Рибери демантира поврзаност со Епштајн, најави тужби - Канал 5

Фудбал

Рибери демантира поврзаност со Епштајн, најави тужби

Поранешниот француски фудбалер Франк Рибери (42) негира каква било поврзаност со осудениот сексуален предатор Џефри Епштајн, најавувајќи правна постапка поради „лажни тврдења“.

Рибери демантира поврзаност со Епштајн, најави тужби

Како што објавија бројни медиуми, поранешната француска фудбалска ѕвезда е именувана во документ од 2019 година пронајден меѓу досиејата за осудениот американски сексуален престапник објавени од Министерството за правда на САД.

Сепак, идентитетот на авторот, како и контекстот и автентичноста на наводните настани не се наведуваат. Ниту се спомнуваат можни врски со финансиерот педофил.

Во документ од 38 страници, претставен како писмо што жена од францускиот град Морле го испратила до американскиот правосуден систем и во кој се споменуваат многу имиња, се вели дека припадноста на Рибери „на светот на проституцијата повеќе не е сомнителна“, а жената исто така тврди дека Рибери се обидел да ја тепа во нејзината градина, па полицијата наводно интервенирала.

Во писмото не се објаснува зошто фудбалерот наводно се обидел да ја удри. Жената пишува дека и самата била жртва на сексуален престапник, поради што документот завршил во досиејата на Епштајн.

Адвокатот: Франк Рибери одлучи да покрене кривична постапка

„Соочен со сериозноста на обвинувањата и со цел да ги оствари своите права, Франк Рибери одлучи да поведе кривична постапка против лицето што го потпишало ова клеветно писмо, но и против оние кои продолжуваат да се потпираат на овие лажни информации содржани во клеветничкиот допис за да пишуваат објави на мрежите“, објави неговиот адвокат.

„Слободата на изразување не може да го оправда ширењето на лажни, клеветнички, навредливи или погрдни информации против поранешен професионален играч кој само сака да живее во мир и спокојство со своето семејство кое индиректно страда поради сериозноста на обвинувањата против него“, се додава.

Во текот на својата фудбалска кариера, Рибери играше за Баерн, Марсеј, Фиорентина, Галатасарај и голем број други клубови. Во дресот на баварскиот клуб освои 23 трофеи од кои девет титули во германскиот шампионат и Лигата на шампионите во 2013 година.

Тагови: Епштајн Рибери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Пожарот во Франција се приближува до Бордо- пожарникарите користат нова метода во гаснењето (ВИДЕО)

Илјадници луѓе беа евакуирани од периферијата на Бордо, бидејќи големите шумски пожари во југозападна Франција се приближуваа кон градот. 

Пожарот во Франција се приближува до Бордо- пожарникарите користат нова метода во гаснењето (ВИДЕО)

Француската војска, исто така, се приклучи во борбата против невидениот пожар, со воен транспортен авион Ербас А400М кој беше распореден за прв пат. Снимен е како испушта 20 тони хемиски ретардант за да го спречи ширењето на пожарот, објави Јутарњи.

Објавените снимки го покажуваат авионот како лета ниско над загрозената шумска област додека испушта црвена мешавина од ретардант за пожар, обидувајќи се да го пресече патот на пожарот што се заканува да се прошири во нови населби.

Црвениот ретардант - мешавина од вода, хемиски средства за ретардант за пламен и пигмент - не се користи за директно гаснење на пламенот, туку се прска врз вегетацијата пред фронтот на пожарот за да се намали запаливоста на растенијата и да се забави напредокот на пожарот. Пожарот моментално е на околу 30 километри од Бордо, познат центар за одгледување вино и клучен транспортен центар за туристи на атлантскиот брег.

Францускиот министер за внатрешни работи Лоран Нуњез изјави дека рекордни 98.000 хектари земја се изгорени во Франција досега оваа година во пожарите, предизвикани од интензивниот топлотен бран низ Европа.

„Очекуваме долга и тешка битка“, предупреди Нуњез, додека францускиот премиер Себастијан Лекорну рече дека пожарите достигнале невидени нивоа. Властите ги евакуираа жителите од општините Ле Агебланш, Ејсин и Мерињак, а вкупно 167.000 луѓе се евакуирани од поширокиот регион Жиронд досега.

На возачите и патниците на возот им е советувано да ја избегнуваат областа. Според климатскиот монитор на Ројтерс, просечната температура во поширокиот регион Аквитанија во јули била 32,2°C, 7,3°C над повеќегодишниот просек.

Тагови: пожар Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Карамбол во Германија: Кампер удри во колона возила на автопат - 34 повредени, меѓу кои и деца

Вкупно 34 лица, меѓу кои и неколку деца, се повредени во сообраќајна несреќа на повеќе возила на автопатот А9 во германската покраина Тирингија, откако кампер-комбе не застана во сообраќаен метеж, соопшти полицијата.

Карамбол во Германија: Кампер удри во колона возила на автопат - 34 повредени, меѓу кои и деца

Сите повредени имаат полесни до умерени повреди и ничиј живот не е во опасност, изјави портпаролот на полицијата.

Камперот се судри со неколку возила

Полицијата соопшти дека возачот на камперот, кој превезувал две деца, не го забележал запирањето на сообраќајот и се судрил со неколку возила. Девет возила беа оштетени, вклучувајќи два минибуса што превезуваа 11 деца со големи потреби за поддршка и осум старатели.

Автопатот беше затворен повеќе од пет часа

Автопатот кон Берлин беше затворен околу пет и пол часа додека службите за итни случаи пружија помош и ги отстранија возилата од местото на несреќата. Полицијата ја процени штетата на околу 350 илјади евра.

Сообраќајниот метеж беше предизвикан од претходна несреќа во која беше вклучена превртена приколка за коњи, соопшти полицијата. Автопатот беше затворен во двата правци по таа несреќа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Венс објави први семејни снимки по раѓањето на четвртото дете (ФОТО)

Потпретседателот на САД, Џ.Д. Венс, и неговата сопруга Уша, ги споделија првите фотографии од нивниот новороден син Алек и го претставија на јавноста. 

Венс објави први семејни снимки по раѓањето на четвртото дете (ФОТО)

Тие објавија серија семејни фотографии на социјалните мрежи пет дена по неговото раѓање.

Во заедничка објава на Инстаграм, тие им се заблагодарија на сите за нивните добри желби и го покажаа најмладиот член на семејството.

„Ви благодарам на сите за добрите желби додека се прилагодуваме на животот како семејство од шест члена. Запознајте го Алек - и уживајте во нашите обиди да направиме пристојна семејна фотографија со четири деца“, напишаа тие.

На фотографиите, семејството позира на каучот. Џ.Д. Венс го држи својот новороден син во раце, додека неговата сопруга Уша седи до него со нивните три постари деца - синовите Јуан и Вивек и ќерката Мирабел.

Реакции на следбениците

Објавата набрзо доби бројни честитки и позитивни коментари. Многумина истакнаа колку спонтани и природни изгледаат фотографиите.

„Уша изгледа неверојатно! Прекрасно семејство. Честитки!“, напиша еден следбеник.

Друг додаде: „Фотографирањето со четири деца никогаш не е полесно, но ова се најубавите фотографии бидејќи ја покажуваат личноста на секое дете. Благослови за вашето семејство.“

Трет коментираше: „Уша изгледа одлично. Дали навистина се породи? Честитки до вашето прекрасно семејство!“

Момчето е родено на 19 јули

Алек Нил Венс е роден во утринските часови на 19 јули. Потпретседателот Венс потоа објави дека мајката и детето се добро. „Возбудени сме што го објавуваме раѓањето на нашиот син, Алек Нил Венс, утрово. Уша и бебето се добро, а нашите деца се пресреќни што ќе го запознаат малото братче“, напиша тој.

Тој, исто така, им се заблагодари на медицинските тимови на Националниот воено-медицински центар „Волтер Рид“ и на медицинската единица на Белата куќа за грижата за неговата сопруга и син.

Двојката објави во јануари дека го очекуваат своето четврто дете. Потоа открија дека се раѓа момче и дека целото семејство со нетрпение го очекува неговото пристигнување на крајот на јули.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер