Здравје

Ревизијата на онкологија ќе покаже дали имало нерегуларности, велат здравствените власти

Додека болните од рак се уште се оставени без терапии, институциите ги чешлаат финансиските документации за тоа како се трошеле парите во изминатиот период, каде завршувал буџетот и зошто Онкологија е најголем должник помеѓу клиниките.

Здравствените власти тврдат дека на располагање ги имаат сите институции за да се утврди дали има вистина во сомнежите дека терапии се продавале на црно. Оттаму велат дека ревизија на работењето ќе прави новата директорка на Клиниката која за Канал 5 потврди дека нова набавка на терапии што недостигаат е започната и се очекува да стигне за две недели.

-Прво нешто што побаравме е Директорот да си даде отказ. Тоа беше поради, прогресивно зголемување на долгот на Клиниката за онкологија, ненавремено снабдување, според плановите и потребите, на третман на пациентите, како и тоа што Директорот не дал можно решение за овие проблеми. Ако не превземевме ништо, попрогресивно ќе растеше долгот. Ревидирањето ќе покаже како се работело, а ако има недоследности ќе биде вклучен и ФЗО, но и ДСЗИ. Кога ова ќе заврши, ако има нерегуларности ќе го информираме и ОЈО.- Министерство за здравство.

Увид за финансиите неделава прават и од Заводот на ревизија, потврдуваат оттаму, но нивниот редовен извештај за контрола која се прави првпат по околу 10 години ќе биде објавен за три месеци.

Иако сите клиники се даваат во долгови кој надминува 100 милиони евра, најголем е оној на Онкологија, поради наталожени неподмирени сметки кон добавувачи, а и кон ЕВН, а износот е 760 милиони денари или 12 милиони евра, велат за Канал 5 од Фондот за здравство.

Инаку, сомнеж дека претходно освен ненавремена набавка имало и злоупотреби на терапии, земање на мито и препишување на лекови на име на пациенти кои починале, помеѓу другото фрли кривичната пријава против вработен во аптеката на Онкологија за поткуп од 100 евра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Комунална хигиена спроведува активности за расчистување по вчерашното невреме

Во текот на вчерашната ноќ и утринава, ЈП Комунална хигиена-Скопје спроведува засилени активности за расчистување по обилните дождови што вчера го зафатија градот.

Во координација со Градот Скопје, екипите на Претпријатието реализираат активности за расчистување на јавните и на сообраќајните површини, со цел да се овозможи проодност на движењето на пешаците и безбедно одвивање на сообраќајот.

Се реализираат рачно и машинско метење и миење, а екипите на Претпријатието се ангажирани и за повторно поставување на садовите за одлагање на отпадот што беа изместени во текот на невремето.

Активностите ќе продолжат во текот на целиот ден, во насока на целосно санирање на последиците од невремето.

Тагови: ЈП Комунална хигиена

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Избран најлошиот тим на Светското првенство

Познатиот американски медиум ESPN објави листа на најголемите разочарувања од неодамна завршеното Светско првенство, на која се најдоа неколку звучни имиња.

Во тимот составен од 11-те играчи со најслаб учинок на турнирот влегуваат ѕвезди како Вирџил ван Дајк, Бруно Фернандеш, Флоријан Вирц, Нејмар и ветеранот меѓу стативите, Фернандо Муслера.

Уредничкиот тим на ESPN смета дека овие ѕвезди прикажаа игра далеку под очекувањата; нивните бледи настапи несомнено ги издвоија како главни разочарувања на турнирот.

На голот е 40-годишниот Фернандо Муслера, чии скапи грешки го чинеа Уругвај, додека одбраната ја предводи капитенот на Холандија, Вирџил ван Дајк, кој не успеа да ја зацврсти дефанзивната линија на својот тим.

Во одбранбената линија му се придружуваат Џошуа Кимих и англискиот тандем Марк Гехи и Нико О'Рајли; сите тие скапо платија за играњето на неприродни позиции и за тоа што потклекнаа под притисокот.

Средниот ред го сочинуваат играчи од кои се очекуваше да ги предводат своите репрезентации, но кои на крајот не успеаја да остварат никакво значајно влијание.

Бруно Фернандеш беше само бледа копија на играчот што го гледаме во клубот, Федерико Валверде не успеа да внесе никаква креативност во играта на Уругвај, додека Скот Мектомини одигра три крајно неубедливи натпревари.

Во нападот, најголеми разочарувања беа Нејмар – чиј настап на првенството се сведе на само 37 минути на теренот – Флоријан Вирц, кој само ги потврди критиките упатени кон него, и Кристијан Пулишиќ, кој по почетниот блесок, целосно исчезна во моментите кога се решаваа натпреварите.

Според ESPN, ова е најслабиот тим на Светското првенство: Голман: Муслера Одбрана: Кимих, Ван Дајк, Гехи, Нико О'Рајли Среден ред: Валверде, Мектомини, Б. Фернандеш Напад: Вирц, Пулишиќ, Нејмар.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД синоќа го нападнаа Иран 11 ноќ по ред ,Техеран ги предупреди да не ги таргетираат нуклеарните постројки

САД синоќа го нападнаа И 11 ноќ по ред ,Техеран ги предупреди да не ги таргетираат нуклеарните постројки.

Централната команда на САД соопшти дека бранот напади бил „дизајниран да продолжи да ја деградира способноста на Иран да го загрозува комерцијалниот бродски сообраќај“ во Ормутскиот теснец.

Иранските државни медиуми објавија дека во главниот град Техеран е активирана воздушна одбрана. Експлозии се пријавени и во Тебриз, Чабахар, Конарак и во Бушер, каде што се наоѓа единствената нуклеарна централа во Иран.

Иран, кој возврати на САД и нивните сојузници од Блискиот исток, предупреди на одмазда откако Трамп изјави дека САД наскоро ќе погодат подземна нуклеарна постројка во близина на Натанц.

Иран и САД се согласија за прекин на огнот во април, но непријателствата продолжија минатата недела, бидејќи двете земји се бореа за контрола на виталниот воден пат Ормутскиот теснец.

Американските сили ги таргетирале иранските воени оперативни центри, поморските капацитети, хангарите за авиони, складиштата за беспилотни летала и воената логистичка инфраструктура.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.