Реновирана спортската сала „Гоце Делчев“ во општина Илинден - Канал 5

Македонија

Реновирана спортската сала „Гоце Делчев“ во општина Илинден

Општина Илинден целосно ја реновираше спортската сала „Гоце Делчев“ во населеното место Илинден, со што објектот доби современи, функционални и побезбедни услови за спортистите, младите и сите љубители на спортот.

Реновирана спортската сала „Гоце Делчев“ во општина Илинден

„Реновирањето се реализираше по речиси две децении активно користење на салата, со повеќе градежни и технички интервенции насочени кон подобрување на нејзината функционалност, безбедност и енергетска ефикасност.“ – истакна градоначалникот на Општина Илинден, Александар Георгиевски.

Во рамки на проектот е извршена целосна санација на таркетот, со стругање и нанесување три слоја специјален заштитен лак отпорен на гребење и пролизгување, како и ново обележување на теренот за различни спортски дисциплини.

Обновени се и ѕидовите и таваните, додека трибините се бојадисани и опремени со нови седишта. Поставена е нова заштитна ограда, а извршена е и замена на гумираниот под и реновирање на соблекувалните.

Дополнително, во рамки на реконструкцијата се бетонирани стопи и поставени метални елементи за монтажа на мобилни столбови за одбојка, со што се унапредуваат условите за одржување тренинзи и натпревари во повеќе спортови.

Како дел од активностите за модернизација на спортската сала, претходно беа заменети дотраените металхалогени рефлектори со современи ЛЕД светилки. Новото осветлување овозможува подобра видливост и значително поголема енергетска ефикасност.

Вложувањето во спортската инфраструктура останува еден од приоритетите на локалната самоуправа, со цел создавање квалитетни услови за развој на спортот, поттикнување на здрави животни навики и обезбедување подобар квалитет на живот за сите граѓани.

Општина Илинден

Тагови: Илинден

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Цветин подари Виолински клуч на Карерас со порака „музиката и уметноста ќе го спасат светот“

Светски познатиот тенор Хозе Карерас, сношти, доби уметничка слика „Виолински клуч со три рози“ од македонскиот уметник сликар и хуманист Живко Поповски – Цветин.

Цветин подари Виолински клуч на Карерас со порака „музиката и уметноста ќе го спасат светот“

По завршување на настапот во рамки на концертот „José Carreras with Macedonian All-Stars“, Цветин се сретна со Каререс, при што подарувајќи му ја сликата, порача „музиката и уметноста ќе го спасат светот“.

Карерас и Цветин разговарале за своите животни кариери и за актуелните случувања во светот. На листата светски музичари – уметници, освен Карерас, вакви уметнички слики добиле и францускиот пејач и композитор Шарл Азнавур, оперскиот сопран Радмила Бакочевиќ, диригентот Зубин Мехта, џез музичарите Би Би Кинг и Реј Чарлс, македонските оперски певици Милка Ефтимова, Весна Илкова Гиновска, како и македонскиот оперски пејач Борис Трајанов и македонскиот класичен пијанист Симон Трпчевски.

Карерас настапи на концерт во Македонија по повод 35 години независност на Македонија.

Тагови: Живко Поповски – Цветин Хозе Карерас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Карпош: Нови клупи и корпи за отпадоци на кејот на Вардар

На барање на Општина Карпош, Град Скопје деновиве постави клупи  и корпи за отпадоци долж пешачката патека на кејот на реката Вардар, во делот на локалната самоуправа, на потегот од хотелот „Александар Палас“ до „Железниот мост“, во населбата Влае.

Општина Карпош: Нови клупи и корпи за отпадоци на кејот на Вардар

Со оваа акција, се подигнува степенот на квалитетот и квантитетот на урбаната опрема и урбаната инфраструктура на територијата на локалната самоуправа, во една од најзначајните и најфрекфентните рекреативни зони во градот. Оваа иницијатива претставува пример за одличната меѓуинституционална соработка помеѓу Општина Карпош и Град Скопје, кои до сега соработувале во повеќе ситуации. Во оваа пригода апелираме до сите граѓани, на совесно и одговорно однесување и чување на урбаната опрема и урбаните реквизити, како наше заедничко урбано и јавно добро.

Општина Карпош

Тагови: Општина Карпош

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Македонија губи првачиња – младите се иселуваат а Владата увезува „економски работници“

Оваа 2026 година е најлошата година за македонското образование од независноста до денеска. 

СДСМ: Македонија губи првачиња – младите се иселуваат а Владата увезува „економски работници“

Поразителни се бројките: 3.000 помалку првачиња, 148 празни училишта, 433 паралелки помалку, се затвораат 26 подрачни училишта.

Никогаш сликата на почетокот на учебната година не била потажна. Дебалк на криминалните политики на Мицкоски.

Македонија губи првачиња, училиштата се празнат, паралелките исчезнуваат, ја губиме иднината.

Поради лошата економска состојба, иселувањето, блолкирањето на европскиот пат, Македонија губи млади, губи работна сила.

Изолацијата којашто Владата на Мицкоски ја спроведува ги брка младите.

А што прваат Мицкоски и Јаневска? Им зборуваат за спалните соби, ги обвинуваат граѓаните и увезуваат „економски работници“.

Или како што вели Мицкоски во едно негово интервју, „Празниот простор дома ќе мора да се пополнува со работници од трети земји“

Значи тоа е политиката на Мицкоски, македонските работници да ги заменат економски работници од трети земји.

Тоа денеска на сите им е јасно.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер