брендот на Ријана вклучува бројни производи за шминкање, од кармини до пудри за истакнување на женската убавина.

Ријана има 30% удел во нејзината линија на долна облека наречена „Savage X Fenty“, од која заработила 550 милиони долари само во 2020 година. Според економистите, оваа нејзина компанија вреди 3 милијарди долари.

Покрај тоа, Ријана стои и зад брендот „Fenty skin“ кој го лансираше пред 2 години и кој е одвоен од нејзините претходни козметички линии. Овој пат таа се фокусираше на производи за чистење и нега на лицето како што се тонери, креми за сончање, серуми за подмладување и друго.

Со матичната корпорација „LVMH“, таа ја лансираше модната линија Fenty во 2019 година, но ја затвори по само 2 години, бидејќи не беше задоволна од резултатите. Очигледно, пејачката од Барбадос има истанчено сетило за бизнис, таа знае кога и каде да вложи пари, но знае и кога да се повлече од одреден бизнис ако истиот не носи пари.

Извор; srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда,  Џенифер Лопез во исхраната и рутината за вежбање за да изгледа  вака супер на 57 години.

Фото: Џеј Ло во тесно трико ги истакна облините

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“. 

Видео-фото: Најпознатата плус сајз манекенка гордно го покажа телото: Вака изгледа мојот живот

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

Еврото падна на најниско ниво во однос на доларот во последните 17 месец

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер