Ријалити ѕвезди го тужат Лос Анџелес поради штетата предизвикана од пожарите (ВИДЕО)

Ријалити ѕвездите Спенсер Прат и Хајди Монтаг го тужеа градот Лос Анџелес за штетата предизвикана од пожарите, пишува People.

Тие ја поднеле тужбата заедно со 20 други тужители, а заедно ги обвинуваат Лос Анџелес и градското водоводно претпријатие за проблеми со водоснабдувањето за време на гаснењето на пожарот. Во тужбата се наведува дека пожарот бил „неизбежна последица“ на тоа како градот постапувал со водата.

„Системот пропадна и тој неуспех беше значаен фактор за тужителите да ги претрпат штетите наведени во оваа тужба“, се наведува во документите. Гувернерот на Калифорнија Гевин Њусом побара независна истрага за водоводниот систем на градот поради проблемите.

@spencerpratt

RIP my grandfathers coin collection sorry dad

♬ I'll Do It - Heidi Montag

Се споменува акумулацијата Санта Инез, која инаку ја снабдува областа Пацифик Палисадес. Наводно, акумулацијата чекала поправка од февруари минатата година, поради што хидрантите во областа биле поврзани со три резервоари за вода. Секој од нив содржел речиси четири милиони литри вода, а се тврди дека сите биле испразнети за само 12 часа.

„Неприфатливо е овој резервоар да е празен речиси една година поради мали поправки. Искрено верувам дека тоа е нешто што можеше да се избегне“, рече Гус Корона, вработен во здружението на електричари, уште во јануари.

@spencerpratt

Nightmare came true

♬ original sound - Spencer Pratt

Да потсетиме, Спенсер и Хајди се меѓу познатите личности чии куќи изгореа во пожарите. По пожарот, Спенсер почна да биде поактивен на TikTok и неговата популарност почна да расте. Во едно од неговите први видеа, кое стана вирално, тој ги замоли следбениците да му помогнат нему и на Хајди да постигнат договор со Хулу за производство на шоуто.

Прат се посвети на објавување содржини за да заработи пари. Сепак, тој претходно изјави дека неговиот приход од илјада прегледи е 10 центи. „Заработив околу 4.000 долари (околу 3.800 евра) за една недела на TikTok, но на TikTok Live, каде што луѓето можат директно да ме гледаат, мислам дека заработив можеби 20.000 долари (околу 19.400 евра). Значи, тоа е феноменално и го менува животот“. , истакна тој за Variety.

Руте: САД се трајно посветени кон силен НАТО

Трошоците за одбрана веќе растат, порача Руте. 

Новиот американски секретар за одбрана Пит Хегсет на денешното заседание на Северноатлантскиот совет пренесе јасна порака за трајната посветеност на САД кон силен НАТО и за јасните очекувања на Америка сите сојузници да го преземат својот фер дел од товарот, изјави генералниот секретар на Алијансата, Марк Руте.

- Сите сојузници и Украина се обединети во нивната желба за мир во Украина. Сите се согласуваме дека треба да ја доведеме Украина во најдобра можна позиција за преговори. И ни треба одржлив и траен мир, а не Минск Три. Не можеме да дозволиме претседателот (на Русија, Владимир) Путин да победи, порача Руте на прес-конференцијата по завршувањето на средбата на министрите за одбрана на земјите членки на НАТО.

Руте информира дека на средбата, на која учествуваше и министерот за одбрана Владо Мисајловски, биле одобрени плановите предложени од врховниот командант на сојузничките сили во Европа, генерал Кристофер Каволи за зајакнување на одвраќање и одбраната на НАТО, со цел, како што рече, „да можеме да ги заштитиме нашите една милијарда луѓе“.

- За да се осигураме дека сме целосно подготвени да ги реализираме овие планови и во иднина, ни требаат повеќе воени капацитети, а за тоа ни треба значително поголеми одвојувања за одбраната. Нема време за губење. Од тоа зависат нашата континуирана слобода и просперитет.

Трошоците за одбрана веќе растат, порача Руте.

Тој потсети дека земјите членки на НАТО и Канада од 2014 година значително ги зголемија своите издвојувања за одбрана, а само лани во одбранбените потреби инвестирале 485 милијарди американски долари, што за 20 отсто повеќе во споредба со 2023 година.

- Но, треба да направиме повеќе, многу повеќе. И ние треба да го направиме тоа побрзо. Од нашите денешни дискусии е јасно дека сојузниците ја препознаваат потребата да инвестираат многу повеќе. Неколкумина на денешната средба најавија значителни зголемувања на трошоците. И очекувам многу министри да се вратат дома од денешниот состанок со уште поголемо чувство за итност, потенцира Руте.

Тој нагласи дека министрите разговарале и за потребата од зголемување на одбранбеното производството, паралелно со зголемувањето на трошоците за одбрана.

- Нашата индустрија мора да биде способна да го произведе она што дополнителните пари ни дозволуваат да го набавиме. Веќе видовме значително зголемување на одбранбеното производство ширум Алијансата во последниве години. Ние произведуваме повеќе и побрзо од кога било во последните децении. Но, можеме и мораме да направиме повеќе, додаде генералниот секретар на НАТО.

Според Руте, за да се обезбеди кредибилитетот на напорите на НАТО за одвраќање и одбрана во следните години, земјите членки треба да се префрлат на размислување како во за време на војна, на тоа треба да се прилагоди и индустријата.

- Индустријата презеде чекори за подобрување на производствените капацитети, но таа може подобро. Сигналите за (зголемената) побарувачка се јасни и тие ќе продолжат да растат. Денеска договоривме ажуриран Акциски план за обнова на силна одбранбена индустрија од двете страни на Атлантикот, информира Руте, додавајќи дека силната одбранбена индустрија ќе ја направи Алијансата посилна и ќе создаде повеќе работни места во Европа и Северна Америка.

Руте соопшти дека на денешното заседание на Советот НАТО-Украина, што се одржа во рамки на министерската средба, украинскиот министер за одбрана Рустем Умеров ги информирал своите колеги за најновите случувања на теренот, а американски секретар Хегсет, пак, ги запознал со иницијативата на претседателот на САД, Доналд Трамп за мировни преговори за ставање крај на конфликтот во Украина.

- Разговаравме за важноста на нашата континуирана поддршка за Украина, што е клучно за да може оваа брутална војна на агресија да дојде до праведен и траен крај, рече Руте.

Тој посочи дека се разговаравме и за потребата европските сојузници и Канада да вложат повеќе напори во обезбедувањето безбедносна помош за Украина.

- Сојузниците вчера и денеска најавија нови пакети воена поддршка. Ова ќе и помогне на Украина во нејзината сегашна борба и да ги изгради своите вооружените сили на долг рок. Сето ова испраќа јасен сигнал дека Европа и Канада преземаат поголем дел од трансатлантското споделување на товарот, додаде Руте.

На почетокот на прес-конференцијата Руте се осврна и на денешниот инцидент во Минхен во кој се повредни најмалку 28 лица, од кои неколкумина потешко, кога автомобил влета во група луѓе, нагласувајќи дека е изразува шок и тага од овој, како што рече, по се изгледа намерен напад.

- Изразуваме солидарност со нашата сојузничка Германија и нашите мисли се со жртвите и нивните најблиски, истакна Руте./МИА

Хаверц надвор од терените до крајот на сезоната

Арсенал излезе со соопштение по повредата на напаѓачот Каи Хаверц. „Топчиите“ потврдија дека германскиот напаѓач ќе го пропушти остатокот од сезоната 2024/25.

Играчот наскоро ќе биде опериран поради повреда на тетивата здобиена на тренинг.

- Набргу по неговата операција, Каи ќе започне со програма за опоравување и рехабилитација, која се очекува да продолжи во претсезонските подготовки за следната сезона, се вели во соопштението на клубот.

Повредата на Хаверц го остава тимот без централни напаѓачи.

Хаверц оваа сезона одигра 34 натпревари за лондончани во сите натпреварувања, постигнувајќи 15 голови и пет асистенции. /МИА

Зеленски: Нема да прифатиме договори меѓу САД и Русија без учество на Украина

Украинскиот претседател Володимир Зеленски изјави денеска дека Киев нема да прифати никакви договори за иднината на Украина што би биле постигнати меѓу Москва и Вашингтон без присуство на украински претставници.

„Важно е да не се дозволи сценариото на (рускиот претседател Владимир) Путин, според кое тој ќе се обиде да постигне двострани преговори со САД, без Украина на масата за преговори“, изјави Зеленски на прес-конференција.

Тој истакна дека Украина ќе инсистира не само на свое активно учество во сите мировни процеси, туку и на ангажманот на европските партнери.

„Европа мора да биде вклучена во овие разговори, бидејќи безбедноста на нашиот континент не е прашање што може да се решава само меѓу Вашингтон и Москва“, додаде Зеленски.

- Како независна држава, едноставно нема да можеме да прифатиме никакви договори без нас, им рече Зеленски на новинарите за време на неговата посета на украинската нуклеарна централа на патот кон Минхенската безбедносна конференција денеска.

Телефонскиот разговор на американскиот претседател Доналд Трамп со Путин и забелешките на американскиот секретар за одбрана Пит Хегсет, кој рече дека Украина не може да се приклучи на НАТО и дека е нереално да се врати на границите пред 2014 година, предизвикаа загриженост во европските земји дека Белата куќа може да се обиде да склучи договор со Русија без нив.

- Сега е важно сè да не оди според планот на Путин, според кој тој сака да стори сé што е можно за да ги претвори преговорите во билатерални (со САД ), рече Зеленски.

Според украинскиот претседател, важно е САД и Украина да подготват план за ставање крај на војната пред да разговараат со Русија.

Зеленски инсистира на средба со Трамп пред американскиот претседател да се сретне со Путин. Ова доаѓа и покрај тоа што Трамп вчера изјави дека очекува да се сретне со рускиот лидер во иднина, можеби во Саудиска Арабија.

Украина најави дека работи на организирање средба меѓу Зеленски и Трамп, но засега ништо конкретно не може да се соопшти.

Зеленски додаде дека во телефонскиот разговор со Трамп не разговарал за прашањето за членство во НАТО, иако рекол дека знае дека САД се против оваа идеја.

Украинскиот претседател, исто така, се обиде да го минимизира значењето на повикот на Трамп до Путин вчера пред средбата со него, велејќи дека се чини дека тоа не е знак за вистинските приоритети на Вашингтон, но додаде дека сепак е „непријатен“./МИА

притисни ентер