Прв на листата е Alpine. Со последната објава, брендот најави електричен кросовер, но оттогаш ништо не е видено. Многумина се надеваат дека Париз е местото каде прво ќе го видиме појавувањето на новиот електричен модел чие производство би требало да започне во 2025 година.
Кога станува збор за Renault, ретрото е дефинитивно во мода. Renault 4 дефинитивно се враќа, и тоа како електричен модел. Сепак, сите други информации се уште вешто се кријат во компанијата.
Постои голема веројатност да го видиме и новиот Renault 5. Иако веќе го видовме во јануари оваа година, сега треба да нѐ изненади „спортскиот неконвенционален изложбен модел“ - веројатно некоја уникатна интерпретација. E-Tech електрични изданија доаѓаат и за Kangoo, Megane и Austral.
Дачија е голема непозната. Официјалните материјали велат дека компанијата ја претставува „последната фаза во трансформацијата на нејзиниот визуелен идентитет“. Да се надеваме дека е повеќе од само ново лого и можеби вклучува нов производ.
Конечно, тука е и Mobilize со мал модел Duo наменет за услугата carsharing и Hyvia, која најави новина на водород (Master Van).