Ријана денеска го слави својот 35-ти роденден - Канал 5

Шоу биз

Ријана денеска го слави својот 35-ти роденден

Таа неодамна доби насловна страна за нејзиниот настап на Суперболот во 2023 година, каде што сподели со остатокот од светот дека е повторно бремена.

Ријана денеска го слави својот 35-ти роденден

Повеќекратната добитничка на Греми и модна икона, Ријана денеска го слави својот 35-ти роденден. Пејачката неодамна доби насловна страна за нејзиниот настап на Супербоулот во 2023 година, каде што сподели со остатокот од светот дека е повторно бремена.

Само неколку дена по настапот и веста за бременоста кои предизвикаа крах на социјалните мрежи, Ријана и нејзиниот партнер АСАП Роки се појавија на насловната страница на Вог со синот чие име се уште се чува во тајност. Пејачката за прв пат проговори за мајчинството во интервју за Вог, опишувајќи го како „се на светот“, бидејќи „не се ни сеќава каков бил нејзиниот живот пред да го роди синот во мај 2022 година“.

Од слатка, преку „лоша“ девојка, до безгрижна мајка – Ријана за неколку години од нејзината кариера стана најпопуларна пејачка на денешницата, а во 2022 година се најде на врвот на листата на Форбс на најбогати како најмлада американска милијардерка.

Нејзиното богатство се проценува на 1,4 милијарди долари, а главни извори на приходи се заработката од музика и козметика. Ријана е косопственик на линијата на козметички производи„ Fenty Beauty“, од која доаѓа најголемиот дел од приходите на пејачката. Исто така, Форбс наведува дека Ријана има 30 отсто удел во брендот „Savage x Fenty“, што и носи и многу пари.

Покрај новата бременост, феноменалниот настап на Супербоулот и роденденот, пејачката има уште причини за славење. Имено, Ријана оваа година за прв пат беше номинирана за Оскар и за најдобра авторска песна „Lift me up“ во филмот „Black Panther: Wakanda Forever“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во сообраќајка во Скопје во Радишани загина возач на мотоцикл

Во сообраќајна несреќа на улица Радишанска загина возач на мотоцикл.

Во сообраќајка во Скопје во Радишани загина возач на мотоцикл

-Денеска (07.08.2026) во 12:12 часот во СВР Скопје е пријавено дека на ул. „Радишанска“ во Скопје се случила сообраќајна несреќа помеѓу патничко возило „алфа ромео“ со италијански регистарски ознаки, управувано од С.Б. (46) и мотоцикл без регистарски ознаки, управуван од Н.М. (19) од скопско, при што возачот на мотоциклот починал на местото на настанот. Во тек е увид, информираат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: 40.000 навивачи на Трабзонспор го пречекаа Салах

40.000 навивачи го пречекаа Салах во неговиот нов клуб .

Видео: 40.000 навивачи на Трабзонспор го пречекаа Салах

Египетскиот фудбалер Мохамед Салах (34) официјално е претставен како нов играч на турскиот клуб Трабзонспор.

Досегашниот член на Ливерпул, беше пречекан на стадионот „Папара Парк“ од повеќе од 40.000 навивачи , кои му приредија спектакуларен пречек.

Салах потпиша двегодишен договор со турскиот клуб, кој му гарантира плата од 17 милиони евра по сезона. Покрај фиксната плата, договорот вклучува и бонуси врз основа на учинокот, како и 20 проценти од приходите од продажбата на клупски производи со неговото име.

Салах излезе на теренот носејќи бордо-син дрес со бројот 10. Тој ја поздрави публиката, која возврати со гласно навивање. На екраните низ стадионот беа прикажани пораки за добредојде на турски и на англиски јазик.

Египетскиот напаѓач им се обрати на присутните, истакнувајќи дека му се приклучил на клубот со цел да освојува трофеи. Неговото доаѓање се смета за еден од најзначајните трансфери во историјата на турската Суперлига и ги нагласува високите амбиции на Трабзонспор да се натпреварува во самиот врв на турскиот фудбал.

За Трабзонспор Трабзонспор се смета за четвртиот најголем турски клуб, покрај истанбулските гиганти Фенербахче, Галатасарај и Бешикташ.

YouTube video

Тагови: Мохамед Салах

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЛДП: Потпишувањето на договорите за третата фаза од железничкиот Коридор 8 е важен чекор во поврзувањето со Европа

Либерално-демократската партија (ЛДП) го поздравува потпишувањето на договорите со Европската Унија, Европската инвестициска банка и Европската банка за обнова и развој за финансирање на третата фаза од железничкиот Коридор 8.

ЛДП: Потпишувањето на договорите за третата фаза од железничкиот Коридор 8 е важен чекор во поврзувањето со Европа

Ова е важен чекор за подобра регионална поврзаност, економски развој и поблиска интеграција на Македонија во европската транспортна мрежа.

Истовремено, потсетуваме дека државата веќе изгуби околу 60 милиони евра европски грант за овој проект поради неисполнување на роковите и слабата реализација на проектот. Таквите пропусти не смеат никогаш повеќе да се повторат.

ЛДП со години укажува дека инфраструктурните проекти што ја поврзуваат Македонија со Европа се национален интерес кој треба да има поддршка без разлика која политичка гарнитура е на власт

Затоа, за ЛДП ваквите проекти не смеат да бидат предмет на дневнополитички пресметки.

Очекуваме по потпишувањето на договорите да следува навремена, ефикасна и транспарентна реализација на проектот, затоа што на Македонија ѝ се потребни резултати, а не само свечени потпишувања.

ЛДП ќе продолжи да поддржува секој проект што ја доближува Македонија до Европската Унија, ја подобрува регионалната поврзаност и создава услови за економски развој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер