Сите се трудат, вложуваат, обновуваат, учат…се со цел, нивните земји да бидат што попривлечни за поситителите, но и уредна за локалните жители.

Огромни суми се вложуваат во главните градови. Тие се срцето на државата и лицето на нацијата.

Да ја видиме тажната и поразителна слика од главниот град на Македонија – Скопје. Репортажа и уреднички коментар на Александар Видиновски.

Што гледаат туристите кои сакат да се запознаат со нашиот главен град? Следиме една обична туристичка рута – од Транспортниот центар до центарот на Скопје. Што гледаат по пат и какви впечатоци ќе понесат? Каква перцепција имаат за нас по сето она што ќе го видат тула? Еве ја сликата…

Сите оние кои со преку главниот транспортен центар ќе стигнат до Скопје ќе ги дочека овој призор. Исушена трева, неуреден паркинг, ѓубре, дамки, миризби, срамен хаос. Ова е првиот простор надвор од Централниот транспортен.

Скопје има една од ретките железнички станици во Европа која практично е висечка, крената на огромна платформа. Архитектонски бисер на кој бевме горди. Сега изгледа вака. Сцените од внатрешноста се најблаго кажано бизарни. Се користи како јавен тоалет од бездомни и инвалидизирани лица, кој буквално молат за помош….

Состојбата е толку очајна и бедна, а надлежните незаинтересирани, што на граѓаните им останува само да се молат нешто да се промени…

Продолжуваме по екстремно валканиот простор под железничката станица. По патот кон Центар од десна страна се забележува главната Пошта во Скопје. Ова е знакот за поштата, а вака изгледа влезот. Низ прозорците не може да се погледне, будејќи се целосно покриени со измет. Никој не ги чисти со години. Ова е панорамата од другата страна. На улицата заштитните столпчиња – искршени.

Одиме понатаму. Ова е почетокот на единствено уредениот кеј – 13 Ноември во срцето на Скопје. Миризбата е неподнослива поради ѓубрето. Нереалното нешто уште скапува Вардар. Погледот надоле го пресретнува огромно количество смет.

Низ ГТЦ одиме кон најцентралниот скопски парк спроти Собранието. Ова не е уметничка инсталација во Жена парк. Ова е распан систем за наводнување. Огромни количини вода неконтролирано се испуштаат. Секако фонтаната на спомен плочата за бегалците од Егејска Македонија не работи и е сува, додека на 3 метри од таму има водоскок.

Во соседната фонтана – расположен човек го нашол решението до жештината. Странците со насмевки го фотографираат. Патеките во паркот изгледаат вака. Уништена е и урбаната опрема.

Во спротива е Собранието. По погледите и што снимаат странските туристи, се добива впечаток е дека не можат да се изначудат зошто е се уништено.

Столпчињата тука и не треба да ги коментираме. Навистина се ретко убави. Буквално ретко. Собранието се уште изгледа како да се наоѓа на бојно поле. Градската болница исто така. Фалат делови од фасадата. Некој решил дека треба да се демонтираат цели делови од истата за да се постават црева од клима уредите.

Продолжуваме кон централни пазар. Тој се наоѓа на точно 100 метри воздушна линија од Собранието. Во сите градови овие места се секогаш најуредени. Тие се лицето на градот. Кај нас ова и сликата. Целосно неуреден простор. Ѓубре има на секаде. Некогаш градскиот ѕид беше нешто со што сите се гордеевме. Сега е во очајна состојба. Фасадите на зградите во најстрогиот центар на градот изгледаат постапокалиптично. Нема буквално ниту една зграда која е во добра состојба. Ѓубре има во енормни количини.

Преку главната пешачка патека се упатуваме кон плоштадот. Руинираните жардињери тука се импровизирани канти за отпад. Местата за туристички автобуси секако се празни. Наместо нив непрописно паркирани автомобили. На улица Македонија го има и ова. Опасност за децата и минувачите. Колку е се валкано покажува и следниот кадар. Тазе означените пешачки премиени веќе се прекриени со нечистотијата која ја има насекаде.

Стигнуваме на главниот плоштад. Огромните бандери се искривени. Сите се рѓосани, а дел се потпираат со камења.

Тука е местото каде што е родена најпознатата скопјанка Мајка Тереза. Ова место да беше во некој друг град сигурно ќе беше уредено и редици туристи кои чекаа да се фотографираат. Кај нас е вака. Веднаш до спомен плочата се залепени големи уништени транформатори за струја. На дрвото кое го посади лично Мајка Тереза, среде лето стојат новогодишни светкави снегулки и сијалички. На клупите до нив, отпадоци. Осветлувањето на зградата од спротивната страна изгледа вака. Општ хаос кој почнуваме да го прифаќаме како нормално.

Ова е новата подна фонтана во центарот на централни плоштад. Огромни дупки зјаат и убаво покажуваат како е да се живее во држава која се изгубила самата себе. Во дупките смет. Прскалките платени со наши пари украдени.

Вегетацијата добро напредува на Камениот мост и околината. Фонтаните заглавени во ѓубре. Осветлувањето на симболот на Скопје целосно уништени и делува тажно. Општа негрижа. Најновиот мост каде што требаше да има панорамско тркало веќе се целосно уништен. Речиси сите плочки одлепени и паднати. Коритото на Вардат преполно со отпадоци. Мостовите вандализирани. Куќарките кои беа наменети за продавање на книги – обиени и ограбени.

Преку мостот е зградата на Македонскиот народен театар. Место туристичка атракција изгледа ваква.

Нема зборови кои можат да опишат колку е се распаднато и неуредно. За ова нема никакво оправдување. Ова е национален срам за Македонија и предавство без преседан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.