Рекордер во скијачки скокови ја заврши големата кариера

Австрискиот ски скокач, 31-годишниот Грегор Шлирензауер, рекордер по победите на Светските првенства, објави крај на својата спортска кариера.

"По пауза поради повреда, имав доволно време да размислам за се`. Не беше лесно да донесам одлука да ја завршам кариерата, но ми се чини дека го направив тоа во вистинско време. Скијачките скокови ми донесоа многу радост и искуство за во иднина “, рече Шлирензауер на својот блог.

Помина 15 години на Светското првенство, но поради повредите во последните сезони повеќе не можеше да се врати на врвот. Со 53 победи, тој беше рекордер на Светското првенство и 88 пати беше на подиумот. Двапати беше севкупен победник на Светското првенство (2009, 2013), а исто така двапати по ред (2012, 2013) ја освои Новогодишната турнеја на четирите скокалници.

Има четири медали од Олимпијадата. Тој освоил три во Ванкувер во 2010 година каде беше најдобар во тимот со Австрија, додека во поединечна конкуренција беше бронзен на малите и големите скокалници. Тој исто така има тимско сребро од Зимските олимписки игри во Сочи 2014 година.

Стефковски: Жителите на Колонија добиваат спортско игралиште

Жителите на Колонија добиваат спортски терен со најсовремена тартан подлога.

Ова е третото спортско игралиште од вкупно седум што се градат на територија на општина Гази Баба.

Претходно беа завршени спортските терени во Триангла и Керамидница, а во деновите пред нас ќе се изградат и во населените места Гоце Делчев и Кирил Петрушевски со тартан подлога, додека Стајковци и Страчинци ќе добијат терени со вештачка трева.

Во Гази Баба се гради и инвестира. Општината добива нов лик.

Новото време за нашата Гази Баба само што започна, напиша на својот профил на Фејсбук градоначалникот на Гази Баба, Боби Стефановски.

Повредена малолетничка од Скопје при обид да избега од Психијатриската болница

​Малолетничка од Скопје, при обид да избега од Психијатриската болница при Комплекс клиники, паднала од височина и се здобила со тешки телесни повреди, констатирани во Ургентен центар, потврдија за МИА од МВР.

Појаснуваат дека за овој случај денеска во 10.22 часот е пријавено во СВР Скопје.

Гејмерите повеќе претпочитаат „Windows 10“ од „Windows 11“

Тековниот оперативен систем на „Microsoft“ го загуби уделот на пазарот во текот на изминатиот месец на платформата „Steam“.

„Windows 11“ е најновиот и најдобар оперативен систем на „Microsoft“, и бидејќи платформата достигна широко усвојување, има смисла дека сè повеќе корисници ја испробуваат.

Сепак, според податоците објавени од платформата за игри на „Valve“- „Steam“, некои корисници кои се обиделе со „Windows 11“, всушност потоа се префрлиле на „Windows 10“. Најновиот оперативен систем на „Microsoft“ изгуби удел на пазарот во текот на изминатиот месец.

„Windows“ и понатаму е водечка платформа за компјутери за игри, со пазарен удел од 97,03 отсто, што претставува зголемување од 0,66 отсто во споредба со претходниот месец.

„Windows 10 64-bit“ беше најголемото изненадување во текот на јуни, забележувајќи рекорден раст од 1,91 отсто (држејќи 73,17% од пазарот). „Windows 11“ имаше пад од 0,11 отсто и сега држи 21,12 отсто од пазарот.

Кога станува збор за другите оперативни системи, „macOS“ е втор најпопуларен избор, но со вкупен удел од само 1,74 проценти. Во текот на јуни, „Linux“ постигна раст и сега има 1,23 отсто удел од уредите со инсталиран „Steam“.

притисни ентер