Рено до 2031 година планира нови седум електрични модели - Канал 5

Автомобилизам

Рено до 2031 година планира нови седум електрични модели

Откривајќи ги плановите на темата за транзиција кон гамата на електрични автомобили, францускиот производител Renault до 2031 година ќе лансира седум нови електрични модели.

Рено до 2031 година планира нови седум електрични модели

Сите ќе се произведуваат во новата дивизија Ampera, а Renault има големи очекувања за електрифицираните верзии на легендарните Four и Five, и конечно прифатливата Twingо EV – најавено за 2026 година.

Пред неколку недели Renault официјално го објави формирањето на новата европска дивизија, Ampere, која ќе ги произведува идните електрични модели на француската марка. Сега производителот од Булоњ-Биланкур ги откри новите планови за електрификација на својата палета. Имено, новиот план се состои од лансирање на седум електрични модели до 2031 година. Од нив, два модели ќе бидат од новата генерација. Сите нови модели ќе ги произведува нова дивизија - Ampere, а ќе се базираат на две наменски платформи, дизајнирани од темел. Тоа се архитектури AmpR Small (CMF-BEV) и AmpR Medium (CMF-EV).

Во исто време, Renault вели дека нивните идни електрични модели ќе бидат дистрибуирани во сегментите A, B и C. Французите очекуваат сегментот на субкомпактен и компакт да претставува 75% од пазарот на електрични возила до 2030 година. Првиот електричен модел во оваа нова гама веќе е лансиран во 2022 година. Тоа е Renault Megane E-Tech. По него ќе биде лансиран новиот Scenic E-Tech кој ќе дебитира на пазарот во 2024 година. Исто така, по овие два модели, во 2024 година ќе пристигне новиот електричен Renault 5 EV, потоа Renault 4 EV од 2025 година и Renault Twingo EV во 2026 година. Дополнителни два нови електрични модели ќе бидат лансирани во 2027 и 2028 година како замена за Megane E-Tech и Scenic E-Tech.

Покрај новите модели на Renault, Ampere ќе произведе два електрични модели за Alpine, потоа новата генерација на Nissan Micra, како и електричен SUV за Mitsubishi. Овде е важно да се напомене дека Ampere ќе ги поддржи и плановите за електрификација на Dacia со помош на нови софтверски системи.

Повеќето од споменатите модели ќе се произведуваат во Франција, во фабриките во Дуаи и Mобеж. Куќиштата за батерии и сродните компоненти ќе се произведуваат во Руиз, додека електричните погони ќе се склопуваат во Клеон. Рено наведува дека производствениот капацитет во овие фабрики ќе се зголеми од 400.000 на 620.000 возила годишно до 2028 година. Така, Renault сака да продаде 300.000 електрични автомобили до 2025 година и милион такви автомобили до 2031 година.

Со поделбата на Ampere, Renault планира да ги намали трошоците за производство за 40% до 2028 година. Трошоците за производство на батерии ќе бидат пониски за 50%, додека трошоците за електричните мотори ќе се намалат за 25%. Ќе се намали и цената на платформите. Трошоците за производство на каросеријата ќе бидат помали за 15 отсто, а трошоците за логистика за дури 50 отсто. На овој начин, Renault сака да постигне паритет меѓу електричните модели и оние со класични мотори до крајот на 2028 година.

Проектираните приходи се предвидува да се зголемат од 2,8 милијарди евра во 2023 година на 10 милијарди евра во 2025 година и дополнително да надминат 25 милијарди евра до 2031 година..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Тешка несреќа во Италија: Шестмина загинати, 30 повредени

 Шест лица загинаа, а 30 се повредени во сообраќајна несреќа што се случи денеска на автопатот во италијанската провинција Риети, во близина на езерото Вентина, соопштија полициски извори.

Тешка несреќа во Италија: Шестмина загинати, 30 повредени

Според полициски извори, загинале двајца возачи на автобус и двајца патници, додека другите две жртви биле во камперот, пренесува „Кориере дела сера“. Од 30-те лица повредени во судирот, тројца се во тешка состојба.

Во челниот судир меѓу кампер што се движеше кон Терни и автобус што се движеше по спротивната лента, кон Риети, учествуваа и три автомобили.

Камперот вклучен во судирот беше целосно уништен, додека еден автомобил се преврте.

Причината и деталите за несреќата сè уште се предмет на истрага.

Тагови: сообраќаен хаос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

ВИДЕО: Хеликоптери се судрија при гаснење пожар во Грција – извлечени телата на пилотите

Грчката противпожарна служба потврди дека се извлечени телата на пилотите чиј хеликоптер експлодираше и се урна по судирот со друг хеликоптер за време на мисија за гаснење пожар во Грција.

ВИДЕО: Хеликоптери се судрија при гаснење пожар во Грција – извлечени телата на пилотите

Пилотот бил Данец, а копилотот Грк, објави државниот сервис ERT. Со нивната смрт, вкупниот број на жртви од шумските пожари во Грција се искачи на пет, по смртта на тројца пожарникари на Крит и на Пелопонез минатата недела.

ERT емитуваше снимка на која се гледа како роторот на едниот хеликоптер удира во другото летало, по што тоа експлодира и во пламен паѓа на земјата.

Двајца членови на екипажот од вториот хеликоптер го преживеале инцидентот откако пилотот успеал да изведе принудно слетување, објави медиумот.

Хеликоптерите се судрија додека гаснеле пожар западно од Атина.

Започната е голема операција за пребарување и спасување во областа близу селото Псата, соопшти противпожарната служба.

Во меѓувреме, пламените јазици од огромен пожар, што беснее на околу 50 километри западно од Атина, се проширија до непосредна близина на градот Мегара, кој брои околу 36.000 жители. Според првичните проценки, од петокот досега се уништени повеќе од 10.000 хектари шума, како и куќи, штали и земјоделско земјиште, објави ЕРТ. Стотици припадници на службите за итни интервенции, вклучително и пожарникари од Романија и Франција, се борат со големиот пожар што беснее околу густо пошумениот планински венец Китерон.

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Продолжува топлотниот бран, денесска сончево со температура до 39 степени

Управата за хидрометеоролошки работи информира дека времето денес ќе биде сончево и топло со мала локална облачност.

Продолжува топлотниот бран, денесска сончево со температура до 39 степени

Во западните делови ќе дува слаб до умерен ветер претежно од североисточен, а во источните делови од северозападен правец. Минималната температура ќе биде во интервал од 9 до 19, а максималната ќе достигне од 33 до 39 степени.

Во Скопје, сончево и топло со слаб ветер од променлив правец. Минималната температура ќе се спушти до 18, а максималната ќе достигне до 39 степени.

ВРЕМЕТО ВО НАРЕДНИТЕ ДЕНОВИ

Под влијание на топла воздушна маса од југ во деновите од продолжениот викенд и до крајот на следната седмица времето ќе биде сончево и многу топло со мала до умерена локална облачност. Дневната температура насекаде ќе биде над 33°C, а на некои места ќе надмине 40°C. Високи температури ќе се задржат и во текот на ноќните часови.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер