ЗдравјеРеновирани хирушките сали на Клиниката за торакална и васкуларна хирургија Комплетно се реновирани хирушките сали на Клиниката за торакална и васкуларна хирургија и набавена е најсовремена опрема. Тие не беа реновирани повеќе од 60 години.На пуштањето во употреба на реконструираниот оддел за торакална хирургија присуствуваа премиерот Зоран Заев, првиот вицепремиер и министер за политички систем и односи помеѓу заедниците Артан Груби, министерот за здравство Венко Филипче, заменик – министерот за здравство Илир Хасани, министерот за надворешни работи Бујар Османи, директорите на Фондот за здравствено осигурување и на здравствени институции. Премиерот Заев рече дека со отворањето на реконструираниот оддел за торакална хирургија продолжуваат со низата капитални инвестиции во насока на подобрување на здравствените услуги за сите граѓани. Тој им честиташе на сите кои вредно работеле на реновирањето и во екот на пандемијата со Ковид-19. Во реконструкцијата на одделот, како што посочи премиерот, се вложени 60 милиони денари со што комплетно се реновирани хирушките сали, купена е најсовремена опрема за комплетна грижа и лекување на пациентите, бидејќи квалитетната здравствена услуга ни е на прво место. – Со овој чекор кој е дел од капиталните инвестиции во јавно здравствените установи Владата ја потврдува својата цврста определба за градење одржлив и ефикасен здравствен систем кој ќе им биде силна потпора на граѓаните. Во изминатите четири години Министерството за здравство интензивно работеше на подобрување на условите во јавно здравствените установи со цел поквалитетна здрвствена услуга за пациентите и подобри услови за работа на здравствените работници. Овој хирушки центар е столбот на здравствениот систем. Со заеднички сили реализиравме капитални инвестиции во реконструкции и инфраструктура во 32 здравствени установи ширум земјава, истакна Заев. Потенцира дека со тој план биле опфатени Клиниката за трауматологија, ортопедски болести, анестезија, реанимација, интензивно лекување и Ургентен центар, клиниките за дигестивна хирургија, за хематологија, за пластична и реконструктивна хирургија, за неврохирургија, за ендокринологија, за психијатрија, за очни болести, гинекологија и акушерство, Заводот за слух, говор и глас, за детски болести, Институтот за трансфузиона медицина, Специјализираната болница за белодробни заболувања и туберкулоза во Лешок, Поликлиниката Железара, како и целиот комплекс на Интерни клиники во Клиничкиот центар. – Реновирани се двете гинеколошки операциони сали во Специјалната болница за гинекологија и акушерство „Мајка Тереза" во Чаир, во Здравствениот дом во Велес, Битола и Македонски Брод целосно се обновени службите за Итна медицина помош. Исто така, во поиклиниките Чаир и Ѓорче Петров комплетно се реновирани вакциналните пунктови. Годинава е во тек и втората фаза од реконструкцијата и адаптацијата на Општата болница во Кичево. Меѓу главните приоритети на буџетската политика 2021 година е поддршката на здравствениот сектор што значи заштита на здравјето и животите на граѓаните, додаде Заев. Министерот Филипче рече дека му е драго кога на овој начин се одбележуваат вакви настани во рамки на целокупната нивна програма со заемен договор со директорите на јавно здравствените установи од чии буџети треба да се зајакне инфраструтурата во Клиничкиот центар, каде со години работат врвни експерти од одредени области. – За време на кризата многу работи се средија, паркинг просторот, влезот се реши и проблемот со улицата „Водњанска". Ги нема повеќе тие колони возила кои чекаат да стигнат до клиниките. Во рамките на тој целокупен план денеска се промовираат новите сали на Клиниката за торакална и васкуларна хирургија, целосно реновирани на начин на кој ниту едни операциони сали тука во блокот, каде со години наназад се изведуваат најсложените оперативни интервенции не се реновирани повеќе од 60 години. Сега благодарение на овие целосно реновирани операциони сали нашите лекари и експерти од сферата на васкуларната и торакалната хирургија ќе можат да дадат здравствени услуги на пациентите какви што се даваат во најразвиените европски болнички центри. Тоа значи дека ѕидовите, подовите, протокот на воздухот се направени по сите европски стандарди, рече Филипче. Опремата која се наоѓа во салите, потенцира министерот, нуди можност пациентите да добијат услуги од секаков вид и повеќе од сферата на торакалната и васкуларната хирургија и нема потреба тие да се праќаат на лекување во странство. Додаде дека тоа значи сериозно зајакнување на овој осетлив дел од здравствениот систем. – Со пуштањето во употреба на реновираните хирушки сали го подигнуваме квалитетот на здравствени услуги на највисоко можно ниво во современата медицина посебно во хирургијата за што сме посебно горди заедно со колегите и персоналот на Клиниката, рече директорот на Клиниката, Неџати Јакупи. Тој и се заблагодари на Владата за поддршката во буџетот и посака соработката да продолжи, како и инвестициите во јавното здравство посебно во терциерното здравство.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ХороскопДневен хороскоп за 30. септември 2026 година Дневен хороскоп за среда, 30 . септември 2026 година. Вага 24.9.-23.10. Љубов Пред вас е убав ден за дружење , било да се решите за излегување со саканата личност , било да се прошетате и се напиете кафе со познаници. Кариера Денеска лесно ќе излегувате на крај со обврските доколку работите со колеги , но ако сте сами на работното место , ќе ви недостига некој за да поразговарате. Здравје Радувајте се на она што е добро. Шкорпија 24.10-22.11. Љубов Можно е решение на некој семеен проблем , што долго ве измачуваше. Веројатно ќе најдете заеднички јазик. Кариера Успешно ќе завршите една деловна фаза и ќе свртите нов лист.Ќе биде тоа чекор напред за вас. Здравје Не се сомневајте ,туку работете. Стрелец 23.11.-21.12. Љубов Денеска е ден кога во љубовните теми ќе помешате скромност со високи идеали. Резултатот ќе биде збунетост на другата страна. Кариера Соработниците ќе ве подржат и ќе ви изразат симпатии , но кога станува збор за стручноста , никој нема да ви прогледа низ прсти. Здравје Се е во ред. Јарец 22.12.-20.1. Љубов Вашиот љубовен шоу ќе продолжи со поврзување со личност од надвор. Некои ќе добијат љубовен меил или порака од странство. Кариера Својата стручна способност денеска ќе ја надувате до крајни граници , но никој нема да ви замери , зашто ќе бидете уверливи. Здравје Почнете да спортувате. Водолија 21.1.-19.2. Љубов Ќе имате вистински баланс за уживање и љубов , апосебно во конкретни ситуации.Оние во врска ќе бидат многу задоволни. Кариера Денеска исправно ќе се поставите , зашто ќе знаете да ги испочитувате не само строгите правила, туку и човечките потреби. Здравје Мала главоболка. Риби 20.2.- 20.3. Љубов Мал чекор ве дели до помирување и поквалитетни односи , но потребно е само малку трпение. Кариера Веројатно ќе добиете добар договор за спонзорирање на еден проект за што се сомневавте. Здравје Имајте малку повеќе верба. Овен 21.3-20.4. Љубов Преодна несигурност би можела да биде поврзана со погрешно изразување или недоразбирање. Не навлегувајте во расправија. Кариера Вашите претпоставени денеска ќе бидат полни со елан и нови планови за развој на работата , а вие ќе имате помалку енергија. Издржете. Здравје Одете чекор по чекор. Бик 21.4- 20.5. Љубов Ако имате лични проблеми , прифатете еден неврзан повик на кафе , зашто така ќе си ја олесните душата. Кариера Можеби ќе ви предложат да одите на кусо деловно патување за да ја согледате состојбата и да донесете нови информации од терен. Здравје Средете го ритамот на работата и одморот. Близнаци 21.5.-21.6. Љубов За некои овој ден ќе биде за паметење , а особено вториот дел.Оние кои бараат сродна душа , секако треба да излезат. Кариера Ќе биде одлично , координирани и со вистинско чувство за секоја задача. За вас денеска нема препреки. Здравје Уживајте во секој момент. Рак 22.6-22.7. Љубов Ќе одработите уште некои работи од минатото , за да можете посмело да тргнете натаму. Нема да ви биде лесно , но ќе бидете доследни. Кариера Ќе ви обрнат внимание и ќе може да си го изразите своето мислење. Вашите идеи ќе бидат разгледувани , но за нив ќе нема мислење. Здравје Премногу се грижите. Лав 23.7-22.8. Љубов Денеска малку ќе ве измачуваат стари мечти и неисполнети надежи , па затоа најдобро е да се повлечете и смирите. Не инсистирајте на ништо. Кариера Иако ќе работите посветено и без застој , денеска ќе ви изгледа како да работите недоволно. Здравје Поработете на вашето трпение. Девица 23.8.-23.9. Љубов Ако се чувствувате осамено , побарајте друштво на пријателите. Тие ќе бидат вистибнски мелем за вас. Кариера Конечно ќе ви стане јасно дека она што го работите вреди повеќе отколку што мислевте . Со тоа сознание полесно ќе работите. Здравје Бидете искрени кон сите.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
Македонија Богданка Кузеска и Валентин Манасиевски во „Само вистина“Вечерва во „Само вистина“ гости ќе бидат Богданка Кузеска и Валентин МанасиевскиКрадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
ЖивотЛуѓето расправаат дали би го оставиле партнерот за пари, еден одговор е хитНајпопуларниот коментар, кој доби импресивни 16.000 гласови, беше краток и јасен: „Побарај 10 милиони“.На Reddit се разви дискусија околу едно хипотетичко сценарио: што би направиле ако таткото на вашиот партнер/ка кој е милијардер ви понуди шест милиони долари за да ја прекинете врската? Прашањето беше објавено на подфорумот r/AskReddit и набргу предизвика низа духовити, цинични и прилично безобѕирни одговори. „Побарај 10 милиони“ Најпопуларниот коментар, кој доби импресивни 16.000 гласови, беше краток и јасен: „Побарај 10 милиони“. Следуваа и подетални предлози. Еден корисник напишал дека прво би ја покажал понудата на партнерката за да открие што се обидува да направи татко ѝ. Потоа прокометирал дека заедно би можеле да смислат начин да „извлечат повеќе пари од старецот“ пред да побегнат заедно. Друг корисник отишол многу подалеку, шегувајќи се дека со тие пари би можеле да „ангажираат платен убиец“, што би довело до она што тој го опишал како „заедничко гарантирано уништување“. „Но, таткото може да си дозволи повеќе платени убијци“, возвратил друг корисник. Некои споделиле искуства од реалниот живот Еден од корисниците претпоставил дека таквата понуда всушност би можела да биде тест. Тој се присетил како неговиот татко еднаш направил нешто слично со едно момче што се гледало со неговата сестра. Наводно, таткото му понудил неколку стотици долари (или повеќе) за да ја прекине врската со неговата ќерка, бидејќи сакал таа да го продолжи образованието, а врската да не ѝ ги попречи плановите. „Момчето ги зеде парите, а еден час подоцна сестра ми му се јави на татко ми плачејќи дека дечко ѝ ја оставил“, напишал корисникот, додавајќи дека верува оти татко му постапил правилно. Во друг коментар, еден корисник споделил приказна за поранешен колега кој, според него, не бил особено бистар, но направил една многу паметна работа во животот: се оженил со ќерка на милијардер. Тој, наводно, првично го советувал колегата да не се впушта во врска со ќерка на толку познат и богат човек, но колегата не го послушал. Подоцна тој ја изневерил, а бракот завршил со развод. Корисникот се присетил дека по разводот на бирото кај својот колега видел чек за алиментација од 25.000 долари, тврдејќи дека тој износ го примал секој месец и требало да го добива до крајот на животот. Многумина прашале зошто тој воопшто сè уште работи, со оглед на тоа што со таков месечен приход лесно би му овозможил да се пензионира. Други пак коментираа дека им е чудно што милијардерот не инсистирал на предбрачен договор. „Би уживал во моите шест милиони“ Некои учесници во дискусијата немале дилеми. „Би уживал во моите шест милиони долари“, напишал еден корисник, добивајќи повеќе од 300 гласови. Друг бил уште подиректен: „Ако еден милијардер не те сака во своја близина, нема ни да бидеш таму“. Судејќи според коментарите, шест милиони долари навистина би биле доволно силна причина за многумина да стават крај на врската. Извор: index.hrКрадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook