Рено ветува 36 нови модели до крајот на деценијата - Канал 5

Автомобилизам

Рено ветува 36 нови модели до крајот на деценијата

Рено соопшти дека планира 36 нови модели до крајот на деценијата за да го поттикне растот во услови на интензивирање на конкуренцијата на неговите клучни пазари.

Рено ветува 36 нови модели до крајот на деценијата

Рено соопшти дека ќе лансира 22 нови модели во Европа во текот на следните пет години, вклучувајќи 16 електрични возила. Уште 14 модели ќе бидат лансирани на меѓународните пазари, бидејќи компанијата работи на проширување на своето присуство надвор од регионот.

Производителот на автомобили изјави дека има за цел да ја зголеми годишната продажба на својот основен бренд Рено на повеќе од 2 милиони возила до 2030 година, при што 50% од тие продажби доаѓаат од пазари надвор од Европа. Минатата година, продажбата на брендот Рено изнесуваше 1,6 милиони возила, додека повеќе од две третини од вкупната продажба на групацијата беше во Европа.

Наместо да се насочи кон двата најголеми пазари на автомобили во светот, компанијата планира да се прошири во Индија, Јужна Америка и Јужна Кореја. Рено изјави дека сака да биде присутен во 55% од глобалниот пазар на автомобили, исклучувајќи ги САД и Кина, додека одржува силна база во Европа.

Конкуренцијата во Европа се засили бидејќи кинеските производители на автомобили како што е „BYD“ се шират во регионот, што предизвикува загриженост кај инвеститорите за потенцијалниот притисок врз цените и влијанието врз профитабилноста на индустријата.

Како дел од својата стратегија, Рено изјави дека ќе ги намали трошоците за електрични возила и ќе ја прошири својата хибридна технологија по 2030 година.

Извор: Б92

Тагови: модели Рено

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Софија Вергара во секси фустан на 54 роденден

Најплатената телевизиска актерка на свето, атрактивната Колумбијка, Софија Вергара  летово ги бодреше фудбалерите на Светското првенство, но и покрај нејзината поддршка турнирот заврши за колумбиската репрезентација.

Фото: Софија Вергара во секси фустан на 54 роденден

Со намера да им стави крај на фотките во боите на Колумбија, Софија одлучи да објави нешто многу посекси и елегантно.

Сексапилната Софија објави фотографии на кои позира во долг, шарен фустан со интригантен исечок кај градите.

Овој пат, таа имаше посебна причина за славење: го одбележуваше својот 54-ти роденден.

Фустанот привлече најголемо внимание, секако поради истакнатите облини на Софија, фустанот ги истакна сите атрибути на „жешката“ Колумбијка.

Тагови: Софија Вергара

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зајкова од Собранието: Доста со ПР-театар, да ги спасиме првите 4 милиони евра на граѓаните!

„Изборот на Парламентот денеска е едноставен, дали ќе ги гласаме само техничките забелешки на ОБСЕ и ОДИХР или ќе дозволиме граѓаните да изгубат 4 милиони евра.

Зајкова од Собранието: Доста со ПР-театар, да ги спасиме првите 4 милиони евра на граѓаните!

Никој здраворазумен политичар не би дозволил граѓаните да изгубат 4 милиони евра“, вели во својата видео изјава претседателката на Либерално-демократската партија (ЛДП) и пратеничка во Собранието, Моника Зајкова.

Зајкова посочува дека ЛДП уште минатата недела предупредила дека е доста од меѓусебни политички расправии и ценкања и побарала веднаш да се стават во процедура измените на Изборниот законик кои што се однесуваат исклучиво на забелешките на ОБСЕ и ОДИХР.

„Тука не станува збор за никакви црвени линии, станува исклучиво збор за договорени технички работи, врз кои што Македонија треба да добие пари од Европската Унија. Понатаму, до 2028 година има време за дебата помеѓу политичките партии да ги усогласат останатите црвени линии по однос на измените на Изборниот законик“, изјави претседателката на ЛДП, Зајкова и ги повика колегите пратеници да гласаат за техничките забелешки на ОБСЕ и ОДИХР и да им обезбедат 4 милиони евра на граѓаните.

Тагови: ЛДП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран поднесе жалба до Советот за безбедност на ОН

 Иран официјално поднесе жалба до Советот за безбедност на Обединетите нации (СБОН), обвинувајќи ги САД за систематско кршење на Меморандумот за разбирање од Исламабад, потпишан минатиот месец. 

Иран поднесе жалба до Советот за безбедност на ОН

Во писмо упатено до генералниот секретар на ОН, Антонио Гутереш, и претседателот на Советот за безбедност, Зенон Нгаи Муконг, постојаниот претставник на Иран во ОН, Амир Саид Иравани, изјави дека САД, како што тврди Техеран, почнале да ги поткопуваат неговите одредби речиси веднаш по потпишувањето на договорот, објави „Прес ТВ“.

На 17 јуни, Иран и САД потпишаа Меморандум за разбирање кој предвидува траен прекин на непријателствата на сите фронтови и продолжување на преговорите за конечен договор во рок од 60 дена.

Според толкувањето на Иран, документот предвидува дека Иран ќе ја преземе одговорноста за управувањето и безбедноста на пловидбата низ Ормутскиот теснец.

Во жалбата, Иравани наведе 42 случаи на наводни прекршувања на договорот од неговото потпишување, вклучувајќи ги воените напади на САД на иранска територија, ограничувањата за продажба на иранска нафта, воспоставувањето алтернативна поморска рута низ Ормутскиот теснец и поддршката за Израел во конфликтите во Либан.

Иранскиот амбасадор особено го истакна Член 5 од меморандумот, за кој тврди дека ја потврдува надлежноста на Техеран врз утврдувањето на безбедното минување низ Ормутскиот теснец.

Тагови: Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер