Рено претстави кампер за љубители на природата и патувањата (ФОТО) - Канал 5

Автомобилизам

Рено претстави кампер за љубители на природата и патувањата (ФОТО)

Популарноста на таканаречениот „комбе“ животен стил незапирливо расте, а Renault е најновиот производител што се приклучува на овој сегмент.

Рено претстави кампер за љубители на природата и патувањата (ФОТО)

Француската компанија ќе го искористи Van Life Expo овој викенд за премиерно да го претстави новиот модел Trafic Escapade, дизајниран за љубителите на патувања и престој во природа. Станува збор за кампер кој нуди паметни решенија како што се заден кревет и компактен кујнски модул.

Практичност и удобност за викенд авантури

Новиот Trafic Escapade на Рено е дизајниран како едноставен и функционален кампер. Внатрешноста нуди ротирачки седишта во вториот ред и задна клупа што лесно се претвора во удобен кревет. Главната ѕвезда на овој модел, сепак, е компактниот кујнски модул сместен во задниот дел од возилото. Опремен е со шпорет на гас, простор за складирање и склоплив мијалник со туш, напојуван од резервоар за вода од пет литри. Практична склоплива маса е достапна и во побогати пакети опрема.

Модерна опрема и безбедност

Иако Renault сè уште не ги откри сите детали, потврдено е дека Trafic Escapade ќе биде достапен со пакетите опрема Evolution и Iconic. И двата пакети ќе вклучуваат камера за заден поглед, бројни системи за помош на возачот и 17-инчни алуминиумски тркала како стандард. На клиентите ќе им бидат достапни и безжичен полнач за паметни телефони, автоматски клима уред и 8-инчен мултимедијален систем Easy Link.

Во понуда се два дизел мотори

Под хаубата ќе се најдат два докажани 2,0-литарски Blue dCi дизел единици. Основната верзија развива 148 КС (110 kW) и 350 Nm вртежен момент, а ќе биде достапна со деветстепен мануелен или автоматски менувач. За оние кои бараат поголема моќност, постои и помоќна верзија со 168 КС (125 kW) и 380 Nm вртежен момент, која доаѓа исклучиво со автоматски менувач.

Тагови: кампер Рено

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер